Ask Kens inna di middle a di week wah she waah do fi di weekend.
She say she good with whatever mi have in mind. Suh mi decide fi carry har a one a mi villa a Ocho Rois fi cool out fi di weekend. Five villa pan di coast, three inna Ochi, and four more a Bay.
Lans cum ova last night fi gi mi a cut. Him been a cut mi hair as long as mi cah rememba. Maybe mi a all him first client. Him bring Mel wid him, cause she say she waah see Kens. Lans look happy, say deh a see weh tings guh. Gi him a chat say fi memba a Kens bestfriend. And if him fuck wid har ...Kens problem become mind suh if him nuh waah it nuh fuck wid it just because him can.
Kens braid dem eva neat suh she been a do mi hair since she move in (she might nuh know dat, but dis a har yard now). Suh mi mek she drop two cornrow inna it last night.
Saturday morning and Kens gone a supermarket although mi tell har she cah guh weh wi fahwud from country. She say she nuh like left di house empty ...Kens empty cah tan.
Fahwud a View see wah di man dem a gwan wid and warn dem like sum pussyclat pickney, cause more while dem nuh know fi bill.
"Hail up mi girl deh fi mi." Uncle Sunny say. As mi a get ready fi cut.
Uncle Sunny and Kens have a good relationship. Him see har fi him regular check up now. And Kens eva a gwan bout dem conversation. Kens have a soft spot fi him ...fi old people pan a hole.
"Nuh say a wud Sunny Bwoy."
Reach back home and Kens inna di kitchen a pack out a million and one grocery bag ...my woman dat.
"Yuh nuh left nutting fi nuh body." Mi kiss har pan har forehead.
"Little much." She laugh.
"Pack di car mi ago bathe. Den wi can head out."
"Cah bathe wid yuh?" Mi hug har from behind.
"No Zee. Wi nah guh reach." She push pan mi.
"Just a lickle piece ...plus it still early. See twelve fourteen."
"Zidane Gonzalez..." She say giving mi a know look.
"Arite..." Mi say. As she peck my lips.
"Now goooooo."
"Yes boss." Mi smile.
Mi bossy lickle baby.
"A live yuh ago live." Mi call out to har.
"Why yuh need a suitcase fi two day Kendra?"
"A girl has needs Zidane." She says. Entering di living room.
"Likewise a man." Mi say. Looking down pan mi front. Seeing har inna har black tights set...thick yuh fuck.
Oops! This image does not follow our content guidelines. To continue publishing, please remove it or upload a different image.
"Yuh wi live." She smile.
Kendra decide pan a white pin unda top (bodysuit she say), blue jeans shorts and har pink and white Air Jordan One sneaker. Mean while mi drop on a black jogger pants, black fitted tshirt and sum blue and white Air Jordan One sneaker, cause why not.
