أســيرة 2014

الحلقة -𝟰𝟏-🔥

اسيرة 2014
ــــــــــــــــــــــــــــــــــــــــــــــــــــــــــــــــــــــــ
عبدالله: اجيت اعزمج.
شمس: على شنو حتزوج.
عبدالله: لا يابه بس هذا الخميس خطوبة بندر اعرف تأخر بس بسبب دوامة وانه مساع كلت للابوج بندر يسلم عليكم ويكول اعذروني والله ماكدر يجي جان عنده شغل.
احمد(ابوي): ان شاء الله نجي سلم ع الكل.
شمس: مبارك سلم على بندرَ.
ضليت مجمدة بمكاني وهنا ادركـت فـعلاً فعـلاً اصبحتُ يتيمـة وخسـرت كل شـيء.
صعدت فوك وعفتهم دخلت الغرفة وخليت ايدي على گلبي بكل قوتي ضربت عليها وحجيت.
-راح كافيييييي خلصصصص عافججج لان ميكدر يتحملججج ويتحمل تصرفاتج.
ضليت بمكاني اتنفس گوه يوم كامل ضليت بالغرفة وقررت اروح باجر واخلص من كل مشكلة واعوف كلشي وره ضهري.
صار الصبح كعدت انسان ثانية باردة، ممهتمة لازم مااضل اكثر هنا ماكو داعي انتظر يومين واروح احسن شي اليوم اطلع بما أنو ماضلي شي.
رحت غسلت وجهي وغيرت ملابسي حتى اتريگ واطلع بوجهيي لموصل.
خلصت نزلت شفتهم كاعدين كلهم كعدت يم محمود الكل مصدوم من ملابسي لان ملابس رسمية.
أحمد(ابوي): خير وين طالعه.
شمس: لموصل.
محمود: لاتشاقين شون ترحين هناك يم منو ضلين.
شمس: لايضل بالك ميصير شي.
أحمد(ابوي): الله وياج.
تبارك:ماترحين خطوبة بندر.
شمس:لا سلموو عليِ وكلوله شمس مكدرت تجي وان شاءالله توصل هديته.
الكل سكت وامي تجمع الدموع بعيونها تجاهلت الكل لان الكل يريد هيج.
خلصت ريوگ كمت استأذنت منهم وصعدت فوگ اجيت انزل الجنط استوقفت على صوت محمود.
محمود: شبيج شمس تسودنتي وين ترحين.
شمس: ابوك يريد هيج اياك ثم اياك توقفني لان مراح ارجع.
محمود: بنتي ميصير تره كليلي شون ضلين هناك وحدج.
شمس: الله كريم اذا احتاجيت شي اتصل بيك.
محمود: اوصلج اني.
شمس: ميحتاج اروح بتكسي.
محمود: شمس خل اوصلج.
طبطبت على جتفه وحجيت كلامي بهدوء وانكسار.
شمس: مشكور خويه ما قصرت.
صار يساعدني وينزل وياي الجنط والكل يباوع عليه بنضرات مكدر افسرها ابد.
خليت الجنط يم الباب والتفتت للابوي.
شمس: كلش شكرا الك بوية خليتني اعرف شنو معنى اليتيم وانو الانسان شون يحارب وحده وما ينتظر احد يساعده خلي بالك شي واحد انو اني مسامحك دنيا واخره بس ماعرف اذا الله راح يسامحك او لا واني كلت من قبل لو تكلي كلمة وحده تخليني ارجع حتى لو تضربني هم عادي المهم انت تمسكت بيه وحافظت عليه مثل تبارك بس للأسف دائما جنت اشوف تفرق بينه وهواي همات بحياتي محسيت جزء من احساس تبارك وشون عايشة هنا بس الي اعرفه اني جنت هنا عايشة وياكم عبالك جايبيني من الشارع وتهينون بيه.
لو ريان جان موجود مجان قبل تسون هيج بيه ابد.
وعندي سؤال كلش مهم ماتحس بتأنيب الضمير لو لا معقولة متحس؟؟؟
على كل حال شكرا الكم كلكم لان ماقصرتو لا بالحجي ولا بالضرب من رخصتكم.
