اسيرة 2014
ــــــــــــــــــــــــــــــــــــــــــــــــــــــــــــــــــــــــ
ما تتوترين تمام
-شكووو
-ااتصلو بيه وكالوو مهددين بندرر هواي واليوم ضاربينه طلقة بس وين ماعرف.
-شنووووووووو؟.
-شمس لاتتخبلين كتلجج مدري وين متصاوب
-شووووون متدريييييي صايرلههه شيي اكيددد صايرله شييي.
-شمسسسسسس.
عفت الجهاز وصرت اركض طلعت خارج المدرسة والمدير والطالبات كلهن يصيحون بس اني مااريدددد.
عقلي طار صارلي فترة اتصل بي ميجاوب وهسه يكولون متصاوب بندرر مراح يصيرله شييي.
احجي ويا روحي وابجيي واركض الناس كلهاا تباوع عليههه.
اريد اوصل للبيت بس صارت الطريق شطوله حسيت مراح يخلص.
سيارات هواي جنت اركض وما مهتمه ماحسيت غير سيارة اجت بأتجاهييي مجانت سريعه بس حيل ماضل بيه اركض بعد صوت شخطة السيارة والصياح صارت بأذني وحسيت انشمرت لمكان بس مو بعيد.
شي حار ينزل من راسي وصوت صياح الناس.
وايدي احسها تفلش.
غمضت عيوني وماعرفت شصاررر.
محمود....
اجاني اتصال انو بندر متصاوب من قِبل عصابة مهددينه الكل انقهررر واتصلت بأبوي واخواني كلهم راحو.
كلت حتى اتصل بشمس همات خاف تجي ومتلكه احد بلبيت وتسئل.
بس ياريت ما كايل ولا متصل.
المهم اتصلت بيها وكتلهاا صارت تصيح وتبجيي وتكول ما بيي شيي اريدها تهدي بس ميفيد حسيت انگطع صوتها اصيح محد يرد عليه..
-الووووووو شمسس وينج بنتي.
-العفو عيني اختك راحت والله طلعت من المدرسه وماكدرنه نلحگهاا.
-شنوووو راحت وين راحتتتتت.
-والله طلعت.
-هسه اجيييي.
كمت مثل المخبل اركض منا ومنا اعرفها هي نص عقل هسه يصير بيها شيي جنت اسوق سريع شفت ناس ع الطريق ملتمه بس مااهتميت اني اريد اوصل للشمس.
موبايلي رن شفته المدير.
-نعم استاذ.
-محمود باوعليي ما متأكدين بسس اعتقد اختك سوت حادث لان هسه كالو طالبة مسويه حادث فـ منعرف منو.
-تشاقهههههههه مو كتلكممم لاتخلوهااا تطلعععع ادعوووو ربكم تطلع مو هييييي.
سديت الخط واني مثل البركان ذكرت الناس الي جانت ملتمه جنت اجذب على روحي واكول مو هييي.
رجعت للنفس للمكان شفت سيارة اسعاف اجت واكفة هناك من بعيد نزلت واركض واصيححح.
-وخروووو خل اشوووفف يمعوددين
ادفع بيهم لحد ما لمحت شمس من شفتها كل حيلي راح صرت اصيحح والكل يباوع عليه.
-شمسسسسس كوميييي شبيجج كومييي يلا لجج كتلجج لاطلعينننن شمس.
سحبوها من ايدي وهي تشهگ عبالك روحها جا يطلع هذا المنظر جانت كافية تخليني افقد كل حواسي دخلوها للسيارة الاسعاف صعدت وياهم واني اردد ادعية ان شاء الله مابيها شيي موبايليي رن شفته بسام.
-لك وينك انت مو على اساس تجيب شمسس وينك.
-هااا شكو.
-شهل اصوات محمود انت وين صايررر شي.
-شمسس سوت حادث.
-شنووووووو
-اي والله بس ماعرف اذا بيها شي لو لا.
-شكاعددددد تحجيييي محمودددد وين جنت انت.
-بعدين افهمكككك.
-جيبها لنفس المستشفى بساعع.
-تمام.
