GENAHSYDE. -A Jamaican Love Story.

ZIDANE!

Wet up Dexta and him goons dem, but Kevin tek on di watas ...but dat a quick maths by morning.

Di seven lickle girl and two lickle bwoy good just shake up. Have Coppa and Biggs a do drop off. Mek dem know say di parents dem haffi guh mek sum hospital visit...quick check up, cause wi couldn't loud up di ting.

Pan mi way back a View to four mi check mi phone. Just a message from Blingaz lickle afta eleven wid a account number (dawg nuh have nuh account wid dah bank yah) and two message from Kens afta one. Know she been a putting di wuk fi the restaurant mi shake mi head. But sumting bout the second message nuh sit right wid mi.

Zidane: Babe yuh up?
Zidane: Wah yuh mean mi bwoy wilding?

Nutting...fuck.

"Gas." Mi tell Lans.

Reach View inna record time and di front empty, but dat natural know di g dem a see every movements. Buss di gate and head inna di house, but now mi head chip. Kendra laptop and paper dem deh grund, the couch look like people been a fight, a vase bruk up a grund and blood deh pan di couch and grund.

Reach fi di smith and wesson m&p nine mm pan mi belly mi run upstairs. Buss di door no Kendra, check di bathroom no Kendra. Mi a try mi best fi stay calm, but mi waah tun di hole pussyclat house up side down.

"Pussyclat a wah gwan?" Lans ask fahwud inna di room.

"Check pan Uncle Sunny." Mi tell him and guh out back pan di front.

"Knock di man dem."

Mi ring Kendra phone straight to voicemail...fuck.

"Boysie and knowledge a fahwud." Bones say as Jubba fahwud from outta him yard.

"Uncle Sunny knock out." Lans say.

"Ah."

"Weh Blingaz deh?"

"Nah get him mi g." Ghana say.

"Man say him have di yard, suh Boysie and knowledge tek on di road. And mi guh check pan Candice, cause she nuh feel good cause a di baby." Jubba say.

"Baby?"

"Fuck ...yea ...Candice pregnant again."

Like mi bloodclat head ago explode. Every man deh yah now except Blingaz and di man dem wah a do di drop off.

"Suh Kendra nuh deh yah and di last message mi get from har say mi bwoy a wild. Who else guh inna di house?" Mi ask calmly.

"Pussyclat...a just Blingaz enuh mi g." Knowledge say.

"Knock him again."

"Voicemail." Ghana say.

"Yuh think him have har bossy." Bones ask.

"Nuh ask mi bumboclat fuckry Bones."

Ring har again voicemail ...Blingaz Blingaz Blingaz if a yuh suh pussyclat fool fi touch Kendra ...mi rassclat ...mi laugh.

"Every pussyclat corna a View ...if wi haffi search di hole fucking Jamaica den a dat a gwan tonight."

"Jubba yuh have di grund nuh mek Uncle Sunny and Candice see nuh movement. And congratulations pan di baby mi g ....yah good youth and uno a big people. Just know wi deh yah fi uno stay speed."

"Respect bredda."

"Lans link Mel and see if she know anyting, yuh know how fi keep it."

Mi and Ghana a driver ova a hour and half now look up a di house ...every weh and nutting. Worst pussyclat part she neva waah stay. Inna life afta yuh do di fuckry yuh realize yuh mistake. Whisper a quick pray to di man above fi mek she push through. But mi mek him know mi cah promise fi spare di hand wah touch har.