ضى القمر 💓💓💓

الجزء الثالث والعشرين ❤ل شيماء دويدار ❤

«آلَلَهّمً إنِيَ أسِألَکْ خِيَر مًآ آتٌيَ، وٌخِيَر مًآ أفُعٌلَ، وٌخِيَر مًآ بًطِنِ، وٌخِيَر مًآ ظُهّر، وٌآلَدٍرجّآتٌ آلَعٌلَآ مًنِ آلَجّنِةّ آمًيَنِ.»

نورسين كانت في العناية متوصلةبالأجهزة  بعد مادخلت في غيبوبة.... الدكتورة كارمة هي ال اتولت حالتها
من بعد ماهربت مديحة ومحدش عارف حاجة عن اسرة نورسين او اسم جوزها أو اسم عيلتها

المسؤلين في المستشفي كانو منعين نورسين
تكون عندهم في المستشفي من غير هوية
لانهم مايعرفوش عنها حاجة... بس الدكتورة كارما
قرارت انها تتولي كل امورها وهي طبعاً ال دفعت كل تكاليف علاج نورسين... من حسابها الخاص
كانت حاسة ان نورسين وراها سر
وقرارت انها تعرف كل حاجة عنها
وكمان نورسين كان شكلها مرغمة
علي العيشة مع امها..
كارما بعد معملت السونار لانورسين وأتطمنت علي
البيبي... بصت علي الممرضة: ابقي خلي بالك من علاجها بانتظام ولو حصل اي جديد ابقي
اتصلي بيا علي طول فاهمة..
الممرضة: حاضر بس هو ممكن تفوق ولا مفيش أمل
في حالتها
كارما: انشاء الله تقوم بالسلامة وكمان ابنها هيكون بخير هو لحد دلوقت بخير بس ربنا يسترها
لو نورسين فضلت في الغيبوبة ومافاقتش 
مش عارفه هتصرف ازاي
بس ربنا معاها... وقبل متكمل كلامها كان دخل عليهم الدكتور كرم ال كان مسئول عن حالة نورسين
كرم وهو بيبص لانورسين وهي متوصلة بالأجهزة
ورجع بص لاالدكتوره كارمة: هاه طمنيني علي البيبي
حالته مستقرة ولا في خطر عليه
الدكتوره كارما: الحمدلله لحد دلوقت لسة بخير
بس هي ال حالتها مش مطمناني
الدكتور كرم: انشاء الله هتقوم بالسلامة
بس هي دخلت في الغيبوبة بسبب ضغوطات كتيرة عليها وكمان العملية ال كانت عملاها
كانت كبيره وخطيرة وكانت محتاجة راحة
فترة طويلة.. بس شكلها ماخدتش فترة نقاهة بعد العملية.. وكمان شكلها مكنتش بتاخد علاجها
علشان كده مع الضغوطات النفسية حصل معاها
انتكاسة سببت لها الغيبوبة...
الدكتوره كارما بصت علي ملامح نورسين الدبلانة
وشكلها ال اتغير كتير.. عن اول يوم تشوفها فيه
: ربنا معاها بصراحه انا من اول يوم شوفتها فيه
وانا حاسة ان فيه وراها حاجة مامتها مكنتش
بتعاملها كاأم دي كانت نفسها انها تجهض البيبي
بأي شكل بس انا وقفت لها واكدة عليها انها
ممكن تموت وان انا كنت هبلغ عنها
الدكتور كرم بدهشة: طيب هي فين مامتها دي مش بشوفها ليه معاها
الدكتوره كارما: مش هتصدق مين مامتها
الدكتور كرم رفع حاجب بابتسامة: دي مين مامتها
حد نعرفه
الدكتوره كارما بابتسامة: تبقي الفنانة ميمي
الصدمة بانت علي وش كرم: المزة.. كح كح.. قصدي الحلوة.. ياه قصدي وفضل يمسح في شعره بابتسامة بلهاء... وفضل يبص علي نورسين... وانا
بقول الملامح دي شبه مين
الدكتوره كارما: والله انت مجنون.. كنت من اكبر المعجبين باميمي ومالي أوضتك بصورها
كرم ابتسم وضربها علي راسها مين المجنون يابت
عيب تقولي لاأخوكي الكبير انه مجنون
كارما: مين الكبير انت بتستهبل انت اكبر مني بخمس دقايق بس... وبتفكير عارف انا نفسي
لما اجي اولد واحدة حامل في تؤم بنت وولد
هطلع البنت الأول علشان هي ال تكون اكبر من الولد مش كل شواية يعايرها لاانه اكبر منها بدقايق
كرم:انتي هبلة بشكل... وبجدية.. مقولتيش ليا هي ميمي مش بتيجي لبنتها ليه
كارما: كل ال اعرفه وسمعته انها سافرت
وسابت البلد حتي مخدناش منها معلومات عن نورسين ومنعرفش غير ان اسمها نورسين
ومين جوزها او فين اورقها معرفش
كرم: علشان كدة خلتيها تحت مسؤليتك
كارما هزت راسها بالموافقة: بجد انا حبيت البنت دي من اول مرة شوفتها
كرم وهو خارج من الاوضة: انشاء الله تفوق ونعرف منها كل حاجه يلا سلام بقا عشان عندي نابطشية النهارده
كارما بصت علي الممرضة: متنسيش علاجها
تدهولها في الميعاد بالظبط
وخرجت كارما علي امل ان نورسين تفوق قبل
ميعاد الولادة...