GENAHSYDE. -A Jamaican Love Story.

ZIDANE!

Dis week been calm. From Sunday wen sum bwoy from Denham Town stab up a pastor wah a fuck off di lickle pickney dem. Heard say him touch one a di youth lickle bredda and a pay fuckry gwan afta.

Page di youth dem a town. Understand wah gwan, but a di end a di day a fi mi yard di fuckry gwan inna. Nuh waah nuh man feel like dem cah just run in and out a dis.

Page di pastor bwoy stay speed mek him know him haffi lift up from bout yah. Woulda buss him head quick and fast to, but mi gi di man above dah one yah.

One more day before Kens fahwud and mi nah tell nuh lie. Mi cah cope wid out har. Worst she upset wid mi ova sum fuckry. Even though she link mi everyday know wi nuh good.

Hardly sleep a yard dis week. Just gwan hole a medz a View.

Yesterday a did Uncle Sunny seventy two birthday suh yuh done know wi di haffi hole a vibes fi di young bwoy. And tomorrow a Candice one same way. She a say is a small ting a keep, but dat woulda be history. Kens di wah fahwud, but a just suh it guh and Candice understand di pree.

Deh pan di front a View just a gwan build back wid di man dem. Days like dem yah nuh cum often suh wi just run wid it wen wi get it.

"Dawg wen mi wet di bwoy yuh think a ant net him inna." Biggs say.

"Nuh suh mi see di bwoy Frankwell a chat bout him buss any head any weh mi laugh to pussyclat. See Liverlip wet him two box wah day yah man piss him pants to rassclat." Troy laugh.

"Yuh nuh see dem a idiot, nuh know weh dem cum from a push badness." Coppa say.

Wid weed and wray and him nephew a pan fuckry dem chat. But a mi bredda dem still neva born wid nuh, but God still nuh short change mi.

Uncle Sunny walk out a di shop and hand mi another cold guinness.

"Mi girl nuh plan fi cum back."

"She soon fahwud man ...Saturday."

If a one ting wid yah suh people mek it dem point a duty fi know people business. Once one ear ketch it dat gone.

"She bring a different kinda light wid har enuh." Him say. Light up him ganja spliff. Nuh badda tell dem man yah bout smoking.

"Mi know man har energy one of a kind."

"She good fi yuh ...nuh know bout yuh fi har still. But di heart know di story it waah write." Him smile.

"And mi nah fight it." Mi laugh.

"She bring out di best inna yuh. Mi memba dah lickle Zee yah."

"Good ting find yuh if yuh just wait sum times enuh."

"Same way mi bwoy."

Uncle Sunny have a good heart yuh cah show him any vibes wid out him judging. And him eva have a encouraging word. Think maybe dat why him and Kens love one another suh much. But a nuh sum body fi ramp wid still, wen dem man yah head chip him slap out yuh face inna second. Man just a fulljoy retirement now still. But nuh mek di age fool yuh rise a Beretta nine mm quick and fast if a bwoy feel like him live too long.

"Dis a rassclat zutupeck yah. " Him say. Getting up going inna di shop.

Follow him eye mi see Trinika and har bestfriend Chloe a walk cum up di road like dry land tourist. Pussyclat cah get a break from life.

She and Uncle Sunny could neva see eye to eye ... neva fight it, cause mi know a neva nuh great a gal.

"Fuck."

"Blingaz mi nuh hear say a yuh a fuck di Gad left ova." Boysie laugh.

"Dawg dash weh dat." Blingaz say.