လုမုန် (Completed)

EPISODE (5)

(Unicode)
ညီလာခံခန်းမ။စန်းလနန်းတော်။

ယနေ့လည်း ရှင်ဘုရင်မကြွမြန်းလာလျှင်ဖြင့် ဘုရင်မင်းမြတ် ညီလာခံမတက်တာ ၃ရက်မြောက်ရှိပြီဖြစ်မည်။

ယခင်ကလိုမဟုတ်ဘဲ ညီလာခံအတွင်း၌ အင်မတန်ညံနေလေသည်။စကားသံများ ငြင်းခုံမှုများအရေးကိစ္စအကြောင်းကြောင်းတို့ကြောင့် အမှုထမ်းများအားလုံးရဲ့ ဆွေးနွေးသံတွေဟာ အုံ့ကြွဆူညံနေလေသည်။

ထို့နောက် ရှင်ဘုရင်ကြွမြန်းလာသည်ကိုမြင်လိုက်ရသည်နှင့် အကုန်လုံးတိတ်ဆိတ်ငြိမ်သက်သွားလေတော့သည်။

လော့ချန်းဟာ ရှင်ဘုရင်၀တ်ရုံကို ဆွဲခါလိုက်ရင်း ပလ္လင်ရှေ့မှာမတ်တပ်ရပ်နေလေသည်။

ပလ္လင်ပေါ်တွင်စံစားခြင်းမရှိသည့် ဘုရင်မင်းမြတ်‌၏လုပ်ရပ်‌ကြောင့် မှူးမတ်များဟာခေတ္တတွေဝေသွားပေမယ့် ဆက်ပြောကြသည်။

'အရှင်မင်းကြီး လွန်ခဲ့တဲ့သုံးရက်က အမည်မသိ ၀တ်ရုံဖြူနဲ့မျက်နှာဖုံးတပ်အမျိုးသားတစ်ယောက်က ပုန်ကန်သူလူသားကိုကယ်တင်သွားသည့်ဖြစ်စဉ်ကိုကြားသိပြီးပါ‌ပြီလော'

'အဲ့ဒီတော့'

'အဲ့အမျိုးသားကိုင်ဆောင်လာတဲ့ဓားကလည်း ရှင်ဘုရင်မင်းမြတ်တစ်ဦးတည်းသာပိုင်ဆိုင်တဲ့နဂါးနိုင်ဓားရှည်ဆိုတာရော သိပြီးပါလော'

လော့ချန်းဟာဘယ်ဘက်နှုတ်ခမ်းတစ်ဖက်တည်းကို ပြုံးလိုက်ကာ ရှင်ဘုရင်၀တ်ရုံတော်ကိုချွတ်ချလိုက်လေသည်။

ထိုအခါ အမှုထမ်းများအားလုံးဟာ ခေါင်းငုံ့သွားကြတော့သည်။

'ငါကိုယ်တော်ရဲ့လုပ်ရပ်ကြောင့် မောင်မင်းတို့ကိုဒုက္ခများစေခဲ့ပြီ ကတိဟာကတိဖြစ်တာကြောင့်ငါကိုယ်တော် ထီးနန်းကိုစွန့်ခွာပေးမယ်လတ်တလောတော့ ဆက်ခံသူမရှိသေးတဲ့အချိန်ထိ နန်းချထားပြီး မောင်မင်းတို့စိတ်သဘောကျခန့်အပ်ချင်တဲ့သူကိုရွေးချယ်ပြီးတဲ့အခါ ငါကိုယ်တော်ကိုယ်တိုင် ထီးနန်းအရိုက်အရာကို ချီးမြှင့်ပေးမယ်'

လော့ချန်းဟာ မိမိအပိုင်နဂါးနိုင်ဓားရှည်ကိုပါ
ပစ်ချပေးလိုက်လေသည်။