أسيـرة 2014
ـــــــــــــــــــــــــــــــــــــــــــــــــــــــــــــــــــــ
-معقولة كلشي راح يتصلح وراح يرجع مثل مجان معقولة نتحرر من داعش وين جنت وين صرت اذكر من جنت اكعد واضحك ويا بابا واخواني واتعارك ويا خواتي لان يحسدوني اشتاقيت لكلشي واني اشوف كلشي ينهدم كدامي ضليت افكر
لحد ما تعبت ونمت...
-واكفة واني اشوف شاب يصيح بس ماعرف منو ولا ملامحه واضح بس الي اعرفه هو شاب
-ساعديني فدوه شوفي بس افتحي القفل حتى اتحرر افتحي واساعدج واطلعج من هل جحيم بس افتحي القفل
حسيت اكو شي يمنعني مديت ايدي حتى افتح القفل وجان يجي صوت صياح....
-فزيت من الكابوس مرعوبه ونفسي يصعد وينزل واحس الغرفة ضباب وحاره
-شنو قفل شنو اتحررر ليش ما فتحته ليش يمكن يصير شي للاخواني او الي او لخواتي
-كعدت ابجي واحجي ويا نفسي حرفيا نفسيتي تعبت واني ابجي وافكر
-ضليت هيج شفت الساعة 4 العصر والصلاة رايحة مني كمت توضيت وصليت واني منصدمه كل هاي الساعات نايمة وما ادري بروحي معقوله محد اجه يمي ودك الباب لو يكعدوني للغده
خلصت وكعدت لوحدي وماعرف شي عن اخواني لان ماعرف شصار مانزلت ضليت بلغرفة
رحت قفلت الباب وسديت الشباك وطفيت الضوه وسويت الغرفه ضلمه وكعدت احجي ويا نفسي
-يعني شنو بابا ميرجع موو مايطلعنا من هل مكان راح نبقى بموصل وراح نموت ويمكن خواتي ياخذوهن سبيه ويمكن اني اكون سبيه عند الدواعش واخواني عندي 8 اخوان معقوله واحد منهم ميكدر يسوي شي الى متى اعيش هل خوف والقلق شوكت راح اطلع
حسيت نفسي بقفص مسجونه ضليت افكر بـ الحلم اني ليش ما فتحت القفل مو كلي اساعدج بس بوقتها حسيت اكو شي يمنعني افتح القفل
كمت اردد هل كلمات ودموعي تنزل عشرة على عشرة بوقتها حسيت مهضومه ومكسورة..
'
'
'
يا عراق يومك هاليوم يا عراق
شد حيلك گوم ذولة أحنا
رجال الغيرة سگان الدنيا نديرة
بالذل ما نرضى بيوم شد حيلك يله وگوم
'
'
'
وحسين ودم العباس مانرضى بالذل ياناس
لو شفنا بگلبة عـداوة الگون ويـا
نتلاوة بالذل ما نرضى بيوم شد حيلك
يله وگـوم
'
'
'
لتگول لـو
مهما يگون معلية معليك شـلـون
أنت ابن الوطن الغالي راسك دوم يظل
عـالـي بالذل ما نرضى بــيوم
شــد حيلـك يله وگـوم
'
'
'
خليك لو شفت الموت لا تنطي للظالم صوت
أنتخب الي يحب شعبة والظالم لا تنتخبة لتظل
دومك مظلوم شد حيلك يله وگـوم......
...............
أنت تقرأ
أســيرة 2014
Tiểu Thuyết Chungعندما يأتي الحب من مكان أخر في وقت غير مناسب ومن شخص غير مناسب فتاة وقعت بين تنضيم داعش وهنا تبدأ حياتها التعيسة بين هولاء الضلام والمجرمون هل سوف تخرج من هذا الحرب ام لا وماذا سوف يحصل لها....
