اسيرة 2014
ــــــــــــــــــــــــــــــــــــــــــــــــــــــــــــــــــــــــ
اجت ام بندرر من شافت بندر صارت تبجي وتلطم وتكول يمه ابني عايش حضنو بعضض وكلهم يبجون واني وياهم ابجي طلعو بنات ثلاثه ويا رجال جبير بلعمرر ملامح التعب واضح على وجهه وثنين زلمة صارو يبجون ويهلهون وكلهم يبوسون بندر بهل لحضه تمنيت هيج اشوف اهلي يرحبون بيه ويبجون ويخافون بس للأسف جنت ابجي ومحد ما شايفني اصلاً حتى بندر ما بين بعد كلهم حاضنينه جنت منزلة راسي وابجيي سمعت واحد يحجي
-منو هاي بندر جايب بنيههه داعششية وياك؟؟؟؟
رفعت راسي والغصة بلعومي مكدرت احجي كلها باوعت عليه حقهم لان شكلي وملابسي جان مثل داعش حتى وجهي ميبين
بندر: شهل حجي شنو داعشية هسه نطب جوه وافهمكم
كلهم دخلو جوه وكفت وحدي بندر شافني اجه يمي
بندر: عذريني بويه ع الكلام بس مو بقصدهم طبي جوه
شمس: عادي حقهم وضعي وملابسي مثلهم
دخلت ويا للبيت كلش حلو وبسيط جانو كلهم منتضرين بندر يحجي واني رفعت عن وجهي وكفت وره بندر وهو صار يحجي كل العيون صارت عليه
بندر: اي هسه نعرفكم ع الداعشية ع گولت اخوي البنيه من موصل اسمها شمس وهي امانه يمي ولحد ما الگه اهلها حتبقى بيتي حالها من حالكم ومحد يمسها بحجاية واني اعرفكم كفووو
ام بندر: ان شاء الله خير كل الهلا بيج بنتي والحمدلله ع السلامة انتِ هسه صرتي بنتي واعز
شمس: فدوه لگلبج خاله تسلمين
ابو بندر: نورتينا بنتي مثل ماكالت خالتج انتِ صرتي مثل بناتي ولا تستحين شنو تحتاجين كولي وان شاء الله ما نقصرر وياج
شمس: تسلم عمو ما تقصرون وابنك الله يحفظه ساعدني هواي وان شاء الله اردله المعروف
ابو بندر: شهل حجي بنتي صرتي منا وبينا انتِ
ضحكت بوجهه كلش خجلت بس حسيتهم مثل اهلي
بندر: خيه اخذي شمس تسبح وتغير ملابسها وترتاح
-تمام خويه تدلل
مشيت ويا بنيه كلش حلوة اخذتني فوگ طابق ثاني للغرفة جان مرتب طلعتلي ملابس وانطتني
-اخذي ذني واسبحي ولا تستحين صرتي اختي انتِ وأي شي تحتاجين كوليي اني هنا موجوده تمام ومن ترتاحين راح اعرفج علينه
شمس: شكراً كلبي تمام
-ولو واجبي يلا روحي ذاك الحمام سبحي
دلتني ع الحمام رحت ذبيت الملابس واخيراً حلبس ملابس نضيف ومابي ريحه دم وتراب غسلت ارتاحيت شوي بس جان غصة بلعومي الى متى اضل هنا وشكد راح يتحملوني خلصت طلعت شفتها كاعده وموبايل بيدها وخواتها همات من شافوني كامو وصارو يضحكون
-تعاي عيوني نامي ومن تكعدين نحجي هسه ارتاحي
استحيت اسئلها عن بندر رحت تمددت وتغطيت واول مرة انام مرتاحة وماكو لا قصف ولا داعش ولا بجي ولا صياح ولا اصوات كلشي ماكوو نمت نومة اهل الكهف ما حسيت على نفسيي ابد
أنت تقرأ
أســيرة 2014
General Fictionعندما يأتي الحب من مكان أخر في وقت غير مناسب ومن شخص غير مناسب فتاة وقعت بين تنضيم داعش وهنا تبدأ حياتها التعيسة بين هولاء الضلام والمجرمون هل سوف تخرج من هذا الحرب ام لا وماذا سوف يحصل لها....
