ضى القمر 💓💓💓

الجزء الثامن.. ❤ل شيماء دويدار ❤

«الَهّمً آغُفُر لَيَ مًآ آسِررتٌ وٌمًآ أعٌلَنِتٌ، وٌمًآ أخِطِأتٌ وٌمًآ تٌعٌمًدٍتٌ، وٌمًآ عٌلَمًتٌ وٌمًآ جّهّلَتٌ»

نورسين
كنت قاعدة في الاوضة اقراء واردي وف نفس الوقت مش عارفة اركز من صوت الدوشة ال كانت في الجنينة كان صوت بنات وولاد صغيرين كانوا عاملين دوشه ما كنتش عارفه اركز في القراءه وبصراحه ضحكهم شدني
ابتسمت بحزن واتمنيت اني اكون معاهم في اللحظه دي فكرت طب لو طلعت دلوقتي لهم هل يا ترى ممكن يستقبلوني ويرحبوا بيا ولا هيبعدوني عنهم وينفروا مني
ما كنتش سامعه صوت شباب او رجاله في الجنينه معاهم بصيت من الشباك من الاوضه بتاعتي شفتهم كانوا بنات واولاد صغيرين كانوا بيلعبوا وما شفتش اي حد معاهم من الكبار فقررت اني اخرج لهم واحاول اني اكون معاهم يمكن يتقبلوني
لبست الاسدال بتاعي ولبست النقاب برده احتياطي لعل وعسى يمكن يجي ادهم ويشوفني فيعلقني على باب الجنينه فاخترت اني البسه احسن ما اتعلق ضحكت على نفسي وعلى اني بخاف من ادهم اللي بحس انه وحش بالرغم من انه كيوت وشيك كده في لبسه وانه وسيم بطريقه غريبه بس بخاف منه وبحس انه وحش مش انسان يمكن علشان معاملته ليا
استغفرت ربنا وخرجت تاتا تاتا كنت بمشي زي السلحفاه بالظبط لحد ما قربت من البنات كانت في بنت صغيره اول ما شافتني قالت للبنات يا ماما في عفريت جايه علينا الكل التفت ليا واول ما شافوني تنحوا ابتسمت ورفعت النقاب وقربت من البنت الصغيره
وقلت لها انا زيي زيك انا مش عفريت انتي اسمك ايه يا قمر
انا اسمي فاطمه وانتي تمر امست ايه
نورسين: هههههههه اسمي نورسين
فاطمه: نوسنين اثاي
نورسين: ممكن تقوليلي نور
قبل فاطمة ماتتكلم شادتها فريال وقالت لي لو سمحتي ادخلي انتي ايه اللي خرجك من الاوضه ما تجيبيش لنا الكلام لان جدو او ادهم لو شافك معانا مش هيسكتوا لنا فلو سمحتي ما تجيبيش لنا الكلام وادخلي اوضتك ويا ريت ما تخرجيش منها
طبعا انا اتنرفزت منها ليه عاوزين ينفوني في الاوضه فقررت اغازهم فرحت قعدت على مرجيحه في الجنينه وقلت لهم انتم لو حابين تقعدوا في مكان تاني أتفضلوا لكن انا هقعد هنا بصوا لي باستغراب وقرف كانوا بيبصوا لي من فوق لتحت لما حسيت ان انا متعريه قدامهم قربت مني بنوته جميله جدا صغيره كانت لابسه حجاب كانت حاطه ايديها على وسطها وقالت لي ممكن تنزلي من على المرجيحه بتاعتي لاني ما بحبش حد يقعد عليها وكمان انتي غير مرغوبه وسطنا فخلي عندك دم وامشي من هنا قرب مننا ولد وقال لها عيب يا مريم ده مهما كان اختك الكبيره
انا اتصدمت معقول دي اختي ابتسمت وقلت لها انتي اختي فقالت طبعا ما ليش الشرف اني اكون اختك انتي مين  اصلا علشان تكوني اختي انتي واحده دخيله علينا
امير قال لها لو سمحت ادخلي الاوضه لان جدو منعنا ان احنا نقرب منك او نتكلم معاكي والنهارده اليوم اللي العيله كلها بتتجمع فيها في الجنينه وبنتغدى هنا فاكيد جدو لو شافك ها يتنرفز وهيتضايق ومن الممكن انه يلغي اليوم ده واليوم ده احنا بنستناه كل اسبوع فارجوكي تبعدي عننا
