GENAHSYDE. -A Jamaican Love Story.

ZIDANE!

Masicka -Darkest Times

A week ago mi fahwud from Bay and go try link Kens afta Trinika gwan wid har fuckry.

Plan fi stay a har gate di hole night until she decide fi let mi in. But Troy link mi say movement pan di grund inna di night deh.

Pussyclat.

Do suh boops and fahwud a View. Di man dem ago mek mi know say drive by gwan ...Budha man dem. Ben yuh fuck say nuh man nuh drop. Knock two endz get fi find out sum a dem deh Sligo Road a celebrate dem win as dem see it. Check di fact stay speed, cah man nah tek nuh bait up. It line up suh pistol pan belly mi, Troy and Knowledge guh wet dem up quick and fast nuh long chatting.

Saturday mi say mi ago page Trinika, man dem say she cut from Friday she and har friend. By mi fi say who dat mi get wud say di bwoy dem mek afta Boysie man a fahwud from town. Pussyclat hole week body a drop yuh woulda think a Afghanistan. Since Budha and Ashdem man dem stay link man dem feel dem ting up drop bout twenty body from week.

Send Troy go pick up a package a treez Friday night. Di dawg link mi say him feel dem a trail him. Know mi shoulda mek Blingaz or Bones fahwud wid him cova him head back. But a pree say a just a fast move plus all guns needed a View. Wrong pussyclat move mi mek, tell him ah nuh say forty ah send two a di mad head dem just keep yuh head dung.

Fuck by di dawg reach a New Kingston dem wet him up. Ova thirty bloodclat rounds di man get to pussyclat. And dem waah show dem strength man dem drop off the body a View. Buss every pussyclat head inna did delivery car, but Shabba Budha leada smart enough fi send him goons dem alone.

Nah wilding nuh man Shabba head haffi buss before the week done. Lose dah battle deh, but haffi win dah war yah by any means nessecary. Hole pussyclat clique mi a tek out. But cut up how di man dead and a mi mek di last call. Pussyclat man just get him second youth. Now dem ago grow wid out a fada, cause a one fuckry play. But if a one tings once mi a blow breath mumma and di youth dem fully cova. Haffi guh link har today to and the rest a di family. Afta everyting gwan a View last night mi just cut to how mi head fuck up.

Kens nuh deserve nuh a dis, she deserve sum lifestyle wah she get five star treatment pan di daily. Feel like mi just a keep disappoint har by di fucking minute. A nuh mi intention, but a just di life mi live.

Waah call it quits more while, but dat a mi biggest weakness; cause she a mi greatest strength. Mi lifestyle been dark from mi know mi self. Mi walk sum dark part inna mi life time and do sum dark tings wah yuh wouldn't think fi imagine. Mi nuh deserve fi Kendra even tun di black a har yeye look pan mi. But mi selfish yuh fuck wen it cums on to Kens, knowing say betta life out deh fi she live.

Before mi and Kens tek tings to another level. She a di one person mi coulda call three inna di morning and she pick. Other dan di man dem inna di circle, cause dem haffi deh pan dem Ps and Qs a all times. But wid Kendra it different she wid stay pan di phone till morning if she haffi . And she neva yet complain, cause we just know wi have one another back to di last. And last night a di only face mi waah see and di only person mi waah fi hold mi. Mi keep on a lose people close to mi, dah year yah been di kindest suh far, but through everyting is like mi find Kendra and she mek up fi everyting and everybody mi lose ...is like she a mi Guardian Angel.

Once mi have jah and Kendra inna mi darkest a times...just a gwan push through.

Kens roll ova and look up pan mi.

"Hey." She whisper.

Fuck mi miss har.

"Mi wake yuh?"

"No ...need fi get up anyway. Yuh sleep?

"Get lickle sleep yea."

"How yuh feeling? And please don't say yuh good Zee."