ضى القمر 💓💓💓

❤الجزء الثالث ❤ل شيماء دويدار ❤

انصدم ابراهيم من الذي يسمعه من نجوي
ابراهيم في زهول: يعني ايه مش فاهم انتي تقصدي

ايه بالكلام اللي انت بتقوليه ده معقول انا عندي بنت وما اعرفش انتم سامعين اللي انا سامعه كان بيسال ابو ه. واخواته باستغراب ولدهشه معقول انا عندي بنت وكمان مريضه وبتموت
نجوي بترجي: ارجوك يا ابراهيم تسمعني انا هبعت لك كل. التحاليل بتاعتها وكل شيء يخصها بس ارجوك بسرعه لانها بين الحياه والموت هي ما تعرفش ان انت موجود كل اللي تعرفه ان انت متوفي انا هحكي لها كل حاجه عنك
ادهم: طب واحنا هنتاكد ازاي ان هي فعلا بنته
نجوى: انا عندي كل الاوراق اللي هتثبت هبعتها لكم على الوتس هتوصلكم حالا
الكل كان في صدمه بعد ما سمع الكلام اللي قالته نجوى
الجد:  هتعمل ايه يا ابراهيم في المشكله اللي حصلت دي معقوله هترجع لنا بنت مديحه واكيد طبعا تربيتها واكيد معروفه هي ربت بنتها ازاي هي طول عمرها شايفه نفسها وبعدت عننا وعندنا عداتنا وتقاليدنا اكيد بنتها زيها مش معقوله واحده زي دي هتطلع بنتها حاجه تانيه

الكل كان معترض على ان تيجي نورسين لبيتهم او حتى ابراهيم يسافر لها ويتبرع لها او يعرف حاجه عنها لكن ابراهيم اعترض وقال: انا لازم اساعدها وهجيبها هنا تكون وسطينا نعلمها عادتنا وتقاليدنا وهعايشها  احسن من العيشه اللي هي عايشاها مع. امها وبص ابراهيم لادهم وادم وقال لهم انا عاوزكم تساعدوني واحد فيكم هيسافر معايا علشان يترجم لي اي كلام انا مش فاهمه وكمان يسال الدكاتره اللي زيكم ويعرف لي ايه هي حالتها بالظبط وايه المطلوب مني اني اعمله واي تحاليل قبل ما اسافر لازم اعملها ضروري النهارده قبل بكره نظرا لابيه انا اسف يا حاج بس لازم اكون معاها دي بنتي مهما كان وانا عارف نجوى عمرها في حياتها ما هتكذب عليا اما مديحه فانا هتصرف معاها لانها بعدتني عن بنتي

ادهم:  حاضر يا عمي انا كل حاجه هتتم النهارده ان شاء الله وديني الباسبور بتاعك علشان احجز لك وانا هسافر معاك بس لازم تعرف ان احنا مش ممكن نتقبل بنت زي دي
الكل كان معترض علي وجود نورسين بالذات لما عرفوا ان ناني الفنانه المشهوره هي امها فاعتقدو انها اكيد زيها واكيد فنانه زي ديت بلبسها الخليع واخلاقها والمعروفه وسط الناس كلها انها عمرها ما هتربي بنتها زيهم في حفظهم القران الكريم وصلاتهم اللي ما يقدروش يفوتوها وايمنهم الكبير بالله واحده تربيت الغربه اكيد هتكون مختلفه عنهم

♕♕♕♕♕♕♕♕♕♕♕♕♕♕♕♕♕♕♕__

اما عند نورسين كانت حالتها متدهوره وطلبت من نجوى انها تدفنها في مصر لو حصل لها حاجه وانها مش معترضه على قضاء ربنا وان ده نصيبها واللي ربنا كاتبه لها هي راضيه بيه فضلت تردد اللهم لا اعتراض فضلت تقول  الله لا اله الا انت سبحانك اني كنت من الظالمين يا رب انا مش معترضه على قضائك
قعدت جنبها نجوى وهي بتمسح على شعرها كانت تبكي بشده نجوى قالت لها هتعملي العمليه ان شاء الله وفي سر لازم تعرفيه
نورسين باستغراب: سر ايه ال لازم اعرفه
نجوي: اللي لازم تعرفيه وكان لازم تعرفيه من زمان ان باباكي عايش ما ماتش زي ما أنتي كنتي عارفه ناني هي اللي عايزاكي تعرفي ان باباكي مات لكن هو في الحقيقه عايش
نورسين بصدمه: مش فاهمه حاجه يعني ايه عايش يعني بابا عايش وموجود في الدنيا وانا سايبني لوحدي يعني عايشه العمر ده كله وانا لوحدي حتى لما اكون لوحدي فضلت تعيط وتتشانف بصوت عالي مش ممكن يكونوا في حد كده امي قريبه مني وبعيده عني في نفس الوقت وبابا عارفه ان هو ميت وهو موجود في الدنيا طب انا ايه ذنبي جيبني ليه في الدنيا طالما هم مش عايزيني مش محتاجيني في حاجه ليه معذبني وبعدين عني