GENAHSYDE. -A Jamaican Love Story.

ZIDANE!

Kendra cum outta har yard and Lans nudge mi shoulder. Him neva haffi, cause mi been a watch har gate like a sick fucking stalker hole night.

She fahwud and me spend bout ten minutes straight just a tek har in.

She a have on a blue cargo pants wah hug har hip and showcase har fuck me figure, wid a black top wah sidung pan har, pair wid sum neat white sneakers. One ting bout Kendra she always fashionable, never see har and she nuh look fuckable.

Everytime mi see har she get thicka and thicka. Mi always a trouble har bout how she use to maaga wen she a grow.

Kendra a one a deh small human deh. She about five foot two or three di most. But it just fit har...lickle and neat yuh fuck. She have a small waistline, wide hips and a fat round ass sidung back a har as a thickas, cause she nuh slim no more. And everyting just guh wid har light complexion. Mi few shade lighta dan har, but har brown a just di right brown...clean yuh fuck.

Tonight she wear a ponytail, but mi love see har wid har tall soft nature hair wah frame har face. Show off har perfectly arch eyebrows and sweeping eyelashes. Wah bringing out har beautiful small brown eyes.

If a one ting Kens love har piercings. Last time mi check she have eight total, gi har a different unique look. Always a fuck wid har fi nuh fuck wid har dainty nose. Say she good wid di ears. But if mi eva decide fi love har di right way one day she fuck up some part more private.

Kendra have a killa smile. Wen she smile it mek yuh waah empty yuh bank account dem gi har and har smile dem genuine.

Deeven talk bout har heavenly looking soft lips dem...bet dem taste strawberry sweet.

Kens have a soothing sugary voice. Nah lie coulda listen to har hole day and nuh tired.

To mi Kendra Garcia flawless. She a di most humble and compassionate person mi know.
She have a bouncy radiant personality mi really fuck wid.

Har beauty remind yuh a waah art piece inna a gallery, wah a only fi di eyes and nuh fi touch, because it fragile and one of a kind.

And she know she extraordinary. She know har worth and wah she stand fah, she know wah she possess.

And dat why fi years mi nuh fuck wid har medz. Cah mi know she deserve suh much more dan mi ...a menace to society. My life and fi har just nuh guh...and mi nuh waah fuck up har life wid fi mi fuck up one.

But tell yuh di God truth wen it cums to Kendra mi selfish yuh fuck. And dats why mi a pree different fi di new year.

Do or dead.

"We going somewhere?"

"Yuh want to?" Mi turn inna mi car seat admiring har.

"No, just cause..."

"Yah fuck with mi medz from night. Suh mi haffi get yuh one away. "

"Zee mi just cum outta door. "

"Been a fly pan di wall hole night." Mi laugh.

"Fuck mi cah believe say yuh deh yah. A country mi haffi cum fi see yuh?"

"Cut di crap. Between your busy life and your mad woman. Wah she name Trinidad. Mi just hole mi corna." She laugh.

Kens and har dramatic comedian self ...always a mek mi laugh. Trinika a mi ex or a girl mi use to fuck on and off fi lickle ova a year. Bruk tings off about two three month now. Did a try wid har, but see say she nuh wah nutting outta life. Ghetto life she know and dats all she waah. Di mix up, war war and di loudness. She nuh represent wah mi stand fah...cah wife batta ear. All Trinika wah do a sidung and chat people business...nuh time fi elevate. Mi nuh deh pan dat...lilly dung mi ting. Yuh fuck!

"Kens yuh know mi and har nuh deal again."

"And on to di next?"

Know wah she a fahwud wid.

"Cum on Kens. Yuh know mi nah do yuh dat. A di man dem woman...deeven know who a fi who."

Neva bring a gal cum a Pines or Cherry Gardens certain place sacred to mi. And knowing Pines a Kens place mi nah do har dat. Nah cah nuh gal cum a country, dis a fi har yard ...nah mek she feel nuh way inna har own place...yuh must a rassclat mad.

Cause all di blind and a new born baby cah see wah gwan between wi.

"Zee it's your life. Cah tell yuh who fi talk to."

"And mi a tell yuh ...yuh have a say inna it"

"Why though? "

"Cause wi have sumting different, and nah allow nuh body fi fuck dat up."

"But still yuh have to live yuh life. We have to life our lives."

"And mi waah dat wid yuh."

"Zee wi talk bout dis already."

"Say wah?"

"If we cross this line, there's no going back. And if it doesn't work out it'll fuck with me on a different level."

"And yuh nuh think it woulda fuck wid mi to? Kens mi watch yuh grow...yuh know how much fuck year mi wah dis...yuh."

"And nutting nah guh guh wrong. Mi wi ensure dat."

Wen yuh waah wah yuh waah. Yuh willing fi lie to yuh self and di next person just fi get wah yuh waah. But a nuh fully lie just dat mi willing fi dead trying fi gi har di universe.

"Zee I can't do dis. Fuck up our friendship for what thing to fail?"

"If you neva try yuh nah guh know Kens."

"Maybe it's easy for you not having me in your life, but I need you to be there. You give my life meaning Zee. "

"Kens yuh nuh know di impact yuh have pan mi. If yuh send mi fi di fucking moon now mi gone."

"Wi mean suh much to each other. Suh why nuh give it a try?"

Kendra is di biggest cry baby and mi see It cumming. Mi nuh want scare har weh or mek she feels pressured. But cum like she a drive mi mad and mi cah hold it much longa.

"Kens just think bout it."

"I will." She whisper.

Pull har inna mi arms across the center console, mi inhaling her sweet smell.

Mi waah dis. Mi waah she. Mi waah us.
_________________________________________
I really like this chapter. How about you?

Thank you for reading.
Please drop a vote if you enjoyed this chapter.