خلف جداره تختبىء انثى

الفصل العشرون

رواية / خلف جداره تختبىء أنثى

الفصل العشرون
الكاتبة / Jawhara

___________________
يابنات البارت شوية قصير تقريبا ٢٣٠٠كلمة ماردت أنزله اليوم بس قريت تعليقاتكم تردون بارت اليوم
إن شاء الله بعد باجر انزل لكم بارت طويل

🌹🌹🌹🌹🌹🌹

إذا أخطأت، وسقطت وارتبكت، فاعلم أن الذنب ذنبك، وليس ذنب أهلك أو والديك، وبدلاً من أن تبكي تعلم من أخطائك
___________________

الزبير ،،

كاعدين انا واخوتي وعمتي الحجية وحجيتلهم على مصايب وسوالف فيحاء  الكل مصدوم ممصدكين اختهم هيج تتصرف 
عمتي أيدها على رأسها
حجية حشمة / يولو هالبنت موتي على أيدها ، سودة بوجهج يفويحي إذا انتي صدك هيج مسوية

حيان / شنهو دليلك يالزبير ، والله أن جانت هي راس البلا لا احط طلقه برأسها ما يكفي الي سوتو كبل سنين تالي وياها كلنا انعدلت اثاريها اعوج من ذيل الجلب
التفت ناهض على قيس من سمعو اخوهم حيان يحجي بحركة  وتذكروا اللي صار من سنين ، قيس عض على ايدو شايط وشريط الأحداث ينعاد براسو
،،،،،
الزبير يدخل ساحب فيحاء من شعرها وحجابها مرمي على جتوفها ، واضح ضربه بخود فيحاء معلمة اصابع ايدو

شمرها عد رجلين الحجية اللي جانت كاعدة وسبحتها بيدها مصدومة ببنتها

الزبير بقهر وصريخ / الجلبة هذه تاليها لكفتها هي واحد بالبستان متواعدة

دخل حيان اللي مو اقل منو عصبية وضربها برجله وهو يصيح
حيان / فضحتنا الحقيرة

الزبير بعد حيان وبقى هو يضرب بيها بقسوة
/ والله العظيم ذبحج على أيدي أن خطت رجلج برى البيت وهالاسبوع زواجج من الولد اللي تقدملج كبل جم يوم ، عبالج ما عدنا علم ليش متقبلين ، اثاريج طايحة عشك وغراميات ، الله ياخذج الله ينتقم منج مثلما نزلتي روسنا
فيحاء بصوت يادوب يطلع / والله ما اسامحك ما اسمامحكم كلكم ، أنا ماريدو ماريد اتزوج احمد

الزبير تفل عليها وطلع ، كامت الحجية واخذتها للغرفة وهي تحجي وتدعي عليها

،،،،،،،

رفع رأسه اول ما دخلت فيحاء ورجلها والجهال طلعهم ناهض ورجع

ابو همام بعدما سلم وكعد بصف مرته / خير ، جمعه خير إن شاء الله كالو رايدين ام همام

حجية حشمة. وكان الزمن ينعاد نفس كعدتها وسبحتها بيدها خزرت فيحاء وما حجت

فيحاء من شافت الوجوه ما اطمن سالت بقلق / شبيكم ياساتر ، اكول زبير شلونها ضي صارت زينة ، اعذرني جنت مريضة ماكدرت ازورها

الزبير يغلي غلي نتر بيها /  وجهج المصطنع هذا ماريدو ، طلعي وجهج الحقيقي واحجيلي شلون كدرتي تحركين ضي وكبلها شلون دبرتي عقد زواج وكتبتي اسمي بي والا تردين تحجين شلون دبرتي سيم كارت وراسلتي ضي بحجة هذا خط مرتي الجديدة ، التفت على ابو همام وكاله / الخط مسجل باسمك ، كلفت صاحبي يبحث عالرقم وطلع باسمك