سديت الباب ولكن طول كلامي الكل جان مستمع وساكت صار هدوء قاتل طلعت بره وبيدي الجنط
ههههه الناس تحسدني على حياتي ولان ابوي شي مهم بالعسكري وكذا بس ميدرون حياتي جحيم.
مجرد مضهر خارجي ولكن مضهر الداخلي ما اتمنى العدو يشوفها.
ضليت امشي والحرس يردون يساعدوني بس مقبلت مشيت مسافة طويلة وصرت أشر على السيارات هواي وكفو سيارات بيها شباب بس خفت لان ماريد اصعد ويا واحد شاب الاحسن يكون شايب.
توقف سيارة جان شايب فرحت نزلت راسي وسلمت.
-سلام عليكم عمو.
-وعليكم السلام بنتي.
-عمو تكدر تاخذني للموصل.
-وحدج؟؟؟
-اي والله لان اخاف اطلع ويا واحد شاب الاحسن اروح ويا شايب أمان اكثر.
-تدللين بنتي تفضلي.
نزل يساعدني وشلت الجنط وحطيتهن بالسيارة وصعدت.
السيارة بدت تمشي وتمشي والدنيا صبح.
-بنتي المن ترحين لموصل وضعها مو زين تره.
-ضروف عندي ولازم اروح.
-اهلج هناك لو وين.
-لا اهلي بغداد.
-اسف على اسئلتي بس استغربت والله.
-لا عادي
صار يحجي عن الدنيا واوضاعها كلش حبيت سوالفه وعرفت واحد فقير كلش وبنفس الوقت حسيت بتأنيب الضمير لان خليته يمشي كل هل مسافه.
-عمو اني اسف والله خليتك تاخذني لغير محافظة وبعيده هم.
-لا بنتي هذا شغلنه اصلا عادي تره الصراحه اني مااخذ لمكان بعيد بس شفتج وحدج واكفه وبنيه غيرتي ما قبلت والله ذكرت بناتي لان.
-فدوه لعينك عمو الله يحفظ بناتك ويحفظك.
ساعات والسيارة تمشي اخر شي وصلنه لموصل.
شفت مكتوب موصل ترحب بكم الدنيا جان ضهر صار يمي تضايق وحسيت بخنگه شون حعيش هنا وحدي ماعرف ساعتين ووصلنه يم بيتنا الي جنه بي قبل وعدت نفسي مااروح بيت بسام افضل شي ابقى هنا.
نزلت من السيارة ونزلت الجنط طلعت فلوس حسيته تعب وطريق طويل طلعت مبلغ جبير وانطيته من شافهن صفن.
-شبيك عمو اخذهن.
-لا بنتي انتِ هم وحدج اكيد مراح يكفيج فلوسج انطيني على كد الطريق الي وصلتج بيها.
-لا ابد عندي فلوس والله لايضل بالك اخذهن الك واسف تعبتك وياي.
-تعبج راحه بوية ديري بالج على نفسج.
-ان شاء الله مع السلامة عمو.
عافني وراح شوي شوي بدت السيارة تختفي واني واكفة كدام الباب وبيدي الجنط معرف شنو اسوي ضليت ربع ساعه هيج وبيدي المفاتيح.
مجنت مستعده ادخل لان خايفه وماعرف شنو راح يصير او شنو راح اذكر.
نزلت راسي حسيت خيال انسان تقرب مني وحجه.
-سلام عليكم عيوني.
رفعت راسي شفت واحد لابس ملابس عسكري شاب بس عمره بـ 30 وواكف.
نهضت من مكاني ورديت السلام.
-وعليكم السلام.
-محتاجه شي؟ شفتج واكفة هنا!
-سلامتك بس ردت ادخل للبيت ولكن ضليت هنا لان مو مستعده ههه.
-ههه ليش بيها شي البيت يعني جديده انتِ لو شنو.
-لا عيني هذا بيتنه قبل جنه هنا بس رحنه بغداد وهسه رجعت اني هنا.
-هاااا بنت احمد انتِ.
-اي نعم منين تعرفه.
