رواية / خلف جداره تختبىء انثى
الفصل التاسع عشر
الكاتبة Jawhara
_________________
الزبير
طلعت برا الغرفة كعدت عالكرسي بالممر ونزلت راسي وانا احاول استوعب كلامهم ،
من جهة واحداث البارحه بجهة من اول ما سمعت صوت صريخ فيحاء وهي تكول ضي احتركت ركضت وانا عقلي يصورلي اشياء توقعتها احتركت وانتهت ، لحكني حيان بسيارته وصعدت وياه ومن تقربنا للمزرعة جان الدخان واضح والنار مشتعلة بالسكف الي مصنوع من السندويش بانل ، فتحت باب السيارة قبل مايوكف اريد انزل بسرعة ، نزلت وانا حيلي أحسه انهد اول ما وصلت للمخزن احاول استوعب الي داخل يارب ماتكون ضي محتركة حسيت الهوا انكطع وصدري يوجعني مصدوم مالي گلب اشوفها محتركة
صاح بية ابو صكر ودخل بعدما فتح الباب جان مسركة من برا اول ماطلعها عبالي ميتة صاح بية تا اخذها ، لميتها بحظني وگلبي مفرفح عليها اخذناها وطلعنا للمستشفى حيان يسوق بسرعة وانا كاعد ورى حاطها بحظني احجي وياها اريدها تفتح عيونها علية تلمست نبضها خفيف كلش حاولت ما ااذي أيدها حمرا من حرارة النار وكذلك وجهها
،،،،
حيان كعد بسد اخوه /؛ لاتبقى صافن خليك كوي مثلما اعرفك
الزبير بقهر / حيان انت ما سمعت اخوها شيحجي ولا هي الي بس تصرخ من تشوفني ، يتهمني حركتها بالله هالخبال منين جابو
حيان / خل يسمحلها الطبيب بالخروج وبالبيت نفتهم الصار هساع هينة مانكدر بالمستشفى ، خل نرجع البيت
الزبير / سألته للدكتور كال باجر ، والحرگ الحمدلله ما يأثر كلها حسبة اسابيع وتتشافى
حيان / حمدلله على سلامتها ، يلا يخوي خل نرجع دام أهلها هينة وانت همين تريح جسمك من البارحه انت وياها رح أسبح اكل لكمة
الزبير / اي اطلع أسبح واغير ملابسي وراجع ماعوفها
حيان / يخوي أنا كول ترتاح تنام ساعة زمن بعدها ارجع
الزبير / ابو صكر ما سالت فيحاء شلون عرفت بسالفة الحريگ ؟!
حيان / راحت لبيتها ما شفتها من رجعت
الزبير ،،
،،،،، رجعت للبيت سبحت وتوضيت صليت الي فاتني من صلاة ورحت للمطبخ اسوي جاي راسي احسو يريد ينفجر ، اندكت الباب فتحته لعمتي الحجية سلمت علية وحظنتي وانا جنت محتاج هيج دعم منها لميتها بحظني وحبيت رأسها ورجعت حاوطتها بذراعي ..
حجية حشمة / حمدلله على سلامتها ، الله يعينك يمة زبير گرة عينك بسلامتها
زبير بتعب / يسلمج الله ، الف الحمدلله يعمة انا كلت ماتت ضي
دحجت بوجهي وكالت / ماعرفت شلون احتركت ؟!
الزبير اشرلها تكعد / تعاي اكعدي هينة هساع تا احجيلج
أنت تقرأ
خلف جداره تختبىء انثى
Romance* في ركن خاص جداً في القلب لم أتعرف عليه إلا عندما أحببتك، أنت تسكن عمق قلبي. ❤️
