رواية / خلف جداره تختبىء أنثى
الفصل الواحد والعشرون
الكاتبة Jawhara
__________________
الزبير ،،
صوبت مسدسي اريد ارمي فيحاء متحلف بيها كلت الا طلقه بيها عالمصايب اللي سوتها ، ثواني وايدي انرفعت والطلقه ثبتت بزاوية الحايط قريب السكف
دفعت احمد زوج فيحاء اللي ضاغط على أيدي والمسدس يريد يسحبه مني
زبير بصرخة / لاتدخل اختي وانا اتصرف وياها هو
احمد بزعل وكف بوجه زبير / وانا رجلها وما اقبل اللي صار ولا عبالك قابل بسوالفها بس هاي أم حهالي وانا اللي احاسبها ماراح اسكت على سوايتها
دفع احمد وتقرب على فيحاء تلها من راسها سحبها بقوة رغم اعتراض زوجها وصريخها على من بدى يضرب برأسها عالحايط
حيان تشفى بيها لأن هي سبب بتفرقتهم هو وصفية ، التفتو على صيحة ناهض وقيس لأن امهم تخربطت
الزبير دفع فيحاء اللي تلكفها زوجها بحظنه وركض عالحجية اللي شالوها ولدها وطلعو للسيارات برا
الزبير يسأل ناهض وعيونه عالحجية اللي ماتتحرك / شنهو الصار ؟!!
ناهض اللي خلى أمه بحظنه وقيس بدى يشغل السيارة وركب حيان وياه / خل نطلع بيها للمستشفى بسرعة
الزبير / يول خل نطلع بيها لعيادة تغلب اقرب مما نروح لمستشفى الولاية
حيان تذكر / حجي زبير صحيح تغلب كريب على بيت خالي حوم يلا قيس استعجل
الزبير طلع وراهم بسيارته لقرية حجي حوم تا يعاينها تغلب المعاون الطبي اللي يشتغل بمستشفى المدينة ( تتذكرون تغلب برواية امرأتي ، حجي حوم يصيحه دختور تغلب الا هو بالاصل معاون طبي ، تغلب اللي عالج منصور زوج سيرين اللي جان فاقد الذاكرة )
بعدما عالجها تغلب بقوا بعبادته بينما الحجية وضعها تحسن جان ضغطها مرتفع بس تغلب نصحهم
تغلب / اشك ضربتها جلطة الافضل تتاكدون تاخذونها للمستشفى
حيان بقلق / ضغطها شوي نزل ، يارب ما تكون جلطة
تغلب وهو يفحص ضغطها للمرة الثانية / نطلع بيها للمستشفى أنا وياكم يلا خل نتوكل
وفعلا هناك من دخلوها وبعدما فحصها الطبيب بقاها بالمستشفى لأن متعرضة لجلطة
حيان يسولف وية الزبير وناهض / ابقوا هينة أنا اروح اجيب صفية تبقى وياها
الزبير / أنا اكول لو اجيب ميسون ام سعد احسن بيتها كرب المستشفى شيوديك هساع للقرية
حيان يمسح على وجهه وحالته حالة بسبب أمه / اي وانت كلتها هساع اطلع لبيتها يلا كل أوصيكم على امي
تنهد ناهض وأشر لقيس الي اجى وكف بسدهم / شبيك ماتدري بروحك
أنت تقرأ
خلف جداره تختبىء انثى
Romance* في ركن خاص جداً في القلب لم أتعرف عليه إلا عندما أحببتك، أنت تسكن عمق قلبي. ❤️