-نحن جيران وبنفس الوقت اعرف ابوج الي نعرفه رحتو بغداد وكالو انو اخذو بنيه وولد ومنعرف رجعو لو لا.
-هاا.
-ررجعو؟
-اني البنية الي اخذها بس اخوي استشهد.
-يعني انتِ شمس.
-نعم.
-ماعرف شحجي شمسَ لان الي عشتي اكيد الزلمه ميكدر يعيشها الله يريح بالج ويحفظج وان شاءالله تنسين الي مريتي بي و الله يرحم اخوج.
-تسلم عيوني ويرحم موتاك الحمدلله على كل حال.
-فتحي الباب واتفقدها خاف بيها شي بعدين طبي جوه.
-تمام.
فتحت الباب وهو دخل دقايق وطلع.
-تفضلي عيوني محد ماكو بس اني افضل انو دخلين الجنط جوه وتفضلين وياي لبيتنه قريب ارتاحي واكلي شي وبعدها بكيفج شسوين سوي.
-والله مشكور ورايه شغل هواي.
-ميخالف الشغل ما يخلص امشي ارتاحي بعدين فشلة اعوفج هنا.
-مشكور رحمه الله والديك.
دخلنه الجنط جوه وسديت الباب صار يمشي واني وراه خطوات ووصلنه لان جان بيتهم گبال بيتنه فتح الباب ودخل.
-تفضلي عيوني.
-الاسم بالخير ماعرفته.
-وياج غيث.
-عاشت الاسامي.
دخلنه جوه شفت حجيه كاعدة وبيدها القرآن وتقره مااستغربت لان فرعنه اغلبها جان شيعة.
دخلت جوه وكعدت الحجيه شالت القرآن واجت يمي.
-نورتي بنيتي.
-نورج خاله.
غيث جان واكف ماكعد
-يمه هاي بنت احمد جيرانه الي راحو لبغداد.
-ياهلا.
-تعرفين منو هاي.
-منو؟
-شمس الي اخذوها داعش.
-تشاقه.
تقربت مني وصارت تحضني وتبجي وطبطب ع ضهري لا أرادي بجيت وياها.
-يايمه هلكد بجيت وراج حسيت اخذو بنيتي مني لان اذكرر من جنتِ صغيره تجين يمنه ومن يضربج ابوج تشردين الي وتكولين خالة ساعديني.
جان تحجي بس مااذكر هواي تفاصيل لان الشكل متغير وكبرنه كلش تأذيت.
-الله يساعدج بنتي الله يساعدج ماكول غير شي لان ماريد ازيد همج.
-لا خالة عادي.
-كبرانه ما عرفتج.
-هههه اكيد اكبر قابل راح اضل ذيج الشمس الزعطوطة.
ضحكت بصوت عالي واني هم ابتسمت ضليت كاعدة وشوي واجن البنات كل وحده تباوع لثانية.
-يمه حضرولها شي تاكلها يلا.
-حاضر يمه.
كلمن راحت تسوي شي واني ضليت بمكاني خجلانه ومدري شسوي دقايق واندك الموبايل شفته بسام.
-الو.
-سلام عليكم.
-وعليكم السلام.
-وين انتِ
-بموصل.
-محمود اتصل بيه كال شمس راحت.
-اي رحت لبيتنه القديم.
-تشاقين اكيدد شون ترحين هناك شمس تعاي يمي لاسوين هيج.
-مكدر مااجي.
-اعرف بعدج شايله بكلبج عمود الي صار وياج.
-لا شسالفه.
-اخلص شغل واجيج تمام اقفلي الباب زين.
-تمام حبيبي.
سديت الاتصال وحجية جانت تباوع عليه.
-بنتي كومي غسلي واسبحي ونامي.
-لا لا شكرا خالة والله عندي هواي شغل.
-چا أكلي شي بعدين.
-والله مااشتهي.
-لخاطري.
-ميخالف خالة تدللين.
شوي والبنات جابو اكل خلوها كدامي اكلت لكمتين وهمه كاعدين يمي.
دفعت بهدوء الاكل وكلت الحمدلله.
