From mi fahwud from country almost every night mi ride out di monster. From mi a grow mi have a different love fi bike. Mi memba Tony get mi a dirt bike fi mi seventeen birthday and been a burn up road eva since. Get dah Ducati Monster twelve hundred R bout three years now, six hundred a di maximum fi fahwud inna di country. But done know man nuh give a fuck bout dat. Tek on di toll two night straight now, cause mi nah lie frass yuh fuck. Just waah clear mi head and fi tek on a long lonely road to nowhere really help. Kendra might feel like mi a push har weh, but mi brain a do hundred.
Oops! This image does not follow our content guidelines. To continue publishing, please remove it or upload a different image.
Everytime mi think bout di stunt Blingaz pull pan mi woman. Mi heart hot mi fi har and mi just waah rip off him fucking head literally. Nuh trust nuh body right now ...a pree everybody. Mi know everybody fear mi including friend and family, but how di fuck people get di idea say Kendra nuh fi fear to. Once she a link wid mi she automatically become untouchable ...di fuck.
Carry Kens guh di gun ranch dis morning. She neva like di idea, but right now a nuh wah wi like. How di fuck mi a buss gun pan di pussyclat daily and mi woman fi nuh know wen safety on or fucking off? Haffi wuk pan dat, suh a couple more session mi know she cah wet a man if needed. She haffi strap at all times now to, cah have nuh lose end.
And mi know two twos mi woman a top strika mi smile to mi self.
Oops! This image does not follow our content guidelines. To continue publishing, please remove it or upload a different image.
Jubba link mi nuh much long say Blingaz deh pan di endz. Been a week now since everyting guh down, but if a one ting ...mi nuh wilding people.
Pulling up a View and inna di car fi bout ten minutes now. A watch di man dem pan di front a hole a vibes inna di Saturday yah. Blingaz have on a big white plasta unda his right eye and a plasta inna him head. Mi laugh to mi self know she a fighta ...she have it inna har...top strika. But pan a serious note mi ago mek him fuljoy him last drink, cause Blingaz cah breathe one more pussyclat day extra.
"Wah wi a celebrate?" Mi ask di man dem as mi fahwud from outta di car and cross di road.
"Life enuh mi g." Knowledge answer.
"But haffi."
"Pussyclat like di man guh war and fahwud." Mi say to Blingaz.
"Yuh waah know say is a bwoy mi haffi lick inna him face a treez."
