يا سجون الدار أفتحي أبوابك مثل ما فتحتي قلبي لـ جمان .

PART « 9 »

« الدمام »
توترت وهي تسمع أصوات أخوانها من وراء الباب وهم ينادونها
الهنوف بخوف : أخـ ـوانـ ـي!
راكان : تبيني أفتح الباب و أقولهم ولا أختفي بس بشرط تتزوجيني لمدة سنة كاملة وطبعا بصرف عليك وعليهم
الهنوف بدأت تشـاهق وهي تتنفس وبدون تفكير : طيب طيب موافقققه بس تكفى روووح أختفي
راكان : عندكم أي شباك مافيه حدايد؟
الهنوف : في الغرفة إللي باليمين
راكان : حلوين يلا سلام وأكيد بيكون بيننا تواصل
الهنوف وهي تتوجهه للباب تنتظر راكان يروح عشان تفتح لأخوانها ، من راح فتحت لهم
أنفال بحلطمة : سنة!
الهنوف برجفه : مـ ـعـ ـليش كـ ـ ـ ـنت أطـ ـبخ
ياسر مسك يد أخته بدهشة : شفيك ، ياويلي قاعدة ترجفين!!!
الهنوف : أي عشاني شوي مصدعه المهم بروح أكمل طبخي
أنـفال : أي بالله وربي جعنا
ثم راحت الهنوف تكمل طبخها و ياسر شاك بوضعها .
'
-
« القصر »
تجهـزوا حفيدات آل فـالح لأن اليـوم حفلة تقديم جُمان
دلال بـ حقد : يعني كان ضروري هالحفل! مال أمه داعي بعدين حتى حنا باقي للأن ما شفناها
وداد : شفيك أنتِ أعوذ بالله أصبري تراهم أمس واصلين يعني ما بيطيرون!
نجـلاء : صادقه أنتِ هدي بس
دلال : يصير خير المهم أنا خلصت بنزل
رغد دخلت عليهم بكل حماس : بنات شرأيكم؟؟
وداد قامت من كرسي التسريحة بذهول : واووو رغوده
نجـلاء بأبتسامة : تهبلييين
دلال : عسسسللل يا ناس عسسسلل
رغد بـ نرجسية : أكيد مو غريبة علي أصلاً
الـ بنات ناظروها وهم يضحكون سوا .
[ تحت في الصـالة ]
دخلـوا أحفـاد آلـ فالح يسلمون على جدهم و خـوالهم وخالاتهـم
فيصل : السلام عليكم
الـكل : وعليكم السلام
أم غيث : ياليت عيـالي بعد يتزوجون
أم عبدالعزيز بضحكة : الله يكتب لهم الخيـر
فيصل : لا مابي أتزوج يا زين العزوبية بس
غيث : كذاب! هذا أكثر واحد يبي يتزوج بس كان ينتظر عبدالعزيز أول هـهـهـهـهـة
فيصل ضرب غيث على وجهه : ورع لا تكذب!
بنـدر مد فنجانه لأمه : أمي خذي صبي لي قهـوة
قـاطعهم دخول غانم مع عيـاله غسان و أمجد
غانم : السلام عليكم جميعاً
الـكل : وعليكم السلام
فيصل وهو يحضن أمجد : يا هلا بـ صديقي
أمجد : أهلين فيك
غسان : وأنا لا سلام ولا كلام؟
فيصل وهو يحضن غسان بـ ضحك : هـهـهـهـة تعال أنت
أم مريم : يلا يا عيال أطلعوو برا دور البنات يجون يسلمون
غيث : وراه نطلع!
فيصل : كل وحدة تجي بـ عبايتها لازم يعني نطلع!
أمجد : صادق فيصل
الجد فالح : يلا أنت وياه خل الكلام الزايد
بندر : حاضر ، يلا يلا أنت وياه
ثم طلعو برا الـ خمسه مكشرين ، بعدها دخلو البنات .
'
-
« جناح »
« عبدالعزيز »
قبل سـاعة دخلو الهيرستايلس والمكيب أرتست يجهـزون جمان ، رغم أصرار جمان بالرفض إلا أنهم جهزوها بغاية الجمال ، فسـتانها كان باللون البـنفسجي بتصميم هادئ مميز مع فتحه بالرجل و شعرها ويفي مسدوح على ظهرها .
