خلف جداره تختبىء انثى

الفصل الثاني

رواية خلف جداره تختبىء انثى

الفصل الثاني
الكاتبة Jawhara
____________
شكرا من الاعماق لكل من ألقت تحية وسلام ،❤️❤️❤️
_______________________

لَا شيء يشـبِههاهي تنتمي للأشياء النادرةِ التي إن ضاعت ليس لها بديل . .

____________

تيماء ..

كعدت من الصبح   رتبت البيت وعطرته وجهزت الريوك ( فطور)   وبعدها تحضرت انتظر عبد العزيز ، عيني على الباب قبل نص ساعة اتصلت  خبرني   بوصوله لبغداد ، متوترة لأن  الطريق طويل  أكثر من ست ساعات
الساعة تسعه ونص وبعده ما اجى   ، كعد  جود من النوم اسمع صوته   يصيح ماما ، دخلت للغرفه  ساند جسده على حاجز الخشب  المحاوط سريره  ، يا الله شكثر  أعشقه وأحبه  هالنتفة الصغير هذا ، اول ما شافني   ضحك اخذته بحظني ابوس  خدوده واحجي وياه  مد ايده سحب خصله من شعري المفتوح بعدت تيده وانا أبوسها واعضها بخفيف ، هذا طبعه  يبقى يلعب بشعري ، غيرتله ملابسه وأخذته للمطبخ انتبهت صوت  لهورن سيارة

تيماء بحب وفرحة /  جود هذا بابا اجى

سمعني طار بسرعه يريد  يفتح الباب ، فتحت باب المطبخ وطلعته كدامي يركض ويصيح بابا  ، وادور عزيز نطاه صوته من سمعه يصيح  ، خبل بالولد بس يريد يشوف أبوه ، فتحت الباب وكفت على جهة ودخل عزيز اول ماشاف جود رافع ايديه ويكمز نزل عليه ورفعه بحظنه يبوس بي

عبد العزيز / يهلا بجود هلا حبيب أبوه شلونك يبة

حاوط بايدينه الصغار رقبة أبوه وباس خده بطريقه طفولية يحبها عبد العزيز الي شدد من حظنه لابنه والتفت علية  وهو يسد الباب بظهره ، عيونه علية اعرفه كاعد يمتع نظره بكل تفاصيلي  ، ابتسمت بحب واضح واني  اتقرب اطبع بوسه ناعمة على خده

_ تيماء / شلونك حبيبي حمدالله على السلامه

أخذ نفس يعبق بعطرها اللذيذ وباس خدها

عبد العزيز/ يسلمج الله شلونج انتي عسى ما مليتي هاي الفترة

ابتسمت بزيادة والسعادة تشع بعيونها ..

تيماء /  الي يهون علية بغيابك هو جود فديته والا اني گلبي نار ابقى منتظرة جيتك

دخلو البيت بعدما دخل الغراض الي مشتريهن من السوك ، ابتسم وهو يراقب ابنه يفتش بالمسواك

عبد العزيز بضحكة / دحجي على جود مايرتاح الا يفتش المسواك

نزل بجسمه على ابنه شاله بحظنه يبوس بي حيل مشتاكله كعد عالكرسي وخلاه كباله عالميز تا يسولف وياه وجود انطلق بالسوالف ماشاء الله لسانه فصيح نوعما رغم عمره سنتين ونص
تيماء تقربت وحطت راسها بكتف عزيز وعينها على ابنها ..

تيماء بحب /  ترتاح شوية لو تتريك هسة اني مجهزة الريوك
واعي لحركتها وضغطها  لفكها على كتفه أخذ نفس من عطرها القريب ودغدغ حواسه ..