بصراحه حبيت اعاند معاهم وفضلت قاعده مكاني لحد ما اشوف جدو ده لما يشوفني هيعمل ايه يمكن قلبه يحن عليا ويسيبني مع العيله الكل تجاهلني وفضلوا يلعبوا وانا فضلت قاعده على المرجيحه وبتفرج عليهم وانا مبسوطه لحد ما اتفاجئت باللي دخلوا علينا كانت الرجاله كلها ادهم وادم وبابا وجدو وعمو وعمو انا مش عارفه اساميهم لاني ما اتقابلتش معاهم قبل كده ودخلوا السيدات وهم شايلين الاكل وبيحطوها على ترابيزه كبيره في الجنينه كنت حاسه اني غريبه وانا شايفاهم كلهم بيتجمعوا على الترابيزه مش واخدين بالهم مني لحد ما بابا شافني وقال لي نورسين انتي ايه اللي مقعدك كده
نورسين وهي بصه في الارض: لا يا بابا بس انا قلت اخرج شويه لاني اتخنقت من الكتمه في الاوضه ابراهيم: طب تعالي اتغدي معانا
طبعا كلهم خدوا بالهم لما بابا كلمني فجيت اقوم علشان اتغدى معاهم لاني فرحت بصراحه وكمان كنت جعانه جدا
وقبل ما قرب وقفني صوت جدو: تيجي فين يا ابراهيم اتفضلي ادخلي الاوضه والاكل هيجي لك لحد عندك
قربت منه نورسين: انت جدو صح طب انت ليه مش عايز تقعد معايا مش عايز تكلمني ليه بتبعدني عنهم كلهم طب ممكن اقعد اتغدى انا نفسي في اللمه دي واني اكون وسط العيله انت ليه بتحرمني من العيله الجد بصوت عالي: لو سمحتي ادخلي الاوضه انا عايز اربي احفادي كويس زي ما ربيت ولادي واكيد انتي لسه على ما تاخدي على عاداتنا وتقاليدنا ونعرف ايه هي ميتك يبقى ساعتها ممكن نخلوكي وسطنا لكن دلوقتي مستحيل تكوني معانا
كانت هترد عليه وتقول له انها مش زي ما يظن هي مش زي مامتها وعشان يعرفوا هي لازم تكون عايشه معاهم لكن قبل ما تتكلم او تقرب منه كانت في ايد بتشد في ايديها جامد وبتبعدها وعن العيله كلها كانت بتجرها بشده من ايديها والايد دي كانت ايد جدتها زهره رميتها في الاوضه وقالت لها بغيظ وحقد مالي قلبها: بقول لك ايه ابعدي عن عيالي وعن احفادي اللي امك عملته في ابني وفي عيلتي مش ممكن يتكرر تاني فيا ريت ما تورينيش وشك تاني انا مش ممكن اخليكي وسط عيلتي وصدقيني لازم تمشي من هنا قريب لازم تروحي لامك لانك اكيد زيها
انا اتصدمت من كلامها معقول دي تبقى جدتي خرجت وسابتني بعد ما قفلت الباب طبعا دموعي ما كانتش عاوزه تنزل من الصدمه كنت حاسه اني بحلم معقول في حد كده ومعقول هفضل منبوزه من الكل كده قمت وخلعت الاسدال ونمت على سريري وبالرغم من ان بطني كانت وجعاني من كتر الجوع بس استحملت كنت عماله اتقلب على السرير مش عارفه انام من كتر الجوع وريحه الاكل هنا كانت هتجنني وطبعا بعثوا لي الاكل مع البنت اللي ما كانتش حباني اللي هي المفروض اختي يعني قريبه مني وبالرغم من جوعي بس رفضت اخذ منها الاكل قلت لها مش محتاجاه ويا ريت ما حدش يقرب من الاوضه دي مش عايزه اشوف حد طبعا كنت بقول من ورا قلبي بس كان لازم ابعدهم زي ما بيبعدوني