اسيرة 2014
ــــــــــــــــــــــــــــــــــــــــــــــــــــــــــــــــــــــــ
-شمس اني مااكول بينج وبين بندر شي ولا راح افكر هيج صح هو ساعدج وطلعج بس ما بيوم شفت شي مو زين منه وهو هسه اجاني.
-شيريد؟
-اجه وطلبج مني.
انصدمت يعني سواهاا واجه خطبني ضليت ساكتة وابوي منتضر جوابي.
-ها شكول اي لو لا
-لا مااريد ازوج
-بس هو يريدج وما نشوف احسن من بندر
-كتلك ماريد ومن تكله هيج راح يعرف بنفسه.
-يصير خيرر.
عافني وطلع ذكرت الرساله الي دزها وكاتب لاضوجينن مني اذا سويت شي..
ماعرف ليش ضجت وليشش تنرفزت مع العلم مابيها شيي.
بقيت بمكاني كاعدة وصوتهم عالي وكل ساع ياخذون شغلة نص ساعه وراحوو واني صعدت فوگ.
منتضره يتصل لو اني اتصل بي.
انتضرت لحد ما أذن صلاة المغرب بس مااتصل أيست ورحت توضيت وصليت.
نزلت جوه شفت مرت اخواني بعدهن يرتبون اني هم مليت من الكعده ساعدتهن اضيع وقت احسن جنت اشتغل مرت اخوي سئلتني.
-ليش مقبلتي بي والله مبين خوش زلمه هوو وساعدج وطلعج من الجحيم.
-حبيبي هو زين وماكو مثله ولا راح اشوف مثله بس زواج ماازوج اني شلتها من بالي.
-الله كريم ان شاء الله تصيرين بوضع افضل وتتزوجين.
-تسلمين حبيبي.
عفتها وصيحت محمود ينزل ياكل واختي تحجي وياي بس مو هواي كدام امي تخاف عذرتها لان ماكو شي بيدها.
نزلو كلهم واجه ابوي تعشينه خلصنه كال راح يجي يمنه بيت خالتج وعمامج.
محمود: ليش اكو مناسبة.
بابا: لا ماكو يجون لان من زمان مااجوو عندك اعتراض.
محمود: بوية اذا يحجن حرف ويا شمس ويكلولها كلام محلو والله العظيم اسوي مشكلة ومحد يكدر يمنعني.
-شو صاير فد نوب ما تحترم.
-لا محترمكم بس انتو متخلون الواحد يحترمكم اني كلت الي تحجي حرف على شمس وتذكرها بشغله اقسممم بالللهههههه اخرب البيت على راسهممم.
-ابني هسه منووووو حجهههه واذا يحجون قابل يجذبون.
-شهلل حجي بوية غيرر بنتك هاييي اريد افهم شسوت حتى اني بنفسي اعاقبها موو هي ضحت بروحها علمودنه وانت هيج تعاملها.
-اكل ابني اكل هاي اخر مرة تحجي ع الاكل الف مرة نبهت ع الاكل متحجون.
-استغفر الله
سكتنه كلنه عادي يم ابوي اذا يحجون كلام محلو عليهه مدري للشوكت حيضل هيج وياي تعبت كلشش.
لو جبال تنهد ضليت ساكتة وآكل بس صوت الصحون والخاشوگة دقايق والكل كام ضليت اني وتبارك ومحمود.
تبارك: لاضوجين لج اذا يحجن اني افگس عيونهن.
محمود: انتِ كفو من شاربجججج عفيه هيج اريدج.
-منيلي شوارب لك تره اضربك.
-اشاقه بنتي غير انتِ وردة مال الله.
شمس: دكافي شكد تلغون كركركركرركر.
محمود: انتِ سكتي لا ادفرج.
-اووووووييي خفت ايديه ترجف يمههه دوخرررر شوو.
دفعته وكمت غسلت ايديه وفرشت سنوني وصعدت فوگ تفقدت الموبايل.
محد دك عليه رحت بحثت على مسلسل وصرت اباوع مااهتميت اذا هسه يجون بيت خالتي وعمامي لو لا لان اصلا مشايفة بيت خالتي لو بشارع اشوفهم مااعرفهم.
كعدت اباوع ومتمدده على بطني شفت شي نزل على ايدي.
باوعت شفتها شعري فرحتي متنوصف بوقتها لان واخيرا صار طويل شوي تلمست شعري وغمضت عيونيي وذكرت الي صار وياي.
هي لحظة ماحسيت غير اشهگ وابجي الي صار وياي محد يصدكه ولا اني اصدكه شون متخبلت مدري.
طلعت من المسلسل وصرت ابحث عن تنظيم داعش
يطلع كومه فيديو وحدة وره الثاني اباوع ومركزه كلش هوايي.
اباوع وابجي واشهگ كلشي بلحظتها رجعلي من ضرب، نهب، سلب، تعذيب، قلق،خوف، جوع، انقاض، جثث، بيوت خربانة، انفجار، صياح، هوسة،.
راسييي صاررر بي صداعع لزمت راسيي والموبايل يشتغل ويحجي كلامهم يرن بأذني من يكولون.
أنت تقرأ
أســيرة 2014
General Fictionعندما يأتي الحب من مكان أخر في وقت غير مناسب ومن شخص غير مناسب فتاة وقعت بين تنضيم داعش وهنا تبدأ حياتها التعيسة بين هولاء الضلام والمجرمون هل سوف تخرج من هذا الحرب ام لا وماذا سوف يحصل لها....
