خلف جداره تختبىء انثى
الفصل الخامس
الكاتبة Jawhara
______________
في غيابِك
يطرق الشوق قلبِي..
بِوابِل من الحنِينِ..
مَا حيلَتي
والغياب شريعتك
والَانتظار مَذهبِي..
_____________________
بيت حجي حوم ..
صفية و جود بحظنها كاعدة توكله
صفية / يگليبي جوعان ومبين نعسان خل ياكل تا ينام
عزيز يدحج على ابنه وبراسه يدك ويتردد صوت تيماء ، تصرف باستعجال جان المفروض ينتظرها ترجع مو يأخذ جود بدون متدري
عبد العزيز / متعود يشرب حليب وينام ما ظنتي يكدر ينام إذا أكل من هذا ؟!!
صفية بحب / عجل اكوم اسويلو حليب
حجي حوم وهو يراقب جود الي ركض لحظن أبوه اللي باسه بخدوده وشاله ووكف بسد صفية اللي مشغولة تسوي حليب لجود ،
ابتسم حجي حوم / والله هالصبي حيال شوفو شلون يتحظن ويحبب بابوه
التفت عزيز على أبوه ورفع جود فوك ورجع نزله لحظنه وهو فرحان بي / جود وكطع النفس يبوي غلاته بغلات أخيه
د خل غياث وشمر جنطته عالمدة وصاح اول ما شاف جود بحظن أبوه / يا هلا والله ، حي الله جود اخوي هههههه ، تعال يول تعال عطني حبة
حجي حوم بأنزعاج / داخل على يهود يولد ما تسلم
غياث فرحان بشوفة اخوه رد وأيده على خد جود يتلمسه ويكرصه بخفة / هلا جدي السلام عليكم ، والله شوفة جود نستني
،،
اخذه من حظن أبوه وراح كعد يم جده
غياث / جدي عليك الله يشبهني هالجود ؟!!
حجي حوم بتأمل لملامح أحفاده ، ابتسم
/ ما طلع عبث تكول نمونتك
جود وايده بشعر غياث جره بقوة / اتة بث تذحك
غياث بضحك باس خد جود / يربي اكلو اكل ، اسمعوا شلون يتحجى هههههه
ورجع عض خد جود بخفة تارك اثر أسنانه على خده أبعدته صفية وهي تاخذ جود وحطته بحظنها تا يشرب حليب
صفية / اشوف شعواط يطلع منك يوول ملصت خدو شبيك عالصبي
ابتسم عبد العزيز لابنه غياث وطلع من المطبخ وبداخله ارتياح لأن أهله حبو وتقبلوا جود
رن موبايله وظهر اسم ام جود ارسل تنهده وهو يدخل لغرفته ويفتح خط ، غمض عيونه من سمع صوتها يرعد بكلام چثير ، خلاها تكمل وتفرغ اللي برأسها
عبد العزيز / خلصتي ، عندج هذرة باقية !!
تيماء بغضب / ما اكول الا حرامات اني على ذمتك والا انت مو مال زواج وابوة ، تخطف ابني حتى تثبت انت الرجال وكلمتك هي القانون
أنت تقرأ
خلف جداره تختبىء انثى
Storie d'amore* في ركن خاص جداً في القلب لم أتعرف عليه إلا عندما أحببتك، أنت تسكن عمق قلبي. ❤️
