أســيرة 2014

الحلقة -𝟰𝟬-🔥

اسيرة 2014
ــــــــــــــــــــــــــــــــــــــــــــــــــــــــــــــــــــــــ
-عندي الج خبرر.
-ايييي تفضلللل شنووووو.
-بندر حيزوج وشايف بنيه وعاجبها عود من ينزل من الدوام راح يخطب.
-اهـــااا
-اي والله.
-فهد اكلك شي بس لاتزعل باوع اخبار بندر وغيره وغيره بعد لاتجيبها الي اذا ممكن لان ماريد ادخل بـ اشياء متخصني مفهوم لو اعيد.
-تمام عمي نازل اني.
عافني وراح واني بعدني بصدمتي يعني سواها وراح يخطب غمضت عيوني بهدوء تنفست وصعدت فوگ ماردت افكر بشي غير الامتحان رجعت ادرس بس كل واهسي خرب وبعد مااركز.
ذبيت الكتب ضليت اجي واروح واباوع ع الموبايل ماريد اصير ضعيفه واتصل.
ربع ساعه اجي واروح ميفيد اخر شي قريت سورة فاتحه للام البنين (ع) وكعدت ادرس واراجع خلصت خليت الكتب صفح جان ساعه 8 ونص بليل نزلت جوه شفت الكل كاعد ويضحكون وياكلون كيك ويا ببسـي تجاهلتهم ودخلت المطبخ.
جانو متعشين حميت الاكل وكعدت اكل اجت بنت عمي اسمها شهد كعدت گبالي وايه اخت فهد.
-شونج شمس.
-بخير
-ليش مانزلتي مساع.
-عندي امتحان.
-وشبيج تحجين من وره خشمج.
-استغفر الله.
-شبيج عيني شحجينه.
-خيه شنو رايدة بضبط احجي.
-هيج ردت اسئل عليج.
-مشكوره اني بخير وهسه اذا ممكن كومي منا حتى اتعشه مثل الاوادم.
-ههههه ضايجة لان بندر حيزوج.
-كتلجججججج طلعيييي مناااا باعي لاتخلينييي اتخبل عليج ادبسزززز بطول نعالي وتحجين هيج.
من حجت هيج تنرفزت وجان بيدي سجين كمت وجهته عليها وهي فزت وايه سحبت السجين مني الكل على أثر صوتنه اجه.
بسام: شكو.
شمس: طلعها منا اريد اكل.
شهد: تريد تذبحني بسجينننن منووو يكول هيييي الي ذبحت ريان مجررررمممممة.
شمس: طلعوهاااااا منااااا لاتخلوني من صدك اذبحهاااا طلعوهااااا.
بسام سحبني وابوي من الديوان جان سامع الصوت اجه وجان معصب.
احمد(ابوي): شهل صياح وادم يمنههههه استحوووو.
بسام: تمام ماكو شي روح اني احلها.
ابوي خزرنه وعاف المكان بسام سحبني وكعدني ع الكرسي وطلعوو الكل وشهد تصيح.
شهد: مجررررررمة انييي اعلمججج.
بسام: شهددددددددد قسم بالله اكوم افرغ الشـاجور براسججججج صمييييي حلكججججج.
خنست وصار هدوء واني رجعت اكل والغصة بلعومي وبسام بصفي كاعد ويمسح على ضهري.
بسام: شبيج على كيفج اكلي راح تختنگين.
شمس: مايصير شي كوم روح هسه يحجون وراك.
بسام: يولون اكلي وصعدي فوگ.
شمس: والله ما سويت شي للريان اني مو مجرمة مجرددد دافعت عن شرفي.
بسام: هششش هشش ماكو شي خيولون كتلج لاتهتمين هسه اشگ حلكها حسبالها حسكت عن السالفة.
هزيت راسي وصرت اكل سريع حسيت حختنگ شربت ماي وكمت صعدت فوك وبسام راح يمهم ربع ساعه وصار صوت صياح وهوسة.
قفلت الباب وخليت السماعات بأذني وصرت اسمع لطمية نص ساعه وصار هدوء نزعت السماعه وصرت اباوع فلم وبالي مو يم شيء.
