လုမုန် (Completed)

EPISODE (2)*

(Unicode)
Warning ⚠️
(Adult senceအနည်းငယ်ပါ၀င်မည်ဖြစ်သည့်အတွက် အသက်ပြည့်မှသာဖတ်ရှုရန်)

စန်းလတိုင်းပြည်၊ရှင်ဘုရင်နန်းဆောင်။

လုဟာ ထိုင်ခုံပေါ်တွင်ထိုင်နေ၏။သူဟာ
စတွေ့တုန်းကနဲ့လုံးလုံးလျားလျားမှမတူ။
အဖြူရောင် ၀တ်ရုံတော်လေးတစ်လွှာတည်း
ကိုသာ သပ်သပ်ရပ်ရပ်၀တ်ဆင်ထားသည်ကို
ကြည့်ရလျှင် သူဟာ ရေချိုးပြီးခါစဖြစ်မည်။

မျက်နှာလေးပေါ်လာသည့်အခါ များမကြာမီ
က မြင်ခဲ့ရတဲ့ ညစ်ပတ်ပေကျံနေသော မျက်
နှာနဲ့လူဟာ သူလားမေးယူရလောက်တဲ့အထိ
ကို ချောမောတည်ငြိမ်အေးချမ်းခြင်းနဲ့ ပြည့်
စုံလွန်းလှသည်။

ကျစ်သားအများစုဟာ အရမ်းလည်း မဖြူ၊မညိုလည်းမညိုတဲ့ ပုံမှန် အသားရည်ရှိတာကိုမှ အနည်းငယ်၀င်းတဲ့ဘက်ကိုသွားသည်။
သို့သော် သူဟာနေလောင်ဒဏ်တွေကို အချိန်
ကာလတစ်ခုထိ ဒဏ်ခံခဲ့ရပုံပေါ်၏။သူ၏ မျက်နှာ‌ဟာ ဝါ၀င်းသည်ထက် မျက်နှာပေါ်
ကကောက်ကြောင်းတစ်ခုဆီတိုင်းဟာ အ
နည်းအကျဉ်း ညိုစွေးပြီး တိကျပြတ်သားတဲ့ဘက်ကိုသွား၏။ပို၍တောင် ခံ့ညားနေသေးသည်။ လွန်ခဲ့သော ၁၅နှစ်က ချီမင်းသား၏
ဈာပနကနေ ပျော်ပျော်ကြီးထွက်ပြေးခဲ့တဲ့
ကျစ်ပြည်ထောင်၏ အိမ်ရှေ့စံမင်းသားလေး
ထက် အခုသူ၏ကိုယ်ခန္ဓာထုထည်ဟာ အ
တန်သင့် ပို၍ဖွံ့ဖြိုးနေပြီဖြစ်သည်။ သို့သော်
ရယ်လိုက်တိုင်း လခြမ်းပုံလေးတွေအတိုင်း
ကွေးညွှတ်သွားတတ်တဲ့ အရှင့်သားလုရဲ့
မျက်လုံးလေးတွေဟာတော့ တည်မြဲနေဆဲ။

လော့ချန်းဟာတော့ သူရဲ့အနောက်မှာ မတ်
တပ်ရပ်နေကာ တဘက်တစ်ထည်ကိုလည်း လက်ထဲ ကိုင်ထားလေသည်။သူဟာ လုရဲ့ခေါင်းလျှော်ပြီးခါစ ဖြားလျထားတဲ့ ဆံပင်တွေကိုသုတ်ပေးဖို့ဖြစ်ပေလိမ့်မည်။သူဟာ
အပြာနုရောင် ၀တ်ရုံတော်ကိုမြန်းထား၏။

လုဟာ အဆက်မပြတ် မတိကျမရေရာသည့်
အကြောင်းတွေကို ပြော‌ပြနေ‌ပေမယ့် လော့
ချန်းဟာ ခေါင်းတညိမ့်ညိမ့်နဲ့သူပြောသမျှ
အားလုံးကို အလေးအနက်ထားကာ နားထောင်ပေးလိုက် ပြန်ပြောလိုက်နဲ့ သဘော
ကျနေဟန်ပုံပေါ်၏။