اسيرة 2014
ــــــــــــــــــــــــــــــــــــــــــــــــــــــــــــــــــــــــ
البنيه وضعها كلش تعبان وين جنتو كل هل وقت لازم تراجع طبيب نفسي وبيها عدة اشياء منها ربو ولازم احجي وياك ع انفراد بخصوص اشياء لازم تعرفها لان هي مو بخير ابد
حسيت صاعقة ونزلت عليه اسمع كلام الطبيب بس مدري شحجي اباوع على زهراء فاتحة عيونها بتوسع كتلها ابقي هسه اجي عفتها وامشي كل خطوة اثگل من الثاني ماريد اوصل يم الطبيب ولا اريد اسمع شراح يحجيي تعوذت من الشيطان ورحت يم الطبيب دكيت الباب وطبيت
-تعال ابني اكعد
-خوفتني كلش دكتور خوما بيها شي مو زين لاسامح الله
-باوع ابني ماريد اضم شي عليك لان بنهاية هاي حياة بنتكم ولازم تعرفون فـ ابني هي صار يمها اغماء من الصدمات والهبطات مبين مرت بفترة كلش صعبة لهذا السبب تعاني منها هي جسدها تعبان ولازم تروح طبيب نفسي وصاير يمها ربو بداية يعني ومااتوقع يروح منها وبعد اكو اعراض جانبية ومضاعفات فضيع بجسم والرحم مالتها متأذي من الضغط ومن الصعب اانو من تتزوج تجيب اطفال لوكتها الله كريم بس مجرد اكلك مقدماً عندي سؤال واريدك تجاوبني بصراحة
صافن على كل حرف شحجي شكول شنو رحم لو طفل شنو ربو شنو مضاعفات
-ابني انت وياي لو لا
-العفو دكتور تفضل اسئل
-هي متعرضة للعنف لو ضرب لو شي؟؟
-اي هواي
-مو خوش سالفة
-زين هي ما متعرضه للاغتصاب ليش رحمها تعبان!
-ابني مو شرط تكون مغتصبة بس اكو نوع اسمها تحرش او عنف او ضرب فـ هذا يؤدي الى انو الرحم تتعب
-يعني شنو دكتور ماكو تحسن شي
-تصير بخير سالفة الرحم يروح منها والاضطرابات والخوف اما الكوابيس ورجفة الايد هاي تبقى يم الطبيب النفسي بس ربو ميروح والمضاعفات لازم علاج تاخذ مستمر وسالفة تجيب طفل بعد يم الله تبقى
-شكراً دكتور اكدر اطلعها؟
-اي بس ديرو بالكم عليها لاتخلوها بمكان هوسة ولا تزعلوها
-ان شاء الله من رخصتك دكتور
-الله وياك
طلعت من الغرفة كلام الدكتور يرن بأذني يعني شون مفتهمت اذا تعرف شمس شراح تسوي شنو راح يكون وضعها جنت امشي مثل واحد ضايع
-شبيك بندر شكال الدكتور لاتخوفني خوما بيها شي
-لا بس مضاعفات بسيط وربو عدها تروح ان شاء الله ماكو شي
-ما تضم عليه شي موو ليش وجهك هيج مصدوم
-ماكو شي زهراء تعاي نطلعها يلا
مشينه وصلت للغرفة شفت متمدده وفاتحة عيونها وعلى ايدها كانونة
-االحمدلله على السلامة كلبي
-الله يسلمج عمري شصار شو مدا اذكر شي.
-ماكو شي هبوط
ماحجيت حرف وياها طلعت صعدت السيارة وزهراء وشمس صعدوو جنت اسوق وبالي يم كلام الطبيب وسمعتهن يحجن
-اخوج شو محجه شي زعل مني لان خربت العزيمه
-شهل حجي ماعليج هسه نرجع ونكمل بعد وكت هستوهم يمكن حطوو اكل لا تهتمين انتِ
أنت تقرأ
أســيرة 2014
Aktuelle Literaturعندما يأتي الحب من مكان أخر في وقت غير مناسب ومن شخص غير مناسب فتاة وقعت بين تنضيم داعش وهنا تبدأ حياتها التعيسة بين هولاء الضلام والمجرمون هل سوف تخرج من هذا الحرب ام لا وماذا سوف يحصل لها....