صار ساعه 12 نمت لان باجر ورايه امتحان كعدت الصبح على المنبه يهتز جنت ناسيه ومسويتها اهتزاز فركت عيوني باوعت ع الساعه بتك عين شفت بـ 6 كمت غسلت وجهي وصرت اراجع المادة خلصت بدلت تريگت وقريت فاتحه للام البنين وطلعت.
صرت امشي ومتحمسه بنفس الوقت خايفة دخلت المدرسة جانو الكل واكفين دقايق كلمن دخل للقاعة فتشونا ودخلنه.
صرت اجاوب وفرحانة لان اعرفهن خلصت بس ردت اضل اخر وحدة خاف ناسيه شي.
طلعت من الامتحان الفرحة ماتنوصف صرت امشي واني اضحك.
من بعيد اشوف واحد واكف ومركز بيه مااهتميت صرت كلما اتقرب وجهه يوضح يمي اختفت ابتسامتي من شفت نفس الولد الي تعاركت ويا بسوبر ماركت.
صرت امشي سريع وهو يركض ورايه.
-شوفي لجججج والله العظيم ادفنج هناا لو ترحين للمكة اكدر اوصلجججج.
شفت نفسي رجعت خفت من بشر استغربت اني الي عشت بوسط داعش المن اخاف منه والدنيا صبح والعالم كله بره توقفت بمكاني والتفتت وهو رفع حاجبه وابتسم بـ مَكر لان شافني وكفت.
-ها ياحلوه شو وكفتي لو تردين اريحج.
بكل قوتي ضربته على وجهه خليت وجهه يشل ورجعت حجيت ويا.
-باوع ابني والله مخايفة منك وكفت لان اني عايشة بوسط وحوش وطلعت منها شريفة ونمت بين الجثث وما خفت ولا اهتزيت تريدني اخاف منك هواي مرن عليه هيج سوالف بس ما تمشي يمي ولا عبالك اني بنيه وانت زلمه الي يجاوز وياي ويغلط ويعبر حدوده لو منو مجان اخليي يرجع يتأدب وسالفة انو انت ذكر هاي معلوم بس انو تكون زلمة هاي بيدك تسوي روحك زلمة او لا فـ هاي شواربك لاتتمرجل بيها لان ادوس عليك واتعداك فهمت لو لا بأتصال واحد اخليك تخيس بسجون بس اني مااغدر بأحد ولا ضعيفة اواجهك واحجي حتى لو جان عمرك 50 سنة فهمت لو اعيد احسن شي تراجع نفسك لان محد يفيدك لا هاي سوالفك ولا الناس انما تقلل من قيمتك وهاي اذا جان عندك قيمة وشرف.
عفته بصدمته وصرت امشي بس للأسف لو شكد مجنت قوية الغصة تعذبني لو احد من اخواني وياي يجي ويروح وياي جان مصار هيج.
رجعت للبيت وبديت اقره للامتحان الثاني وطلعت من بالي بندر وغيره وغيره ركزت بمستقبلي.
من ذاك اليوم بعد الولد الي لحگني ما شفته اختفى صار ملح وذاب.
كملت الامتحانات انطونا عطلة وبعد ايام الشهادة ارتاحيت لان خلصت وعرفت نفسي مجاوبة بكل الدروس.
مرت الايام الوضع نفس ما هي وعطلة وضوجة كلشي التم عليه.
بس ابد ما ضوجت نفسي كمت اتابع افلام ومسلسلات.
جنت كاعدة وعطلة مدرسية حسيت الباب انفتح على كيف واني بيدي الموبايل ومتمددة كمت من مكاني ونزلت راسي اريد اشوف منو دخل.
شفتها تبارك عبالك حرامية.
شمس: شنو هاي ولج.
تبارك: ههههه كلت يمكن نايمة
شمس: يانوم دنيا عصر يمه.
تبارك: اريد احاجيج بموضوع.
شمس: تعاي كعدي هنا.
كعدت يمي وصارت تحجي.
تبارك: اريدج تحاجين بسام من يجي هنا
شمس: ليش بسام اجه شنو غير بموصل هو.
تبارك: لا لا اجه هنا نازل من الدوام بس هسه مدري وين بعده مااجه للبيت.
شمس: عمود شنو احاجي.
تبارك: كليله خل يطلعنا لو هو لو محمود والله مليت بداعتي حاجيهم.
شمس: وليش انتِ ما تحجين وياهم ليش اني
تبارك: يحبونج اكثر مني ما يسمعون كلامي.