دخل عبدالعزيز وهو يكلم على الجـوال و بيده تقارير من عمله وكان ناوي يلبس و ينزل يسلم على خـواله لكن! شـافها بكامل زينتها و جمالها الطـاغي و تنح فيها لدقايق نسى أنه يكلم على الجـوال
عبدالعزيز بـ سرحان : يــ ـساتـ ـر
الشخص إللي يكلم عبدالعزيز : الووو يا ولد تسمعني؟؟
عبدالعزيز فز : هاه معك معك
الشخص : زي ما أتفقنا طيب؟
عبدالعزيز بعجله : طيب يلا سلام
قفل الخط وهو يناظر بـ جمان إللي ما أنتبهت لوجوده وهي تناظر بـ شكلها بـ المرايا بتمعن ، قرب منها وهو ما يشوف غيرها ، أنتبهت جمان له من أنعكاسه بالمرايا وإلتفتت بتوتر
جمان : جدك بالغ بـالفستان ذا!
عبدالعزيز : أحم ملابسي أنـ ـا وين؟
جمان : شدراني أنا يمكن جوا
[ أشرت على غرفة الملابس ]
عبدالعزيز دخل الغرفة وهو يناظرها وهو مذهول .
[ الطـابق الأرضي ]
دخلـوا البنات يسلمون على خالاتهـم و خـوالهم
أبو بندر « سعيد » : ماشاءالله تبارك الرحمن
الجد فالح : يازين البنات
رغد : الله لا يحرمنا منكم يارب
وداد بحركاتها المعتادة : مين أحلى وحده؟؟.
الجد فالح : كلكن حلوات
وداد : تكفى قول محد بيزعل
أم دلال « خديجة » : كلكم ماشاءالله حلوات يا بنات
قـاطعهم عبدالعزيز وهو يتنحنح قبل ما يدخل ، لمن سمع كلمة « أدخل »
دخل عبدالعزيز مع جمان وهذي أول مرة من جاءت جُمان يشوفونها بشكل واضح بدون غطاء
عبدالعزيز : السلام عليكم
الجد فالح : وعليكم السلام
ثم قربو يسلمون على رأس الجد فالح
جمان من شافته يقوم عشان يسلم : أرتاح لا تقوم
يد جمان قبلتها و يد عبدالعزيز قبلها
الجد فالح : الله يحفظكم و يجعلنا نشوف عيالكم
عبدالعزيز و جمان ناظروا بعض من كلمة « عيالكم »!
بينما عبدالعزيز و جمان يسلمون على الكل كانو البنات يعلقون على جمان
رغد : ذي هي يا بنات شرأيكم؟
نجـلاء بذهول : واو صراحة توفقـتوا بالإختيار!
وداد : جددد ماشاءالله واضح هاديييه و ناعمة
دلال بـ حقد : وربي أنها عاديه بس أنتو تبالغون!
نجـلاء بأنفعال : ذي عاديه؟؟ ماشاءالله كاملة والكامل الله
دلال : عبدالعزيز أحلى و وسيم يستاهل وحدة مثله بعدين ذي جايه من ديرة مهي متطوره
رغد : لا تنسين أننا عشنا و كبرنا في ديرة! حتى عبدالعزيز جاء من ديرة وإذا عن التطور تتعود علينا و تجي أحسن مننا يكفي الأخلاق
دلال : ماشاءالله رغد! أشوفك صايره بصف زوجة أخوك
رغد : ماني بصف أحد
نجـلاء وهي تشوف جمان جايه بـإتجاههم عشان تسلم ناظرت بالبنات عشان يسكتون .
تقدمت جمان من البنات تسلم عليهم بأخر ركن بالصالة وكانو متغطيات
جمان بهـدوء : كيفكم
نجـلاء بأبتسامة : الحمدلله ، أنتِ كيفك عساك أرتحتي؟
جمان : الحمدلله
وداد مدت يدها تصافحها : أنا وداد
جمان تصافح يدها بمجاملة : أنـا جمان و تشرفت ياقلبي
نجـلاء : وأنا نجـلاء
جمان : عاشت الأسامي
رغد ناظرت بـ دلال إللـي كانت ساكته وما سلمت على جمان : وذي دلال بس هي صماء ما تتكلم اليوم!
