Fi di pass week feel like mi world a cave in. Feel like mi haffi a fight fi stay a float. Drive pass Kens house how much time like a sick fucking stalker. Tell Ghana fi stay pan har every move cah left mi woman head back open inna di street suh.
Reach a di office and a try get sum work done but jah know di focus nuh deh deh. Mi waah know if she eat, how har day ago, if she good, if she waah anyting. Just waah hear har voice.
Pick up mi phone and ring har ...di phone just ring out.
Wuk it is mi guess. As an entrepreneur, yuh haffi find yuh own path... both fi yuh work and personal life. Yuh cah stop wen yuh feel tired, yah fi stop wen yuh done. Yah fi wuk hard inna silence and keep yuh success to yuh self. Cause a nuh every pussy happy fi yuh.
Know say behind every successful person is a lot a unsuccessful years. Sumtimes wen yuh follow yuh dreams, it open doors fi others to ...fi be able fi follow fi dem to. Entrepreneurship a nuh just bout yuh still. Yuh nah guh be able fi fulfill yuh dreams wid out di help a otha people...a strong team.
While yuh a following yuh dreams, mek sure yuh nuh fi get bout di people who help yuh reach deh. Find out a wah fi dem dreams and goals be and help dem accomplish dem to.
Just know say sumtimes di hardest ting fi open is a close mind still.
Di country club a bay look good, but di Kingston one a gi mi a fight. Mek two call and decide fi check in pan di stock market. Cah be yuh average Don... man ting haffi diversify.
Mi start mi "exit strategy" by investing most a mi profits inna acquisition, construction a legal companies, legal cannabis trade (moving away from the illegal trades as much as mi can) and properties like villas, night club, etc. Family business extend pan mommy mini mart chain a business. And even politicians, churches and schools fi increase quality a facilities and otha local companies.
Inna every business mi buy low and sell high. Wen a government create a black market by prohibiting a substance, it create a artificially inflated price, due to di risks it add through law enforcement, which creates artificial scarcity. Suh a drug dealer or dealer typically expect fi roughly double dem investment everytime.
Although mi a nuh suh much a drug dealer. Mi a more a di head a organization a nuff drug dealers. Controlling di seller and buyer a di highest level and often di manufacturing.
Just know man big pan mi investment Real Estate, Trades, Exchange-Traded Fund, cryptocurrency, Investment companies, Stock market and more. Cause di money haffi flip anyways yuh tek it.
Love fuck wid di stock market still di best way fi avoid permanent loss is fi own a diversified portfolio.
Real Estate to decide pan di type of property, di amount yuh a invest, link up wid real estate investment network, calculator property, find di right property and close pan it easy as dat.
Investing a good way fi grow yuh money base pan yuh risk tolerance and time horizon. But nah knock it.
Di burna ring and mi just know a fuckry time.
"Chat to mi."
"Jeff wife just link Biggs a say man from Di Bloods dem have har husband unda gun point outta him restaurant at Jarrettson street. Say dem use a black Mark X fi block off traffic near Jarrettson street, fi ensure smooth get way. Say five more pull up outside di restaurant inna two car Axio. Three gunman inna di restaurant and two outta front a stand lookout and waving gun pan passersby. Wah di wud?" Ghana say.
Pussyclat dis neva ago done.
Jeff own a big restaurant out pan di front deh fi years and di neva gwan.
"Ah watch dah style yah. Link Coppa, Knowledge, Boysie, and Blingaz. Uno haffi move throw di back yard leave nuh pussyclat stone unturn."
"GRUNG!" And di line dead.
Di iPhone fourteen pro max cum to life and Kendra name appear...mi heart skip a beat.
"KG..." No answer.
"Babes yuh deh deh?"
" Ah ....yea. Mi car won't start. Was wondering if yuh could send yuh mechanic friend."
"Nuh say forty. Stay put."
Hang up and link Bones quick and fast, head out to mi car ...ago get mi woman.
"Bredda."
"Hear wah gwan. Kens car a fuck it self waah yuh get two man and forward a di address mi send yuh guh pick it up...a head out deh now. "
"Ah nuh say a wud."
Wen my baby call nah fi think twice.
Reach inna record time park beside har SUV inna di lot.
See har a di entrance a chat to a dark youth.
Him nuh love him life.
As mi get out she say sumting to him and walk towards mi.
"A who dat?"
"Zee mi ask yuh fi send yuh friend. Just need him tek di car and mi get a taxi are sumting."
She sound like a mad rass woman.
"Who dat Kens?"
"That's my boss...Zidane yuh not hearing me..."
"Suh mi nuh think yuh boss a waah old nigga?"
Him get fi see mi woman everyday not a pussyclat . From mi see him mi know him waah fuck har. Wonder if she cah get har own practice?
"We not doing dis here."
She walk ova to har car and start empty it yuh woulda think she live in deh.
"A market yuh a cum from ...fuck yuh need suh much bag." Mi joke taking dem from her.
Bones forward gi him di key tell him fi handle him business.
Sidung in di car mi tek in Kens inna har pink scrubs.
Oops! This image does not follow our content guidelines. To continue publishing, please remove it or upload a different image.
"Fuck yuh suh pretty." Mi ask har...no answer.
Tek a Arizona she a drink and start drink it.
"Stop gwan like yuh nuh miss mi. And wi nuh done talk bout yuh wuk man."
Less dan ten minutes Kens knock out. Pray mi a nuh di cause fi har lack a sleep.
Suh mi do one ting mi shoulda do long time...tek her home.
My home....Our home. _________________________________________ Another one...am having so much fun writing this book. Especially Zidane's pov... getting into character is really cool. Btw it's a task picking music so bear with me.