-ما اكلتي شي بنتي.
-الحمدلله شبعت.
رغم جنت جوعانه بس كلش استحيت نهضت من مكاني.
-مشكوره خالة ما قصرتي وهسه من رخصتجن عندي شغل والله ولازم الحك.
-الله وياج بنتي.
طلعت جان الدنيا ضهر طبيت البيت وصرت انضف ربع ساعه واندك الباب خليت الشال ع راسي وفتحته شفت بنيه الي جنت يمهم.
-تفضلي حبيبتي امي كالت اكيد ماعدها شي تسوي.
جان بيدها اكل كلها مغلف سفري.
-حبيبي شكرا ماقصرتو والله كلش مستحيه منجن.
-لا عمري صرنه خوات بعد.
-شكرا.
-نجي نساعدج ماعدنه شي.
-لا حبيبي تتعبون ميحتاج.
-لا والله ميصير هسه اصيح خواتي ونجيج.
-تمام عمري.
راحت تركض واني دخلت جوه خليت الاكل بالمطبخ دقايق واجن دخلنه وصارو يضحكون.
-راح نزعجج ههههه.
-هههه لا اني سويت ازعاج مو انتن.
-جينه نساعدج ميصير بعد صرتي اختنه انتِ.
-حبيبي
بدينه ننضف ونغسل شلنه الاغراض كلها وبدينه نشتغل الي تغسل وتمسح والي تغسل الطرمة والي تعدل ملابسي.
ساعات ونحن نشتغل ونضحك ونحجي حبيتهن كلشش ماحسيت غير باب يندك.
-دخلن جوه يمكن اخوي.
-تمام.
حطيت الشال ع راسي وطلعت فتحته جان يسلم ويحجي ويا غيث بعدين التفت عليه.
بسام: هاا.
شمس: هلا بگلبي.
بسام: منوو يمج حذاء مال من هذا.
شمس: بنات جيرانه اجو يساعدوني.
بسام: ها زين تمام اخذي ذني المغرب اجيج اخلص واتصل بيج خاف يكونون بعدهم يمج.
شمس: تمام كلبي.
راح واخذت الاغراض للمطبخ جان جايب هواي اشياء البنات طلعن وصارن ينضفن مره ثانيه ساعتين وخلصنه كلشي غسلنه كل مكان.
-اشكرجن كلش هواي ما قصرتن.
-العفو حبيبتي نحن بالخدمة.
راحن وكفت يم الباب لحد ما دخلن جان واكف سيارة عدهم بس مااهتميت طبيت جوه وسديت الباب دخلت جوه وتمددت ع القنفة مجان الي خلك وبالي مشوش كلش.
من التعب غفيت...
كعدت على ايد ينحط فوك وجهي فتحت عيوني فزيت شفته بسام.
-هههه شبيج اسم الله انه بسام
-حسبالي حرامي.
-هههههههه طيح الله حضج حرامي راح يدخل للبيت ويكعدج.
-شمدري.
-كومي صلي جبت اكل بالمطعم ماكو داعي سوين شي.
كمت وغسلت وجهي وهو جان يصلي توضيت وصليت وحضرت الاكل خليته كدامه صرنه ناكل شغلت قران هم حسيت براحة نفسيه.
-ان شاء الله يوميه اجيبلج مسواگ.
-لا شسالفه حبيبي ميحتاج اشتغل واجيب ماكو داعي تبتلي بيه.
-انجبي.
-لا صدك ماريد اريد غير شغله منك.
-شني.
-جيب راوتر الي مال انترنيت لان فشلة اخذ منهم.
-تدللين عمري.
-مايدلل عليك ضالم.
خلصنه العشه وضحكنه وسولفنه كال اليوم ابات عندج ضل يمي للصبح تريگ وطلع.
هيج مرت الايام تقريبا جان حيصير اسبوع او اكثرر بسام جان يجيب مسواگ ويروح وجابلي راوتر وصلحه الي وسحب نت والبنات يوميه يزوروني.
ماحسيت بملل بالعكس فرحانة فكرت ابدي اشتغل بس لازم ادور على شي.