شمس: انجبي شهل حجي يحبونج مثل ما يحبوني لاصيرين باهته كومي جيبي موبايلج واتصلي هنا يمي خل اشوف شون ميقبل.
تبارك: حاضر.
عافتني وصارت تركض تجيب الموبايل شوي واجت وبيدها ومتصلة هم، شوي وانتفح الخط
بسام: الووو.
تبارك: هلو وينك بسومي شو ما جيت.
بسام: اذا السالفة بيها بسومي يعني اكو شي تفضلي اميرتي شتردين عندي شغل بليل اجيكم.
تبارك: سلامتك كلبي بس ردت اطلب منك شي.
بسام: كولي شكو.
تبارك: باجر طلعنه نفتر شوي اني وشمس ومرت اخواني والله روحي طك من البيت بداعتييي حباب.
بسام: صار ان شاء الله باجر اطلعجن.
شمس: باع باع الجذابة تكول بسام هسه ميقبل لان ميحبني مثلج.
بسام: هههههههههه لا احبجن ثنينجن عمي شسالفة.
تبارك: ههه ديلا خوش روح عمي وتعال بليل مشتاقين.
بسام: ان شاء الله يلا مع السلامه.
طفتها وصارت تركص وفرحانة غميتها وضلت تگلب بالموبايل وتشغل اغاني اخر شي ملت طلعت.
واني ضليت بمكاني اجه رسالة محمود كاتب.
-المدير يكول بعد يومين النتائج عود روحي لاتنسين.
حسيت انقبض گلبي مدري ليش خفت ضليت افكر حنجح لو لا اني متأكدة مجاوبة اخر شي مليت نزلت جوه.
طلعت بالساحة وصرت افتر بالحديقة جان عدنه حديقة كلش جبيرة وبيها كل انواع الورد الريحة تفوح من بعيد.
جنت صافنة بالورد وبالي مو يمي ماحسيت غير صوت صياح ابوي وراية التفتت شفت الموبايل بأذنه معناتها يتعارك ويا احد.
تجاهلته وصرت افتر بالحديقة ااخر شي مليت صعدت فوگ للغرفة لان الدنيا صار مغرب رحت للمغاسل توضيت خلصت وطلعت انتظرت لحد مصار وكت الصلاة وبديت اصلي.
بعدني چا اصلي انفتح الباب قليل بس معرفت منو مجرد سمعت الصوت ضليت اصلي اخر شي خلصت وكعدت، سمعت صوت بسام وراية وهو يحجي.
-تقبل الله بنتي.
التفتت شفته بسام كلش فرحت رحت يمه وحضنته.
-منا ومنكم بوية محسبالي تجي هسه كلت اكيد راح تجي بليل لان كلت عندي شغل مدري شنو.
-لا خلصتهن وجيت ليش محتاجة شي؟.
-سلامتك خل ننزل نتعشـه.
-قبل ما ننزل شبي ابوي ليش معصب رجع سوه مشكلة لو لا؟؟؟
-مدري العصر جنت بالحديقة جان يتصل ويصيح معصب يمكن من الدوام ماعرف.
- خير ان شاء الله تمام خل ننزل يلا.
طلعنه طفيت الضوه وسديت الباب نزلنه جوه جان الكل مجتمع من ضمنهم ابوي معصب ويخزر بلعت ريگي ضليت كاعدة يم بسام.
بسام: شبيج بوية.
شمس: مابيه بس ابوي شكو معصب هيج ويخزر.
بسام: شمدري لا تباوعيله اكلي.
ضليت ساكتة واكل الوضع متكهرب محد يحجي لان ابوي باقي شوي يگلب الطاولة على راسنه.
اجيت اكوم استوقفت على كلام ابوي.
احمد(ابوي): شمس كعديي.
شمس: شبعت.
احمد(ابوي): كعديييييييي كتلججج.
كعدت بمكاني بملل بس تمالكت اعصابي ما ردت احجي كلام محلو.
احمد(ابوي): راح يجي واحد يخطبج باجر يشوفج وماريد أي كلام مفهوووووم.
شمس: الله كريم.
كمت من مكاني بعدني مرايحة رجع حجه.
احمد(ابوي): بعددنييييي ممخلصصصص حجيييي كعديي وسكتيييي.
شمس: استغفر الله العظيم تمام كعدتتتت.
