"Gunman." Llanzo call as him enter mi Mountain View family yard.
"Yow dawg. " Mi answer putting on mi shoe.
"A must ball di g a guh to pussyclat."
"Dawg extra yuh fuck." Mi laugh.
"Di man a ready from morning. And all now di man cah done."
Wi guh a watahouse last night a Maxi Fabulous Grand Market Bash. Wi neva reach back till afta four dis morning. By yuh say who dat mi haffi reach a view fi mek sure everyting good. Fi di annual treat fi di kids deh wah a gwan now, before mi left fi country. Dance a Pineapple hardly miss mi a year time.
Cause if mi nuh guh fi nutthing mi haffi past through fi one face.
Den Christmas breakfast a Jack Hill up a mommy with di family Candice mi lickle sista and Anthony- Tony mi step-fada. Mi memba wen a pan di flat it use to gwan, but Tony buy mi mada a house a few years back a Jack Hill. Move har ova a Mountain View.
Anthony- Tony Cadman is like a second fada to mi. Mi fada get shot wen mi tun five Clifford Gonzalez. Nuh memba much fi tell yuh fi truth, just dat a good youth like everyone say. Tony tek up mi mada with di two a wi a year afta. Me five and Candice one year old. And him neva let wi down eva since. Married mi mada tun har inna Maureen Rivera Cadman and try him best fi gi har di world to dis day.
She now run off four Mini Mart a Mountain View. And two a Half Way Tree.
Although a neva waah easy ride and nuh think It ago eva be...man mek sure di ting solid.
Anthony been Don fi Mountain View from mi a youth. Him mek sure di place govern. Bout seven year aback him decide say a mi fi run off di grung. Say him a get old and a watch him health. Find out last year say him sick with kidney stones.
Neva did a pree nuh Don man ting still big man talk. All mi did a focus pan a fi building mi weed business and how fi bingo outta it. Do sum investment and fuck up couple property.
But wen mi pree how much di man sacrifice fi mi and mi lickle sista. Mi couldn't disappoint di g, cause a di one fada wi grow fi know. And man treat wi like him own or nutting less.
Tony did wild inna him early days. Name get call pan pay belly, but end up none a neva fi him. Suh wen him meet mi mada him say him decide a it dat. Lock it dung quick and fast ring and bay tings. And mi respect him fi dat.
Suh from dem time deh everyday man put in di wuk. Ensure di place govern and nuh loose endz.
But man busy yuh fuck from morning. Afta mi left uppa mommy deh. Stop ova mi yard a Cherry Gardens grab two suit a clothes. Suh mi cah ready from down yah. Clothes down yah, but yuh done know a Christmas and a different setting. And man have fi clean pan a next level.
Den have fi ensure say di chef, everyting, and everybody good. Know man haffi keep di juggling in di community. And wi deh yah suh now. A left mommy and Candice fi do di maths. Candice say she did waah fahwud a country. But she decide last minute fi just build back wid Kia har two years old son. Cause wi been ago country from wi yeye deh wi knee. Suh she say one year nah kill har.
"Dawg mi ready right now."
"Bredda she ago still see yuh even if yuh nuh wear a tuxedo." Him laughs.
Llanzo Ramirez aka Lans mi Bredda from day one. Mi right hand man know di nigga from basic school day. And him neva drop guard.
"Fuck off, if mi nuh see Kens mi good."
"Suit yuhself."
"Yuh nuh message har wah day a ask har if she a fahwud down suh fi Christmas."
"Mi a stop show yuh certain pree enuh...dat mi a tell yuh."
Step outside inna a Nirvana light brown graphic shirt and a black Canada Goose cargo pants wid mi light brown, white, and black Air Jordan One sneakers. Ready fi di road... di a pree a Clarks or a Kickers wid jean, but dat feel like everyday setting.
Oops! This image does not follow our content guidelines. To continue publishing, please remove it or upload a different image.
"TROUBLE." Ghana mi second say from cross di road above di music.
"BUMBOCLAT MAN CLEAN." Coppa call.
"Yow uno nuh badda stay di fuck ." Mi laugh.
"Yow at time fi move enuh."
"Yuh see how him move, pay hurry now enuh." Lans laugh.
Ten seventeen good timing fi tek on di road. Cah reach a Pineapple wid inna hour and half base pan traffic.
Mek sure everybody good, man dem strap, liquor lock and weed deh deh. Nuh smoke since mi bout twenty...realize a nuh really my ting. But mi always mek sure di man dem good.
Coppa, Biggs, Bones and Troy jump inna di black Mark X wid two girl think a Troy and Biggs woman dem. Meanwhile Me, Lans, Ghana, Blingaz and Blingaz girl head fi mi white BMW X7.
Oops! This image does not follow our content guidelines. To continue publishing, please remove it or upload a different image.
Turn up sum Jquan ....Bogus ready fi bun up road. ________________________________________ Guess everybody heading to Pineapple Ocho Rois for the Christmas. Just feel like a sum bogus a beat go country.
