ضغط علي فكها بعنف وعينيه السوداء تبرق بطريقة أخافتها ولكنها تماسكت بينما قال هو بنبرة سوداء كغضبه :
-اللي متعرفهوش أنك دلوقتي ملك عدي رشيد يا بيري...
دفعت يده بحدة وهي تصيح:
-ملك مين يالا هو أنا بطيخة !!!
امسكها من ذراعها بعنف وقال بحدة :
-مش قدام...
زفر جورج بضيق وهو يتململ في سيارته بدون راحة بينما ينتظرها لتخرج من المركز التجميلي الخاص بها....وقد قرر ألا ينتظرها بعد الآن ...سيطلب من السائق يحضرها فهو ليس متفرغ لسيادتها ...فجأة توسعت عينيه بصدمة وهو يراها تخرج من المركز ...كان كل شئ بها هو نفسه ...نفس القميص الزهري الذي ارتدته صباحا ونفس البنطال الأبيض ولكن الذي تغير هو شعرها ...شعرها الذي تحول للون الأحمر !!! أحمر وجهه بغضب وهو يضغط على مقود السيارة بعنف وأمكنه أن يسمع احتكاك أسنانه ببعضهما ... تقدمت ماريانا من سيارته بإبتسامة واثقة وحيته بنعومة ؛ -معلش يا حبيبي اتأخرت عليك . ولكنه لم يرد عليها وهو ينظر أمامه وما أن ربطت حزام الآمان بها حتى انطلق بسرعة رهيبة ...توسعت عيني ماريانا السوداء وهي تنظر اليه ...قالت بتوتر : -حبيبي فيه ايه ؟! -أخرسي! قالها بقوة لتتراجع وقد خفق قلبها بخوف ...نظرت من النافذة وهي تشعر بالدموع تلسع عينيها ...ترى ماذا فعلت هي ؟!. ........ ما أن وصلا إلى المنزل جذبها من ذراعها ثم دفعها حتى اصطدمت بالحائط ... -جورج فيه ايه خوفتني ؟! -ايه اللي عملتيه في شعرك ده ؟! قالها بغلظة لتتسع عينيها بصدمة وترد ببلاهة: -أنت زعلان عشان صبغت شعري أحمر ..افتكرت انك مش بيهمك الحاجات دي ...أنا علطول بصبغ شعري بألوان اغرب من كده اشمعنى المرة دي زعلت ... هزها بعنف وصرخ : -ماريانا متستهبليش ...أنتِ عملتي كده عشان تفكريني بيها صح ؟!!تفكريني بسيلا ..... انسابت دموعها وقالت بنبرة مختنقة : -والله العظيم أنا عمري ما افكر التفكير ده ...ومعملتش كده عشان افكرك بيها ولا حاجة انا حبيت اللون عليا عشان كده عملته ... ابتعد عنها وقال ببرود : -وانا مش مصدقك ..أنا عارف حركات البنات عايزة تبقي نسخة منها عشان احبك ...وأنا قولتلك ميت مرة اتقبلي الموضوع يا ماريانا أنا مش بحبك ..مش عافية هي ... ثم تركها متجها إلى غرفته فصرخت هي به : -انا مراتك يا جورج مش هي خالص !!!مشاعرك مفروض تكون ملكي مش ملكها ... استدار وأكمل بنبرة قاطعة: -مشاعري مش ملكك ولا هتكون يا ماريانا وأنتِ كنتِ عارفة اني مش بحبك ووافقتي فمتجيش تعيطي دلوقتي ..بكرة تصلحي الهبل اللي عملتيه ده انا مش عايز اضايقك اكتر من كده خلينا نقضى الباقي من عمرنا من غير مشاكل ...ده لو سمحتي !!! #جورج_الحكيم ماريانا_إسحاق #أسرت_قلبه .. الرواية اللي بعد رواية الشيطان وقع أسيرها بإذن الله ♥️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
