GENAHSYDE. -A Jamaican Love Story.

ZIDANE!

Everytime mi touch Pines mi get a nostalgic feeling. Pineapple Ocho Rois a really mi second home. Dis a weh mi mada cum from. She left down here fi a betta life guh live wid one har aunt. Meet mi fada and end up a view.

If a one ting wen wi small as school say holiday Easter, Summer, Christmas anyone wi mada say country. As di place get loud... country. Anytime mi haffi fuck up sumbody, wah a did regular ting... country. And mi granny at di time she neva mind. She just glad fi see har grand pickney deh.

Fuck up mi medz wen she drop out, but it cum wid di age.

Now mi Uncle Jimmy run off di yard and the lickle shop outta front. And mi aunty dem bout di place rally round mek sure di place govern...Mommy same speed.

Touch down inna Pines and pussyclat it's like mi fi got wah gwan a Christmas time. Di crowd get bigga and bigga every fucking year. Miss Charmaine a di big woman bout di place. And mi always haffi pay mi respect.

Har cause yuh waah har daughter?

Cah pass through di place and nuh hail har up.

Wi stop a Uncle Jimmy shop, wid mi grand mada house just beside it bling out wid Christmas light and bay tings. Mi like how dem set up di place still, know granny a smile down.

"Bloodclat a who dat? Don?." Uncle Jimmy say as mi step outta di car and approach di shop.

Hail bout fifty man before mi reach di shop. Cause di rating strong down yah. Sum man know di schweppes, sum just assume and sum guh by hearsay, but it nuh phase mi...dat a dat.

"A bay tings yuh gwan wid enuh Jim bwoy."

Everybody call Uncle Jimmy "Jim bwoy" cause man say forever young.

"Yuh scarce like gold."

"Easy nuh man, yuh know how tings guh."

"Nuh say a wud mi son, everyting good though?" Wi hail up one another.

"A hold it enuh."

"But have to."

"Yuh big as yuh want to be enuh. Always memba dat enuh."

"Easy nuh Jim bwoy."

Jim bwoy hail up di man dem. And wi get talking bout di crowd.

"Rahtid a who dis? Zidane?" One a mi aunty call out.

"Aunty Lynn. Wah gwan?" Mi hug her.

"Bwoy yuh dash mi weh sah."

"Yuh love talk foolishness enuh."

"A true man. How mi sista?"

"She good enuh."

"Yuh know she work with har spirit enuh, she say next week. "

"Maureen dat from wi small."

"Aunty Sharon put up already? "

"No sah ...Sharon? She deh bout di place. "

"Oh. You good though? "

"Cah complain mi bwoy. "

Somebody call har name and she excuse har self. Knowing har she wi chat mi di whole night.

Gwan easy back wid a Guinness. Tek in di scenery til mi ready fi touch inna di square. Lans,
Coppa, and Biggs gone a square, cause di girl deh say deh want check out di party.

Suh di rest a man deh fall back, nah left mi head back open.

"Strainjah."

Fuck!

Mi know dah voice deh. Zara.

"Suh a dat mi tun now?" Mi turn facing har.

"You treat mi bad."

"Nuh say dat man."

"Hear yuh pass through how much time and yuh not eva link mi."

Zara is just a quick fuck wen mi pass through. But kill har dead one day she a tun wife to pussyclat.

She nuh ugly, but cah say a di prettiest gal mi fuck. And nutting nuh special bout di pussy. But nah guh lie still di head game bad yuh fuck.

Wen man pass through and want a quick buss off. Mi link har a nuh nutting special. Plus she eva a look it... suh di fuck eva cost mi. Nuh mind dat still but just a say.

"Babe yuh know a must fast move mi deh pan."

"Suh how bout a quick brains." She whisper inna mi ears.

Tell yuh eva a hustle. As she mention it mi a think a nuh wah bad move inna di night ya.

Lans: MOVEMENT!

Fuck Kendra!

Signal Ghana ova fi a fifty pack and slide Zara.

"Maybe next time." Mi whisper inna har ears.

Time fi see wah gwan a square or somebody.
_________________________________________
The Zidane and Kendra link up next? What's gonna happen?

Zidane name loud inna di street -King!

Thank you for reading.