ضى القمر 💓💓💓

الجزء الواحد والعشرين ❤ل شيماء دويدار ❤

«سبحان الله.. والحمدلله.. لا إله إلا الله.. ولا حول ولا قوة الا بالله العلي العظيم»

                          ✿✿✿✿✿

ادهم كان هيتجنن من اللي نورسين عملته
ادهم مسك الجواب وطلع من المستشفى.
الكل كان عمال ينادي عليه علشان يقعد ويستنى ويشوفوا ايه اللي مكتوب في الجواب بس ادهم ما سمعش لحد
ركب عربيته وبسرعه كان ماشي بيها مش عارف فيأي اتجاه كان ماشي وفين هيروح
او هو رايح فين اساساً.. بس كان كل تفكيره في خيانه نورسين وانها ازاي عملت فيه كده
وهو ازاي أمن لواحده زيها.. كل شكوكو وظنونه كانت في محلها
فضل يأنب في نفسه ان هو سمع  لقلبه وما سمعش لعقله اللي كان دايماً يحذروا منها ومن خيانه مديحه لعمو معقول.. معقول هيفضل كده زي عمو بالظبط يعني كده هم الاثنين هيعانوا بسبب الحب
فضل يضرب في الدركسيون
ووقف العربيه على جنب
ادهم فتح الجواب اللي كان مكتوب فيه

الي بابا..
انا نورسين اسفه يا بابا على اللي انا عملته
بس انا مش بحبك ولا بحب العيلة دي
انا بحب ماما وبس
ارجوك تسامحني
انا ما اقدرش اعيش العيشه اللي انتم عايشينها
انا زي ماما بحب الحريه مش بحب التحكمات
وانتم كنتم بتتحكموا فيا
حتى في جوازي من ادهم احنا الاثنين مش بنحب بعض وبالرغم من كده جوزتونا لبعض ورافضين ان احنا ننفصل
انا مش ممكن ارجع يا ريت ما تدوروش عليا
لان فعلاً مش حابه اكون معاكم
انا حابه اكون مع ماما هي الوحيده اللي حاسه بيا انا كنت فاكره اني لما اكون معاكم هكون مبسوطه بس للأسف انا ما كنتش مبسوطه وانت كنت دايما مبهدلني وما فيش حد حاببني في البيت وده كله بسبب امي بالرغم اني انا ما ليش ذنب في اللي هي عملته معاكم
..الي أدهم..
وانت يا ادهم انا اسفه انا عارفه ان الجواز كان على ورق واني لسة بنت... فأكيد هتجوز  واحد يحبني واحبه وانك ما حبتنيش وبتحب بنت عمك مريم هامريم حبيبت قلبك
ومش بتحب وجودي أصلاً في حياتك كده كده
فما فيش حاجه تربطني بيك يعني انت كنت في حالك واناكنت في حالي كل واحد يعيش حياته اللي هو محتاجها انا عارفه اني لخبطت لكم حياتكم كلها بس كان غصب عني من بعد بابا ما جاء وساعدني بعد ما كنت تعبانه وبين الحياه والموت كنت حابه اعيش لحظه الابوه واني اشوف عيلتي بس للاسف انا ما كنتش مرتاحه فا يا ريت ما تدوريش عليا يا ريت يا ادهم تطلقني في اقرب فرصه 
من نورسين....

ادهم ما انتبهش لاي كلمه في الجواب كل اللي هو انتبه ليه ان نورسين سابتهم وهربت لكن ما قرائش الجواب واللي مكتوب كويس فيه
أدهم طبق الجواب وحطه في جيبه ومشي بعربيته علي البيت وقرر ينسي نورسين
للأبد..
••••••••••••••••••••••••••••••
في المستشفى بعد ما الضابط ياسين حقق مع الممرضه وعرف ان نورسين أجهضت وهربت بأرادتها وحقق مع اللي كانوا في المستشفى مناوبه ليليا فاتأكد ان نورسين خرجت لوحدها
وان الموضوع ما فيهوش خطف ولا حاجه
كل اللفت انتباه ياسين ان أدهم متجوز نورسين واستغرب طب فريال تبقى ايه بالنسبه لاأدهم
هو قال له انه خطيب فريال... ده ايه الخبطة دي
انا هخليها علي الله وانشاء الله لو ربنا كتبها تكون من نصيبي فهتكون ليا انشاء الله ♥تكون ليا