طفيت الموبايل والسيارة بكل سرعتها تمشي تريد توصل دقايق ووصلنه للنفس المستشفى الي بي بندر نزلنه من السيارة شفت بسام وحسام واكفين.
ركضو بأتجاهيي واني اصيح حتى يلحگوناا الممرضات من شافوو اسعاف ركضوو واجو واخذوو شمس.
خليت راسي بين ايديه، واعصر بيها احسس راح ينفجررر اذا شمس يصيررر بيهاا شيي مااسامح نفسييي.
اجاني حسام هو وبسام ومتعصبين.
حسام: وينننن جنتتتت شون صار هيجججج كلييي شووووون
-اتصلت بيها بدوام ومن سمعت بندر متصاوب شارده من المدرسه حتى تجي للبيت بس سوت حادث لان اجت كدام سيارة.
بسام: والله كفووووو مدرررري شكلكككك لك محمود كتلك روحح جبيهااا بنفسكككك ليششش اتصلت.
-كلت انطيها علم قبللل ما اروح.
حسام: اذا بندر يعرف يشهرنااا واني موتي يصير حلال.
-شسوييي هسههه شمسسسس مراح يصير بيها شييي مووو جانت تشهگ من وصلت يمهااا.
حسام: اسكت اششششش كافييييي خل يطلعون ونعرف.
-ابوي عرف لو بعده
بسام: لا بعده محد يعرررف
رحنه اني وحسام وبسام دخلنه للمستشفى ورحنه يم غرفة بندرر الي الكل منتضر هنااا جانو اهليي واهل بندر كلهم موجودين.
شحجي هسهه شووون اكول سوت حادث شمسس حسام يأشر بمعنى احجي وبسام يكول اسكت ماعرفت شسوي دقايق واجت الممرضة شفتها اجت بأتجاهييي.
-عفواً انت شتصير من البنية الي سوت حادث.
الكل اتجه نضراته الي وصار صمت قاتل شكول ماعرف شجاوب ابوي تقدم وعاگد حاجبه وحجه.
-شنو بنية يابنية الي تحجين عنها محد مسوية حادث خاف غلطانه عيني.
-لا هذا الشاب بنفسه جابه وجانو بـ الاسعاف وهسه نريد نعرف حتى نوصل للاهل البنية.
ابوي افتر عليه وعيونه صار احمرر وعصبي يريد يعرف لان حسباله مورط نفسي بشيء.
-اي محمود اسمعك منو البنيه الي مسوية حادث وانت شدخلك وجبتها.
-بوية اريد اكلك شيي بس لاتتعصب اذا ممكن.
-احجي محمود لاتختبر صبري.
-شمس سوت حادث.
الكل وكف على حيله وشهگو وابوي ضل صافن بوجهيي وحسام منزل راسه.
-شكاعد تحجي ابني شمس مو جانت بالمدرسه.
-اتصلت بيها وكتلهاا بندر متصاوب وهي شردت وضربتها سيارة.
-وينننننننهاااااااااا.
ابوي عاف المكان وراح للغرفة الي بيها شمس بس اني بعدني بمكانييي الكل صارو يبجون حتى اميي واهل بندر همات.
حسام: اكعددد راح طيح بلكاع ابوك ما ناوي على خيرر.
-مايسويي شيي.
بسام: ادعي شمس تكوم بسلامة.
نزلت راسيي واجت شريط حياتي كلهاااا وذاك اليوم الي خربت كلشيي بحياتي وكل فرحي راحت ونفس المكان جنت كاعد وفقدت اعز ما عنديييي اهز رجلي واني اذكر من فقدت امي هنااااا وجان يوم كلششش صعب ويخوفف ماريدد اجرب هل شعور مرة ثانيهههه شمسس ما تعوفنيييي ريان عافني وامي عافتنييي بس شمس لا.
أنت تقرأ
أســيرة 2014
Aktuelle Literaturعندما يأتي الحب من مكان أخر في وقت غير مناسب ومن شخص غير مناسب فتاة وقعت بين تنضيم داعش وهنا تبدأ حياتها التعيسة بين هولاء الضلام والمجرمون هل سوف تخرج من هذا الحرب ام لا وماذا سوف يحصل لها....
