اسيرة 2014
ــــــــــــــــــــــــــــــــــــــــــــــــــــــــــــــــــــــــ
يعني هي ما متأكدين منها بس يمكن من تزوجين....
-شبيككك شبيككك كملللل شنو من ازوج شيصير.
-من تزوجين يمكن ما يصير يمج حمل.
-ههه شون يعني مفهمت.
-يعني ما جيبين جهال.
-تشاقون وياي.
زهراء: لا والله واصلاً ماردت تعرفين بس انتِ سمعتي شسوي.
-شون يعني مااجيب جهال ياهو كال هل حجي.
بندر: الدكتور هو كال بس باعي شمس ما متأكدين تمام فدوه لاسوين شي هسه وخليج ريلاكس.
-هههههههههههه ريلاكس تمام.
كلام بندر جان صاعقة ونزلت عليه ابد مجنت متوقعة ولا مفكرة يعني شون مااجيب فوگ ما تأذيت ونفسيتي خربت ونوب مااجيب.
بندر: شمسس خليج وياي لاصفنين ابجي صيحي.
-مابيه شي المن اصيح عادي
-لا مو عادي انتِ ضمين بكلبجج وهسه يصيرلج شي نوب محمود يسوي مشكلة.
-لا المن مشكلة عمي ميحتاج الي الله كاتبة يصيرر.
-متأكدة؟؟
-اي لايضل بالك باجر الصبح رجعني تمام.
-ان شاء الله.
عفتهم وصعدت فوگ ياريت ما نزلت ولا سمعت حسيت راح انفجرر بس شون لزمت نفسي ماعرف.
الشعور الي عشتها ماا اتمناها للاحد بعدني بأول عمري الله اليعلم شمنتضرني بعدد.
ضليت متمددة وافكرر شي حار نزل على خدودي عرفت دموعي الي تچوي الگلب.
غمضت عيوني بتعب وخذلان مااريد افكر ولا اريد شي.
كعدت الصبح على صوت زهراء وهي تكول وين ملابسي حذائي وين.
كمت فركت عيوني رحت غسلت ورجعت شفتها مرايحة بعد كعدت بصفها صبحت عليها وجانو بعدهم ما متريگين.
سجاد: اكعدي اكلي بعد وكت.
زهراء: اي تمام
الكل جان كاعد وخالة ضامة وجهاا متريد تبجي وزهراء تشوفها باوعت على بندر.
نضراته قلق وخوف عليه ذكرت الي حجه امس معقولة اني ماانطي رد فعل قوي واصيح وابجي بصوت عالي يمكن بسبب التأثيرات والصدمات بعد كلشي صار عادي.
تريگنه كلنه خلصنه كمت ساعدت البنات وغسلنه بس ابد ماشاركت بحديثهن ولا حجيت جنت اشتغل بصمت.
الكل لاحظ سكوتي والكل بده يباوعلي بنضرات مدري شون.
ابو بندر: بنتي بيج شي يوجعج شي شو ساكته.
-لا عمو ماكو شي سلامتك.
-خير ان شاء الله تمام.
رجعت تجاهلتهم وصرت اشتغل لحد ما خلصنه زهراء رتبت نفسها لان ياخذوها لصالون واني اساعدها سحبتني لمكان وحدنا وصارت تحجي.
-باعي اعرف سكوتج وحقج واصلا اني مصدومه شون ما صيحتي بجيتي وهذا الشي مو زين لان ضمين بداخلج.
-لايضل بالج اني بخيرر بس هذا يم الله يبقى اذا صار او لا كلها قسمه واصلا ياهو كال راح اتزوج.
-لا تحجين هيج شنو ما تزوجين.
-اي سالفة زواج شلتها من كل تفكيرييي ومن حياتي.
-شمس لاتخلينيييي ازعل منج بعد وكت لاتفكرين هيج.
-الله كريم هسه امشي حضري روحج راح تتأخرين.
-انطيني وعد ديرين بالج على روحج.
-ان شاء الله حبيبي تدللين.
رجعنه وكملت ورتبت نفسها وطلعوو خالة حاضنة زهراء وتبجي وهي همات تبجي على وضعهم ومنظرهم بجيت يمكن بحياتي مراح اجرب هل شعور بندر كال اوصلها وارجع اخذج.
وافقت طلع والكل صار يبجي واني هم بجيت على زهراء وعلى حضي شفتها عذر حتى ابجي واستغليتها.
السياره ابتعدت وخالة تبجي وتباوع عبالك اخذو الامان الي جان موجود بلبيت.
دخلنه البيت والكل صار بحالة اكتئاب وعبدالله منزل راسه عرفته يبجي رحت يمه كعدت.
-ها لك زلمة شكدك تبجي.
-زهراء جانت امي الثانية والله.