احمد (ابوي): هل مرة من احجي لاتكومين قبل مااكلج فهمتييييييي.
شمس: حاضر.
احمد(ابوي): كوميي ولي يلا.
كمت من مكاني وصعدت فوك واني اركضضض شهللل عيشةةة اححسسس نفسي عايشة بسجن كل شي أوامر تنفست بملل وفتحت الباب اجيت افتح الضوه بس صوت يجي بأذني وهو يصيح.
-شمس.
صرت افترر واصيح.
-منووووو يصيحني.
-شمس.
تكررر هل صوت عدة مرات اخر شي صيحت.
-منووووووو هنااااا.
ماحسيت غير انفتح الضوه وصيحت گبل من الخوف.
بسام: شبيججج ولج صيحين.
شمس: اكو احد هنا يصيحني بس مدري منو.
بسام: انجبي ماكو شي وكعدي.
ضل كاعد يمي ويحجي اخذتنه السوالف جيرانه اجو يمنه خطارر وراحوو ووهوسة.
نمت من وكت لان تعبت ومجان الي خلگ.
كعدت الصبح على ضربات خفيفه ع وجهييي فتحت عيونييي شفتها تبارك كدامي واكفة.
شمس: شكو من الصبح.
تبارك: كومي حضري نفسج راح يجون.
شمس: ولي منا لاتخليني اشگججج.
تبارك: امداجج اي والله.
طلعت وعافتنيي واني ضليت اتگلب طارت النومة، اخر شي كعدت وغسلت غيرت ملابسي ونزلت جوه.
جان فهد موجود بس وحده استغربت من وجوده.
فهد: اهلا ياعروسة
شمس: جيبو النعال حتى اشگه على راسه.
فهد: تفوو اي والله ماتعرفين تحجين مثل الاوادم.
شمس: ولي من وجهي شنو حلمان بيه من الصبح.
فهد: اهييييي وخررريي شووو.
عافني وراح مغثة فول بهل بيت ايعع، حضرت لنفسيي اكل وتريگت خلصت ابوي اجاني وصوت زلمة عرفتهم همه انگلب وجهييي.
اجت النسوان وهاي حتى يشوفوني اخذت الهن چاي ودعيت بگلبي يموتون اول ما يشربوها قدمت الهن وضليت كاعدة شوي كل الوقت جنت مخزرتهم حتى يضوجون مني بس للأسف ما صار.
وحده بيهن حجت وتنرفزت ومليت بس گوه كعدت.
-ما شاء الله صلاوات على محمد شهل جمال.
-مشكوره.
-من شنو الله خلقج يمه اويلي عليج.
-من شنو يعني خالة من الطين صدك جذب.
عفتهم وطلعت سوالف تعبان وسخيف شوكت يبطلوهااا.
ضليت اجي واروح اخر شي طلعو وراحوو كلهم.
ابوي اجاني وهو يضحك وويحجييي.
شمس: زواج ماازوج لو هنا تذبحنييي ماازووووووج.
-هشششش صوتججج نصيييي بنت الكلب.
شمس: كتلك ماازوج ليش هيج تسوي كول بنتي متريد.
-مو بكيفجججج فهمتييييي ولي من وجهيييي.
شمس: يابة والعباسسسسس ماازوج وشسون سوووووووو.
عفته وصعدت ماخليت شي ما كسرته مليت ضليت كاعدة واهز رجلي هل فترة حتى محمود ما يحجي بعد بس بسام الوحيد الي بضهري.
صار الغده مانزلت صليت وضليت كاعدة فوك ماريد اشوف وجهه احدد.
كل نفسيتي خرب ومزاجيي صار الضهر نفس الوضع صار العصرر الوضع نفس ما هي اندك الباب شفتها تبارك.
-شتردينننننن.
-بسام يكول خل تحضر نفسها نطلع.
-ماريد روحو انتو.
-انجبي ونزلييييي.
-كتلجججج ماريد.
انفتح الباب ودخل بسام وتبارك.
بسام: شنو متردين بدلي ونزلي لاتهتمين للابوي ما يسوي شي اني هنا مفهوم.
شمس: ماريد عوفوني.
بسام: نزلي يلا منتضرج تبدلين.
