ضى القمر 💓💓💓

الجزء السابع والثلاثون ❤ل شيماء دويدار ❤

«ربي أوٌزٍعٌنِيَ أنِ أشُکْر نِعٌمًتٌـــــکْ آلَتٌيَ أنِعٌمًـتٌ عٌلَﮯ وٌعٌلَﮯ وٌآلَديَ وٌأنِ أعٌمًلَ صـٰلَحًآ تٌرضـٰهّ وٌأدٍخِلَنِيَ بًرحًمًتٌکْ فُيَ عٌبًآدٍکْ آلَصّـٰلَحًيَنِ»

꧁꧁꧂꧂

حبايبي 💗 كل سنة وانتم طيبين ♥عيد سعيد عليكم وعلى الأمة الأسلامية
اسفة على التأخير بس فعلاً غصب عني
اتمنى لكم اجازة سعيدة وعيد اضحي مبارك عليكم
🐑🐏

*
*
*
نورسين كانت قاعده على البحر.. مع نجوى
من بعد مارجعت نجوى من المانيا
ونورسين استأذنت من جدها
وطلبت منه انها تقعد معاهم كام يوم
كانت نجوي نقلت سكنها في اسكندرية
من بعد ماعامر قرر يشتغل في مصنع للحلويات
في اسكندريه واسلام دخل كلية الهندسة...

اسلام كان شايل انس وعمال يرميه في البحر
وانس كان فرحان بالماية وسعيد لأن اسلام بيرميه كل شواية وكمان سايبينه براحته يلعب في الرمله والمايه من غير ما حد يبعده عن لعبه في الراملة
زي ما بيبعدوه عن العب في الطين
نجوى كانت ملاحظه ان نورسين عينيها على انس بس في عالم تاني مش حاسه باللي حواليها
نجوى: نورسين يا حبيبتي مالك سرحانه في ايه ليه كل التفكير ده دايماً من يوم ما جيتي وانتِ معانا بجسمك بس تفكيرك كله مش معانا فيكي ايه
يا حبيبتي فضفضي لو ما كنتيش هتحكي لماما نجوى هتحكي لمين
نورسين اتنهدت ومسحت دمعه نزلت
من عينيها: مش عارفه يا نوجا ليه
حاسه بالذنب من بعد وفاه ماما
حاسه ان انا السبب في اللي هي كانت فيه
انا كل شويه افكر هو انا لو كنت قربت منها او حاولت وعملت المستحيل
اني اكون قريبه منها
واني اساعدها تقرب من ربنا
وتبعد عن اللي كانت فيه
مش يمكن كان انصلح حالها
وممكن كانت تفضل معايا لحد دلوقتي
انا حاسه ان انا السبب في كل
اللي هي كانت فيه انا فعلاً انسانه وحشه
هو انا ليه كنت ببعد عنها ليه ما كنتش
بحاول اقرب منها ليه ما حاولتش افهمها
وافهمها الدنيا ماشيه ازاي والحياه عامله ازاي
نجوى: يعني انتِ فاكره ان احنا ما حولناش معاها يا بنتي مديحه كانت الدنيا لاهياها عن كل حاجه من صغرها وهي شايفه الدنيا هي حياتها
مش مهتمه بالاخره ربنا سبحانه وتعالى
عطاها الصوت الجميل والشكل الجميل جداً
ابوها الله يرحمه كان فرحان بيها و بجمالها
وبصوتها الجميل كان يقول... بنتي هتطلع منشده دينيه بصوتها الجميل ده وان ربنا سبحانه وتعالى عطالها نعمه هيفضل طول حياته يشكره عليها بس للأسف مديحه استغلت جمالها وصوتها في حاجه ابوها ما اتمناهاش لها ولما عصيته
وخرجت عن طوعه مات وهو غضبان عليها حتى جدتك امها ماتت وهي غضبانه عليها
عملو المستحيل معاها علشان يرجعوها عن اللي في دماغها بس للأسف كانت فاكره ان جنتها هي الدنيا
ولسه بدري على اخرتها
واديكِ شفتي لما الدنيا اديتها ظهرها ومرضت بمرض المفروض تقرب منه من ربنا سبحانه وتعالى اللي عملته انها انتحرت وده شيء ما يرضيش ربنا سبحانه وتعالى ما تفتكريش ان انتِ السبب يا نورسين يمكن تكوني سبب بس في انك بنت صالحه تدعي لها طول حياتك... ادعي لها بالرحمه يمكن ربنا سبحانه وتعالى يتقبل منك انتِ انسانه صادقه ومؤمنه بالله واكيد عارفه ان مش انتِ السبب في اللي حصل لها...
ما تشيليش نفسك ذنب مش ذنبك ويا ريت ما تشيليش جوزك وعيلتك ذنب موتها هما
ما لهمش اي ذنب في موتها... هي الكانت سبب في ازيتهم كلهم في حجات انتِ ماتعرفهوش عن مديحة
وسيبي الطابق مستور يانورسين
نورسين: ازاي هما ما لهمش ذنب هما
مش قادرين يسامحوها بعد ما ماتت حتى كانوا شمتانين في موتها بدل ما يواسوني كانوا فرحانين ومبسوطين وكانهم في فرح وتقولي لي اسامحهم وان هم ما لهمش ذنب انا مش ممكن اسامحهم بعد اللي عملوه معايا
نجوى بنرفزه وضيق: انا نفسي اعرف ايه الهما عملوه معاكي الناس قبلوكي وسطهم
و رحبوا بيكي وعاملوكي احسن معامله وجوزوكي ابنهم بالرغم من اللي مديحه عملته معاهم واستقبلوكي احسن استقبال عايزه منهم ايه تاني مديحه ما سبتش حاجه حلوه علشان خاطر يغفروا لها او يسامحوها عليه وانتِ تقولي لي مش مسامحاهم اتعدلي يا نورسين انا صبره عليك من ساعه ما جيتي ومش عايزه اتكلم معاكي او اجرحك او اضايقك اللي انتِ بتعمليه ده غلط لازم تحترمي اهلك وتعامليهم كويس تحترمي جوزك
ادهم شاب كويس وانا ملاحظه
انه بيحبك بس هو بيكابر شويه
نورسين قامت من على الكرسي ولبست النظاره والكاب: انا هروح اشوف ابني احسن اسلام مبهدله في الميه
نجوى: اهربي اهربي كل ما اجي اكلمك في موضوع ادهم تهربي انا هفضل وراكي لحد ما ترجعي عن دماغك الناشفه دي
نورسين سابتها ومشت وصلت لحد اسلام ولسه هتشيل ابنها اسلام اخده منها وجرى
نورسين: اسلام ما تستعبطش هات انس انت شايف بهدلته ازاي حرام عليك انتم من الصبح في الميه الولد هيتعب كده
اسلام بضحك عالي: انتِ مالك ومالنا احنا رجاله مع بعض ده صديقي الصدوق مش بنلعب مع بعض ومبسوطين انتِ ايش دخلك ابعد ي عننا كده وسيبينا براحتنا
نورسين فضلت تمشي وراه وهو يبعد عنها