اسيرة 2014
ــــــــــــــــــــــــــــــــــــــــــــــــــــــــــــــــــــــــ
وصلنا شوي قريب للبيت وياريت مشايفة هل منظر تمنيت بوقتها اموت ولا اشوف هيج شيء حسيت النبض وكفت ورجليه ماتن والصدمة انووو شفتت الدواعش...
واكفين مجموعة كدام الباب وبعد كدام بيت جيرانا وهنا اخوي عرف انو الدواعش طبت لمنطقتنا
-لزمت أيد اخوي ومشينه سوه وصلنه تقريبا يم البيت و الدواعش واكفين
داعشي: من انت وماذا تفعل هذهِ الفاتنة معك
-رجفت ونزلت دموعي وعصرت أيد اخوي
-شنو تردون منا وخرو
-تعالي الى هنا ايتها الجميلة
كمت ابجي واخوي يصيح وخروو عنهااا
وخرووووو شمسسس
-يمههههه ساعدونيي
اضرب بيهم محد يرد..
تعاليي الى هنا
شفتهم يسئلون اخوي ولازمينه شكم واحد طلع واصلهم اخبار عن شغل ابوي انو هو رائد بجيش العراقي
اهلي طلعو وشافوني وكامو يصيحون بعدها مشفت شي واخذونيي
خلوو شي اسود على راسي ومشفت شي
ضليت بس اسمع يحجون كلام ممفهوم واني اصيح وابجيي ماعرف وين ماخذيني وليش هيج صار
-عوفونييييي يا حقررررراءء عوفونييييي
-أصمتي أصمتي
صاح عليه واني ضليت ابجي واضربهم لان ماشوف شي وهمه مدري وين ماخذيني عضيت واحد من ايده لان جان لازمني
-اخخخخخ ايتها الفاسقة....
ماحسيت الا اجت ضربه على وجهي فقدت بيها من ثگل ايده كلشي ما اشوف بس ضلام اسود من بعد ساعات واني مغمى عليه ما حسيت الا صوت صياح وهوسه اطفال وبنات يصيحون اريد اعرف وين اني بس مادري لان ما اشوف شي ضليت هيج لحد ما نزلوني
هيااا تقدمي الى هنااا...
شتردون مني وخررررر عنيييي حقيرررر يانكسسس وخرررر
اضرب بي بس ماكو فايدة نزلوني واني مااشوف شي امشي واتعثر لان مااشوف كدامي لحد ما اجه صوت
-ام وهب اين انتِ
-نعم يا مولاي
خذيها من هناا ولا تدعي ان تهرب..
-سمعً وطاعة
اخذتني البنية من أيدي
وخرررررييي لججج حيوانهههه وخررري شتردين مني ومنو انتو وين جايبينييييي
أسكتي ولا تحكي ولا كلمه صوتك عورة..
-عرفتها سورية
والله انتي العورة وخررررريي لججج وخرررريي
اصيح وماكو فائدة
حسيت بلعومي انجرح من كد ما صيحت تسحل بيه واني اضربها واصيح وهي ولا تهمها ضخمة
دخلتني غرفه ريحتها تموت مدري ريحه دم لو رطوبه عبالك شي معفن جان باقي شوي اتقيئ
-افتح و اغمض عيوني بثگل اريد الرؤيه توضح عندي بس مدا اشوف زين شوي شوي كمت اشوف كلهااا بنات تبجي الي ضاربينها والي ملابسها مشگوك والي وووو.....
وكفت البنات يباوعولي بنضرات شفقة كلها حزن وتعب وارهاق
شمس: اني وين وشنو هذا المكان شهل ريحه التكتل شكو هنا احد يفهمني
أنت تقرأ
أســيرة 2014
Ficción Generalعندما يأتي الحب من مكان أخر في وقت غير مناسب ومن شخص غير مناسب فتاة وقعت بين تنضيم داعش وهنا تبدأ حياتها التعيسة بين هولاء الضلام والمجرمون هل سوف تخرج من هذا الحرب ام لا وماذا سوف يحصل لها....
