خلف جداره تختبىء انثى

الفصل الثالث

رواية: خلف جداره تختبىء انثى

الفصل الثالث
الكاتبة Jawhara
____________________

* كيف لعينيك ان تختصر كل الكلام كيف لها ان تخلق بي حبا وحربا وسلام
___________

تيماء ..
قهرني عزيز  من حجى لان لمست نبرة  إذلال صحت معترضة

تيماء /  عزيززز !!

تقرب  وعيونه  كلها  قساوة اخاف منها ، حالات قليلة  يغضب  لكن هاللحظات  غضب فعلا و حاوط رقبتي بيده وضغطها وصوته حاد ..

عبد العزيز  / شايفتني  خرجة  ( قطعه قماش بالية مهترئة) تا تعصبين وتصيحين بوجهي ، أنا ابو غياث اللي كلها تهابني تعلين صوتج علية  ؟!!!

تيماء ..
غمضت عيوني ثواني استوعب غضبه والألم الي نغزني بسبب ضغطه على عظام رقبتي
رديت بصوت مخنوك  /  ماقصدت اقلل منك والله بس انت تتقصد تعايرني

صاح وايده  تضغط رقبتي ..

عبد العزيز / يوولي  أنا يوم حجيت وكلت كلمة بخصوص هالموضوع  لو جبت طاري شلون هيج تكولين ؟! وعلى شنهو تا اعاير بيج

تيماء بخنكة /  الفلوس الي ساعدت اهلي بيهن تتذكرهن اكيد لأن المبلغ مو قليل

رفع تيده ومسحت  رقبتي وتنهدت وعيوني مليانة دمع اباوع عليه  كعد   عالفراش   اتكأ على ذراعه وعيونه اخترقتني نزلت عيوني أتجنب شراسة نظراته
واني اسمعه يرد ..

عبد العزيز / ابوج رجال والنعم منو وانا ماكسرت بخاطرو يوم طلب مني مساعدة صح ما اعرفه الا عن طريق خالج عصام هو صاحبي من فترة بيناتنا شغل مثلما عرفتي بعدين  والصدك أنا ما طالبته يرجع المبلغ بعدما شفتج وكلت احجي وية ابوج تا اتزوجج  وكتها كال ما اكدر الا أخذ رأي البنت بس هو جان محرج ومستحي لأن الفلوس مو قليلة
ورى يومين ردلي خالج عصام الخبر كال موافقين تعال وانا من كعدت وية ابوج اتفقت الزواج هينة وبعيد عن اهلي لن ابوي ما متقبل زواجي من غريبة  يريد من بنات أخته وانا ما شفت ابوج رافض لن عصام صاحبي ويعرف أنا منين وهو الي قنع ابوج أما شلون انتي اقتنعتي فهاي لهساع ما ادري بيها !!!

بلعت ريكي  وانا اتذكر كلام أبوي  كال فكري زين بموضوع الزواج وما اضغط عليج

عبالي حيضغط علية  ويجبرني  بهذا الزواج لخاطر  المبلغ اللي  أخذه من عزيز  لأن وكف ويانه وساعدنا واني كلت اكيد بابا ميكدر  يرجع الفلوس بوقت قريب لأن وضعنا كولش صعب صار بهذه الفترة  كلت لبابا  موافقه لأن  مستحيل اخلي يعيش  بموقف  يحتار فيه  ويتضايق  ، كولش عانينا  ومستمرة هالمعاناة في سبيل  نطلع اخوية  سيف من السجن ، وبعد فترة سالت بابا  عن المبلغ كال  خلال فترة قصيرة  ارجعه ،  و كلامه يمكن د يطمني ولا ابقى افكر
تنهدت وطلعت  من افكاري وسألته  / عبد العزيز ليش بابا ما رجع الفلوس  ؟! لأن كال ارجعهن بعد فترة