GENAHSYDE. -A Jamaican Love Story.

ZIDANE!

Pick up sixty dismantle guns a Kingston Wharf Newport West Kingston dis morning wah smuggle inna few TV and few more appliances.

Just fi hear say di shipment a Seaboard Wharf inna Freeport a Montego Bay cah pussyclat find. Disappear inna bumboclat thin air. Seven dismantle gun in three tv sets...twenty-two inna a barrel from Miami. Git up and pussyclat walk off di fucking wharf.

Last week a one hundred kilogram (five hundred pound) a weed guh missing same speed a Bay. Place haffi guh get fucking grimy.

Pick up mi phone and knock Ghana, him fahwud a bay yesterday wid a few mad head. Only fi hear say di shipment cah find. Cah get mad pan him, cause a nuh fi him fault, but mi just fed up star.

"Bossy."

"Y chop?"

"Link Marksman and him a say. Di man dem down yah know betta deh fi fuck wid yuh. Suh maybe a from fi wi end orda a cum from."

"Pussyclat. Ah stay put ...soon link yuh back. Keep yuh yeye open ...pree every movement. "

"Grung."

Dial Lans him pick up pan di second ring.

"Russian."

"Wah e maths?"

From one ear hear yuh know every man get knock.

"Yuh waah know say Joyce son a show mi a vibes say Budha and Ashdem man dem a link now, cause him see dem a issue out sum hand gun and magazines round a Bull yard di morning...a say a new ketch."

"Dat coulda fahwud from any weh. Unless..."

"Wi have a mole."

"Link Ghana, tell him fi check who wuk last night see if wi cah connect dat. And check weh every man deh from week ...every pussyclat move. Soon like yuh back Kens a link mi."

"Kens."

"Babes ...Mel, Doctor Chadwick and sum more a wid ago out fi drinks afta work k."

"Kens mi cah deal wid di right now enuh. And mi spirit nuh tek dah doctor bwoy deh enuh."

"Zee not dis again. Just did a mek yuh know still." She hang up.

Ring har back she answer pan di third ring.

"Nuh be rude."

"Zee yuh start it."

"Kens mi hand full right now. Just nuh badda wid di fuck."

No answer. Know she vex, but now a nuh di time.

"Lata wi deal wid dis."

"Kens?"

"K." She whisper.

Mi wah fling di pussyclat phone through di windshield. Lata mi deal wid dat mi sigh.

"Yow." Mi link back Lans.

"Man dem check out suh far enuh. But a bwoy name Omar dem say di a wuk. New to di place, but link wid one a di Ashdem man cousin Soupy."

"Hear wah get di locate pan dem. Wi a mek a militant move pan dem. Mi waah di Ashdem man dem, link couple more a di man dem tell dem gi Budha dem a page stay speed and link mi back."

"Nuh say a wud."

Di burna hot ...mi link back Knowledge.

"Hear wah yah do. Grab di Omar youth and tell Marksman get di slaughta house ready. Ah mash a works deh forward a bay."

Inna life yuh haffi do di do ...mek decision quick and fast. Always know wah yuh waah and right now mi waah blood.

More while yuh need fi hole a medz ...operate wid a cool head. But nuh today shipment been a guh missing. And mi been a hole it fi di peace.