عافوني وطلعو ضليت حايرة اروح لو لا اخر شي غيرت ملابسي وحطيت مكياج خفيف وعدلت شالي لبست كعب وهاي اول مرة البس هيج اشياء نزلت من الدرج جان صوت الكعب يرن امي ومرت اخواني مستغربات بسام يضحك وفرحان نزلت جوه صعدنه السيارة صح سويت كل هذا الشي بس بداخلي احترگ بديت اضاهر بالقوة.
ضلت السيارة تمشي واني كل بالي يم الزواج لان ابوي ما ناوي على خير ابد وبنفس الوقت باجر نتائج.
وصلنه للحديقة كلش جبيرة وبيها ناس كعدنه شوي بعدها اخوي اخذنه للمدينة الالعاب.
طول الوكت جنت صافنة ماحجيت شي ولا فرحت ردت بس يخلص حتى ارجع انام لان مهربي من الحياة والمشاكل هي النوم.
ضليت اباوع ع الناس شون فرحانه وتمشي وتلعب الكل فرحان الا اني الوحيدة الي گلبي مكسور وضهري نزلت راسي واستغفرت ربي.
ضلينه هيج لحد الليل اخر شي رحنه لمطعم.
دخلنه جوه وصارو يطلبون اكل اني طلبت على كيفهم يعني ما كلت شي محدد لان بالي اصلا مجان يم الاكل.
بسام: شمس شبيج من اجينه لحد هسه ساكته كتلج ابوي ما يسوي شي اني هنا.
شمس: ان شاء الله.
بسام: كافي بنتي.
جنت اباوع ع الناس الي تجي وتروح وتاكل التفتت وياريت ما التفتت شفت بندر هو وعائلته وزهراء كلهم كاعدين وياهم بنيه شابة اجت بالي كلت اكيد هي نفسها الي حيزوجهاا.
عيوني غورگ بالدموع التفتت للطاولتي بهدوء واني مصدومه صوت ضحكتهم واصله مدري وين يعني ع اساس يحبني بس طلع كلشي جذب.
شمس: خل نروح بسام فدوه.
بسام: شكو شصار.
شمس: تعبانه احس اريد اروح.
تبارك: خربتي كلشييي دكعدييي خل نزقنب شبيججج من اول مااجينه لحد هسه گالبة وجهجج.
بسام: سكتييي لج.
شمس: جيب المفتاح بسام جيبه اطلع اكعد بي لحد ما تخلصون.
بسام: كعدي شمس.
شمس: كتلكككك جيبه.
الكل تعارض وصار هوسة وتبارك كامت تخربط بالحجي گبل مديت ايدي على ركبتي وصرت اغمض عيوني بثگل وافتح بسام انتبهه عليه عرف حختنگ.
بسام: تمام تمام نروح بس أهدي.
شمس: طلعوني منااااااااااا طلعونيي جا اختنگ.
بسام: تمام امشي.
صرت امشي وافرگ بركبتي صوت بندر ورايه وهو يصيح شكو.
ما التفتت ابد اعرف نفسي راح اضعف كرهت روحي لان وين اروح اخربها ما لازم اطلع أي مكان.
وصلت للسيارة بس بسام وياي لان همه ضلو.
بسام: شمس اهدي بوية ماكو شي تمام.
شمس: روح اكل اكعد بسيارة لحد متخلصون روح.
بسام: ميصير.
شمس: روح بداعتي والله انتضركم براحتكم ماكدر اضل هناك.
بسام: تمام الباب راح اعوفه مفتوح خاف تختنگين
عافني وراح صعدت السيارة خليت ايدي على گلبي يدگ بساع احسه حيتوقف صرت اشهگ وابجي لحد ما مليت ضليت اباوع شوي وطلعو بندر واهله زهراء من بعيد صارت تركض بأتجاه السيارة واني صرت امسح بدموعي بس بعد شنو غير من بعيد مبين من كثر مصار احمر.
اجت زهراء وهي تركض.
زهراء: اصيح عليجج مجاوبيننننن شبيج شصاررر.
شمس: مابيه شي گلبي بس شوي تعبانه  .
زهراء: مختفية ليش اكو شي؟
شمس: اني لو انتِ.
زهراء: والله موبايلي عطل لحد ما اصلحة شون اوضاعج والله مشتاقلج.
شمس: بخير لايضل بالج كلبي.
زهراء: هسه اجيج اروح اجيب ماي.
