خلف جداره تختبىء انثى

الفصل الثامن

رواية/ خلف جداره تختبىء انثى

الفصل الثامن
الكاتبة Jawhara
__________________

اللهم لك الحمد كما ينبغي لجلال وجهك وعظيم سلطانك ، ياربنا لك الحمد حتى ترضى ولك الحمد اذا رضيت ولك الحمد بعد الرضا
__________________

تيماء ..
طلعت ورى صفية وگلبي يدك سريع اقكر شنو يريد مني وهو كلامه وياي اول ما شافني مثل السم ، دخلت وراها بالهول بقيت واكفه من شفته كاعد ومنتجي على عوجيته رفع رأسه وأشر بيده لبنته حتى تطلع وفعلا عافتنا واني بقيت واكفه وعيوني تنظر لاي مكان الا هالشايب الكاعد مقابيلي

بصوت قوي هددني ..
حجي حوم / تعيشين هينة ما اسمع حسج وهذا البيت بكبرو انتي مسؤلة عنو ، بنيتي صفية زواجها نهاية الشهر هذا ، ماريد بيتي ينحاس مابه مرة تباري تحط وتشيل واتجدم لكمة ( لقمة) ، بنيتي هي ام البيت وكل العزايم والمواجيب مدبرتها ، باجر لا راحت لبيت زلمتها اكو من تسد ، ماجازلج هالحجي ازوج ابو غياث بدال الحرمة ثنين

بقيت فاتحه عيوني وحلكي هذا من اولها يهدد والله والثقة منو كال اني باقية هنا ، لا ويريدني اصير خدامة اطبخ واغسل ومدري شيريد بعد
، اخذت نفس اهدي بي روحي ماريد اغلط ولا اقلل من احترامه ولو مو مال احترام هذولي عصابة وربي عصابة ، كال يزوج عزيز كال !!! بس ماريد انهان يكفي الكف الي أخذته من عزيز وأثره واضح بخدي يارب كن معي ولاتكن علي
رديت عليه من سألني ليش ساكتة ؟!

حجي حوم /
عليش ساكتة ؟!!

تيماء / ما اجيت اعيش هنا ، اجيت اخذ ابني الي تردون تحرموني منه

خزرني وهو يوكف ويتقرب مني / الحرمة مجانها وين مايكون زلمتها والا اهلج ماعلموج الأصول ؟!!!

لاااا كولشي ولا يقلل من احترام اهلي رديت بحدة ..
تيماء / اهلي احسن ناس ويعرفون الأصول

حجي حوم / يولي عليمن هالهذرة ، لو ابوج يعرف بالسلوم والأعراف ماجان زوجج لرجال لا أهل ولا عشيرة وكفت وياه يوم تزوج ، وحد درى عنو يوم خذاج

ارتبكت وانقهرت كلامه مثل حدة السيف الي يجرح بدون رحمه ، والله ما افوتها الك تهين اهلي وابقى ساكتة مستحيل ..

تيماء / بابا من شاف ولدك اثنينهم كال ذول رجال ينشد بيهم الظهر ، للأسف مايدري بس غلاف وقشرة داخلها فااارغ

/ ايا بنت الكلب وبكل بجاحة واكفة تراددين حجي حوم

عطت من انسحب شالي بقوة وبديت اكح لأن خنكني بي وهو يدفعني على ابوه وكعني بالكاع وصرخ بغضب ..

عبد العزيز / اعتذرررري من ابوووي اعتذررري

حسيت بدوخة وردت اوكف على حيلي ماكدرت يمكن ضغطي هبط لأن كولشي مماكلة وهسة العصر وزاد علية من نكت راسي وخنكني ، صوت عزيز أحسه صار بعيد ماحسيت على روحي الا متكومة بالكاع اول ما وكفت ،