اسيرة 2014
ــــــــــــــــــــــــــــــــــــــــــــــــــــــــــــــــــــــــ
. خَوية العمر ما يَسوة منَ دونكَ.
. رَد وعلي أشتاگينة لـَ عيونكَ.
غمضت عيوني ورددت بصوت عالي..
أشهد أن لا إله إلا الله.
وأشهد أن محمداً رسول الله....
بوقتها كلت راح يموتني واصير شهيدة بس للأسف بقى يعذبني حسيت شي حار نزل من ركبتي وهنا عرفت ركبتي انجرح جان شعوري بارد ومجنت خايفة ضليت اردد ياعلي ياحسين وهو ويا كل كلمة يضرب اكثر ضليت هيج لحد ما حسيته تخبلل طحت ع الارض كام يضرب على بطني وضهري وجهي ويصيح وعيونه شرارة يطلع منهم ماعرف ليش ضحكت وهو يضربني
لمـاذاااااااا تبتسمين...
والله مدري ليش چا اضحك يمكن اضحك لان تضربني ومدا اموت لو اشوفك تخبلت وماكو نتيجة وين تريد توصل اذا تريد تموتني فضهاا لان انت تعبت واني هم تعبت شتريد مني
عافني وراح جاب الكرسي واني اباوع
هل تريدين أن اقتلكِ....
شراح تسويي ترجع تخليني اكعد ع الكرسي وتضرب بيه ماحجه شي ماحسيت الا اجتني ضربه على راسي الكرسي تفلش اغمض عيوني وافتح كلشي مااشوف بس ضلمة وخيال شخص يجي ويروح كلت هاي هي متتت غمضت عيوني وبعد ما فتحت
تبارك.....
صارلي مدري شكم يوم ما رحت للشمس لان ابو صالح كال محد يروح وجان مخلي شخص يراقب خاف احد يدخل أيست اروح وجان بالي يمها الايام مرت واني اجي واروح عسى ولعلى اكدر اطب بليل شفت محد ماكو استغليت الفرصة ورحت
مشيت واباوع محد ماكو بس شكم واحد بره واكفين
وابو صالح مجان موجود
رحت وصلت للباب اجيت افتح الباب وجان يجي صوت تخليني انجمد بمكاني وكلت نهايتي اليوم
ماذا تفعلين هنا......
ءءء لاشيء كنتُ ارى هل يوجد شخص هنا لانني رأيت احدً ذهب من هنا أين كنت انتَ أذ يأتيَ ابا صالح ولم يراك هنا سوف يقتلكَ....
ذهبتُ أكل لانني كنتُ جائع...
حجيت بگلبي( سم وزقنبوت)
حسناً ابقى هنا ولا تذهب الى أي مكان..
عفته ورحت واني احس رجليه ماتت مبيه حتى امشي وگلبي احسه راح يوكف زفرت نفس براحة وابتعدت عن المكان بس جان ودي ادخل واشوفها اكيد هسه جوعانه
صار يومين وشفت ابو صالح طلع شمس من الغرفة وحالتها يبجي الصخر خليت ايدي على حلكي واني اشوف ابو صالح يسحلها عرفت راح يأذيها بس مجان بيدي شي دموعي نزلت وبعد مشفت شي بس اسمع صياحها وهو يضرب والهوسة
أنت تقرأ
أســيرة 2014
General Fictionعندما يأتي الحب من مكان أخر في وقت غير مناسب ومن شخص غير مناسب فتاة وقعت بين تنضيم داعش وهنا تبدأ حياتها التعيسة بين هولاء الضلام والمجرمون هل سوف تخرج من هذا الحرب ام لا وماذا سوف يحصل لها....