-اعرف بس لازم تتعود بعد سنه سنتين او اقل بتول وندى هم يتزوجن.
-اهووو المن يتزوجن.
-وانت من تزوج ليش تاخذ بنات الناس لو الك حلال والهم حرام.
-ههههه والله انتِ كارثة شني هاي.
-اي عمي چا شون هسه اني هم اروح ونوب اخذ راحتك.
-لا بشرفج ابقي يمنه اليوم فدوه.
-مكدر ابقى من تجي زهراء هنا اجي اني هم تدلل.
-تمام عيني.
انتضرت لحد ما يجي بندر بس الي عجبني محد سئلني ولا كال ليش مقبلتي على بندر ضليت متانية يجي جنت محضرة كلشي.
اتصل عليه محمود ورديت.
-سلام عليكم.
-وعليكم السلام
-شوكت تجين.
-هسه خل يرجع بندر اجي.
-اجي اني.
-ميحتاج اني كلت للبندر اذا تأخر اكلك.
-تمام عيني خوما ضايجة من شي.
-هههه لا مابيه.
-يلا اروح اني.
طفيت الموبايل اجه صوت بندر صعدت فوك جبت الغراض ودعتهم وطلعت بره.
-ااذا تعبان اتصل بمحمود.
-شهل حجي تعبج راحة تعاي صعدي.
-تمام.
صعدت السيارة وهو صار يسوق مشاعر بندر اتجاهي جان صادق بس اني ماردت هذا الشي ولا ردت العب بمشاعرة جان صديقي المقرب هو ومُنقدي بنفس الوقت صح جان عندي مشاعر اتجاه بس ماريدها لان ميستحق وحدة مثلي.
-شمس اني ناقصني شي.
-حشاك ليش شهل حجي.
-ليش كلما اتقدملج واريد اتقرب منج تبتعدين مني.
-ماريد اضلمك.
-بشنو تضلميني.
-اني بنية محد يتقبلها لا انت ولا غيرك ولا المجتمع.
-لاتحجين هيج اني رايدج بكل مشاكلج واني الي اعرف عنج كلشي ليش هيج تحجين لو ماريدج جان لا حجيت وياج ولا انطيتج وجهه ولا ادك بابكم.
-ميخالف تستاهل الاحسن انت.
-خايفة بسبب انو مجيبين طفل.
-هاي اول سبب وبعد هواي عندي تخليني ماا قبل ماريد افكر بنفسي فقط.
-ااستغفر الله ميهمني الطفل شمسيَ انه رايدج الج ما رايد طفل.
-سنة سنتين اهلك راح يحجون وانت تبدي تمل.
-اششش هل حجي لاتعيدين محد يكدر يفرض كلامه عليه.
-اعذرني بندر
-يصير خير.
ماردت يشوف دموعي ضميت وجهيي وهو صار يسوق وجگارة بيده صرت اكحح وهو يباوع عليه ويرجعع يسوق.
-شبيججج
-راح اختنگ طفييييي.
-تمام تمام اهدي.
ذب الجگارة وكفت السيارة نزل يجيب ماي واني مستمرة اكح صار يغسل وجهي ويشربني ماي.
-اسف بوية والله نسيت.
-ذيج المرة هم دخنت بس شون مااختنگت مدري يمكن لان جنت كاعدة وره.
-شون جذب
-دوووخرررر صوجي ااني اجيت وياك.
-صعدي لا اطير وجهججج.
صعدت وبطل الماي بيدي بس ايديه ترجف مراح اخلص من هل رجفة طول عمري وهو مستمر يباوع عليه.
-بعدهن يرجفن ايديج.
-اي
-طبيب مارحتي.
-ماتروح من اتعب واتعصب واضوج يصير هيج.
سكت ما جاوب ضلت السيارة تمشي لحد ما وصلنه للبيت نزلت وهو سلم على اهلي وراح واني عفت الكل صعدت فوگ.
ضميت وجهيي بالفراش وكمت ابجيي واشهگ تاليتي هيج يصير بيه.
وهيج مرت الايام زهراء وضعها استقر وكل فترة تحاجيني وندى كذالك اهلي تعودت على معاملتهم وياي بعد ما اهتميت ونور تجي وتروح بس متحجي وياي ومن ذاك اليوم اني شلت فكرة الزواج من بالي بندر بكل الطرق حاول بس ماوافقت.
أنت تقرأ
أســيرة 2014
Ficção Geralعندما يأتي الحب من مكان أخر في وقت غير مناسب ومن شخص غير مناسب فتاة وقعت بين تنضيم داعش وهنا تبدأ حياتها التعيسة بين هولاء الضلام والمجرمون هل سوف تخرج من هذا الحرب ام لا وماذا سوف يحصل لها....
