ضى القمر 💓💓💓

الجزء العاشر ❤ل شيماء دويدار ❤

«اللَهّمً آنِفُعٌنِيَ بًمًآ عٌلَمًتٌنِيَ، وٌعٌلَمًنِيَ مًآيَنِفُعٌنِيَ، وٌزٍدٍنِيَ عٌلَمًآ ًيَنِفُعٌنِيَ» ﷼

طبعا الجد طلب من العيله كلها انهم يدخلوا البيت لان الناس ابتدت تتفرج عليهم الكل دخل
كل العيله اتجمعت في الصاله اما السيدات فكانوا في المطبخ هم والبنات والاطفال الصغيره كانوا بيلعبوا في الجنينه
نورسين كانت في حضن نجوي مش عايزة تسبها لحظة
كانت سعيدة وحست ان سعدتها ماكتملتش غير لما عائلتها الحقيقية رجعت لها
في المطبخ كانت النساء جالسة بالقرب من الصالة يستمعون لما يحدث في الخارج كانت والدة ادهم تتمني ان تخرج نورسين من المنزل بأي طريقة فهي لاتطيقها بسبب مافعلته بها مديحة في الماضي
شيرين بحزن علي سلفتها: ريم انتي لسة مانستيش ال حصل معاكي من مديحة
ريم وهي تمسح دموعها: لو كنتي مكاني كنتي ممكن تنسي حاجة زي دي
فريدة اخذت ريم في احضانها وهي تبكي على حالها: ياحبيبتي مانتي كنتي نسيتي وعديتي المرحلة دي من زمان
ريم بحزن: من اول مالبنت دي دخلت حياتنا وانا الماضي كله وال حصل من امها كأنه كان النهارده البنت دي لازم تمشي من هنا بأي طريقة دي حيه زي امها ممكن تبخ سمها علينا في اي وقت
انا عمري مانسي ال عملته معايا مديحة زمان دي خلت الناس كلها في البلد تتكلم علي وعلي شرفي دي كانت السبب في موت أمي مقهورة عليا انا مش ممكن اسامحها هي ولا بنتها

ادهم كان داخل المطبخ يجيب الضيافة سمع امه وهي بتبكي وبتحكي عن ال حصل معاها من مديحة
اتصدم من الكلام ده لانه اول مرة يسمع عنه
حس انه عايز يولع في مديحة ونورسين في الوقت ده
واتندم لانه اتجوز نورسين وقرر انه لازم يطلقها في اقرب وقت قبل ماأمه تعرف وتغضب عليه لانه عارف زعلها وحش
اتنهد ادهم ودخل المطبخ وهو مبتسم لاأمه ال بسرعة مسحت دموعها علشان ميشوفهاش وهي بتبكي
ادهم: ايه ياأجمل نساء العالم مفيش حاجة للضيوف تشربها ولا ايه
وقفت شيرين بسرعة: ازاي يادكتور ثواني وكل حاجة هتكون جاهزة
ادهم: ياريت ياخدو البلوة الجوة دي معاهم
فريدة: ياريت ماحدش طياقها وبالزات لا نها شبه ال ماتتسمة مديحة
ريم باأسي: يعني انت مش عارف جدك الحاج مش ممكن يابعدها عن العيلة تاني
ادهم: بس انا هكون وراها لحد ماتمشي من هنا وترجع لاأمها
ريم بفاجعة: ادهم ابعد عن البت دي اياك اسمع انك اتكلمت معاها فاهم
ادهم بلع ريقه وبصوت غير مسموع ده انا هتفرم لو عرفت اني متجوزها يارب استرها عليا
فريدة: بتقول حاجة ياأدهم
ادهم باأبتسامة: لاء مش بقول حاجة ياحماتي الا فين فريال مش شايفها
فريدة: عندها محاضرة وقالت انها هتتأخر
اوماء لها ادهم واخذ الصينية التي بها العصائر والحلويات التي احضرتها شيرين
وضع الصينية علي المنضدة الموجودة في وسط الصالة وقبل ان يضايف الموجودين وجد نورسين تأخذ الصينية وتضايف كل الموجودين وبدائت بجده وانتهت به والتقت اعيونهم لمدة ثواني ولاكن كانت وكأنها مدة طويلة تنحنح ادم الذي كان يجلس بجوار ادهم حتي احست نورسين بالاحراج وجلست بجوار نجوي