رواية : خلف جداره تختبىء انثى
الفصل الاول
الكاتبة Jawhara
بسم الله الرحمن الرحيم وعلى بركة الله نبدا بأحداث روايتي هذه اسال الله ان يمن عليكم بالصحة والسعادة ❤️
استغفر الله العظيم واتوب اليه
⭐____________________________⭐
** الانثى هي فقط من تستطيع ترويض الرجل حتى إذا كان فاسدا تصنع منه رجل مستقيم
________________
بدت الأجواء مناسبة هذا المساء الهادىء ليقتنص عزيز زيارة لبيت عمته لرؤية صديقه وابن عمته حيان
....
عبد العزيز
و
حيان
عبد العزيز يتأمل مرابط الخيل ورفع ايده إشارة منه لصاحبه الي تقرب وهو على ظهر الفرس الدهماء مثلما يطلق عليها حيان هالاسم بسبب لونها الادهم اليميل للسواد ، رجله بركاب الفرس الي متصل بالسرج ضغط عليه وهو ينزل من ظهرها وطبطب بخفة على نحرها بإشارة أن تبتعد
التفت على صاحبه وسلم عليه ..
حيان / هلا وچثير الهلا ، اكلط هينة بالمضيف
سار عزيز خطوات هادئة ممتلئة بثقل وهيبة بينما رجع حيان اللي أوصى أحد عماله ورجع انظم لصاحبه الي جلس بكل اريحية وهو يسند ذراعه ود على وسائد موجودة على ارائك الديوان ينتظر صاحبه الي دخل أخذ ترمز حافظة يشابه دلة الگهوة عالطاولة سكب لعبد العزيز فنجان ورجع سكب لنفسه وجلس قريب عليه
حيان باستفهام والسالفة من يومين تختمر براسه ...
حيان / تذكر من حجيت وياك كبل خمس سنين بسالفة اخيتك وكلتلي ما تواطن الزواج وتكول تربي غياث وتراعي الحجي الله يطول بعمرو
عبد العزيز ترك الفنجان عالطبله واستعدل بجلسته وسبحته بيده ..
عبد العزيز / شذكرك بهاي السالفة ؟!
حيان /اخيتك اريدها حليلتي وماراح الكى مثلها ، اريدك تحجي وية الحجي اكيد إذا يوافق هي بعد توافق ما تكول لا والا انت حاليتلك السالفة شايلة حمل تربية ابنك وانت ملتهي هينة وهينة
عبد العزيز / لا يخوي خالك الحجي هو الي واكف بظهرها ومگويها
ابتسم حيان / عجل الحجية هي اللي ظنيت تكدر عليه ماخذه بخاطرها منو
عبد العزيز/ على ذكر الحجية انهض تا نروح اسلم عليها ، تسمع أنا هينة وما مريت عليها تزعل علية
نهض حيان وأيده تعدل طرف شماغه / عجل تعال مادام بعدها بالبيت ، عدها تسيارة لبيت وحدة من معارفها
طلعوا من المضيف ومروا عالبيت اللي يفصل بينهم حديقة واسعه مزروعه باشجار ومتلسقات باقواس مرتبة ، عبد العزيز اول ما لمح عمته حشمة تمشي من جهة البيت وياها وليدات حيان يمشون وراها ابتسم وفتح ايديه تقرب سلم عليها وحضنها وباس رأسها ويدهاا..
عبد العزيز / وشلونج يعمة إن شاء الله بخير
أنت تقرأ
خلف جداره تختبىء انثى
Romance* في ركن خاص جداً في القلب لم أتعرف عليه إلا عندما أحببتك، أنت تسكن عمق قلبي. ❤️