راحت تركض والباقي صعدو السيارة بندر تقرب بأتجاهي وكأنو يعرف هو السبب.
التفتت للجهه الثانيه.
بندر: تكابرين مو شوفي وضعججج وتكولين مااحبك عليمن جذبين المن هل صياح كله لان شفتيني عمي كتلج ماريد جهال اذا تخافين من هل شيء.
شمس: ما بيه شي.
بندر: ههه لاتخافين مراح اتوسل بيج بس اذكرج خسرتي انسان مستعد يحرگ الدنيا عمودج ولعلمج اني عن قريب حخطب.
شمس: مبارك.
عافني وراح واني احس روحي حيطلع التفتت شفته يمشي وضهره عليه نزلت راسي وصرت ابجي زهراء اجت من شافتني صارت تسئل بس كتلها راسي يوجع.
انطت ماي وراحت.
ضليت بمكاني لحد ما طلعوا رجعت للبيت ساعه 10 جان دخلت الغرفة ونمت هل وكت صايره انام من وكت.
صار ثاني يوم رحت جبت الشهادة وجيت وجنت ناجحه بس ماا اهتميت كل فرحي راح بسببهم.
بعدني يم الباب سمعت صوت ابوي وهو يصيح بأسمي دخلت جوه شفته يحاجي امي التفت وشافني.
-ترحين ويا امج العصرر وتشترين ملابس مفهوم لو لا.
شمس: ماريد
-قسم بالله انهيج هسه اسمعي الكلامممممم حيوانه لسانج طولان.
شمس: ان شاء الله.
-خوش
عافني وطلع الكل التم على صوتنه صعدت فوگ مااهتميت بس كلت اكيد مراح يسويها ويزوجني غصب.
صار العصر امي دكت الباب.
-شمس يلا بنتي حضري روحج.
-يعني انتو مصدكينن نفسكمممم حزوج مارررررريد.
-بعد ابوج حجه ماعليه اني.
طلعت ملابسي غيرتهن ونزلت جوه شفت الكل واكف بس بسام ماكوو.
شمس: يمه ماريد فدوه ماريد نروح.
-يلا بنتي امشي يلا لاتعاندين.
سحلوني گوه وصعدوني سيارة صرت ابجي وادك الشباك حتى واحد يفتحليي.
دقايق ووصلنه للمحلات الملابس نزلت واني وضعي مخربط عدلت روحي وصرت امشي دخلنه محلات وامي صارت تسئل شنو اريد.
شمس: يمه ماريد.
-ماعليه اني.
شمس: كتلج مازووووووج مازوووووج.
-هشششششش.
سكتت وضلت تفتر ابو المحل يحس اكو شي بس ميكدر يحجي واني كلما امي تسئل وتكول شنو رائيج بهاي اكلها ماريد دخلنه هواي محلات اخر شي صارت تشتري ملابس مشلح وهنا طفح الكيل.
شمس: مارررررررررريددددددد كتلجج مازووج.
-لج صوتجج.
شمس: يمه فدوه خل نرجع انه ماريد ازوج.
-لج وين رايحه ليشش اذا ابوج يعرف يموتج امشي وسكتي.
-كافيييييييي كافيييي ماريد ماريددد.
تخبلت صرت اصيح ابو المحل ويا اشخاص صارو يهدون بيه ويحاجون امي حتى ترضه.
-خالة ميصير تسوين هيج هي متريد شون تخلونها تزوج غصب.
-خالة مو بيدي ابوها ميقبل هو كال لازم تزوج.
-ميصير ياعيني دمرون حياة البنية.
-والله شسوي ياوليدي ماكو شي بيدي.
من سمعت حجيها صرت احجي واصيح انهاريت.
شمس: شنو موبيدججججج شنووو غير انتِ السبب دائما ساكتة ومتحجين شيي يضربني تسكتين يطردني تسكتينن يا ام انتِ هاااااا يا ام هسه من صارت سالفة الزواج صرتي أم چا وين جنتي من جان يضرب وانه عمري 6سنوات لو من كبرت ودخلت مستنقع داعشش لو من رجعتتتت وضربتونيييي وعذبتونيييي يا أم الي تحجين عنهاااا بحياتج ما حسستيني انه بنتج.
-لسانج طالع.
شمس: اكيدددد يطلعععع اكيددد وحق الحسين ماازوججج لو تذبحوني مازوج.