دلال بغيض : وجع بسم الله علي منك! أنا دلال
جمان : أسمائكم تهبل يا بنات ماشاءالله
نجـلاء : من ذوقك
قـاطعها صوت عبدالعزيز وهو يناديهـا : جمااان
جمان تنهدت وإلتفتت له بغيض : نعم؟
عبدالعزيز : تعالي!
جمان ناظرت البنات : عن أذنكم
ثم مشت لـ عبدالعزيز بدون نفس
جمان : نعم؟
عبدالعزيز : أجلسي جنبي
جمان : لازم يعني!
عبدالعزيز بسخريه : لا لازم تجلسين بحضني ، أجل؟؟
جمان وهي تجلس بعيد عنه بـ شبر مغصـوبة : وقـح
عبدالعزيز بـطريقة مستفـزة قرب منـها يلصق فخذه بـ فخذها ، جمان شهقت وعلى طول قامت برعب
أم غيث بأستغراب من شـهقتها و قـومتها : بسم الله عليكم يا بنتي شفيك مو مرتاحة؟
عبدالعزيز غطا وجهه يضحك من قلبـه على ردة فعلها
وجمان تنـاظره بـ حقد ، ثم رفعت عينها على مريم
جمان : لا بـ ـس حسيت بـحشرة جنبي عشان كذا
دلال بـرفعة حاجب : يا حبيبتي أنتِ بقصر من وين بيجي حشرات! إلا إذا أنتِ جيتي وجبتي حشرات الديرة معك
رغد بـ صدمة : دلال!!
جمان فهمت قصد دلال و بنفس أسـلوبها تكملت : حشرات الديرة ما فيـهم زود بنهاية ربي خلق بعض البشر بس بتفكير الحشرات والعكس
عبدالعزيز أندهش من طريـقة كلامها : جمان! أجلسي يلا
جمان تجـاهلته وهي تتقدم من مريم [ بحكم أنها أكثر وحدة أرتاحت معها ] : خالتي وين الحمام؟
أم غيث : أطلعي و تلاقينه على اليمين
جمان أبتسمت : شكراً
من بعد ما طلعت جُمان من الصالة ، أم عبدالعزيز متفشـله من الوضع إللـي هي فيه ومن زوجة ولدها وخايفة أن الحريم يمسكونها زلة عليها ، قام سعيد أبو بندر يستأذن عشان الرجال وصلو عند الباب ، قام معه الجد فـالح وكل أولادهَ و الحريم تضبطو على السريع عشان الحريم إللي جـو .
[ دورة المياة ]
طلعت جمان و وقفت قدام المـرايا عشان تعدل شكلها
و تستجمع نفسهـا ، غمضت عيـونها وهي تفكر بـ ضيق
" محد حبني هنا!
أحس أني ثقيلة عليهم!
ليش ياربي ليش وربي ما أعترض على قضائك بس أنا كنت معززة مكرمة في بيت أهلي والحين؟؟
يارب رجعني لأهلي يارب أنا أنظلمت وربي لأسامح أخوي على ظلمه لي بس خليهم يسامحوني و يرجعوني ياارب ".
قاطـعـهـا دخول عبدالعزيز وراها وهو يمسك خصرها ويشدها عليه
جمان فتحت عيـونها بخوف : بـ ـ ـعد
عبدالعزيز بعد شعرها عن عـنقها وقرب شـفايفه من أذنها .
دخلو الحريم و بدؤوا يسلـمون على بنآت آلـ فالح
أم قصي « وحدة من الحريم » : مبروك عساه زواج الدهر
أم عبدالعزيز : الله يبارك فيك
شادن « زوجة قصي » : وينها العروس؟
أم عبدالعزيز ناظرت بـ رغد : رغد روحي نادي جمان تجي
رغد هزت رأسها و راحت لـ دلال : دلال بالله روحي نادي جمان أنا مشغولة قاعدة أصب القهوة
دلال : شدخلني أنا أروح أناديها!
رغد بترجي : دلال يرحم أمكك
دلال بـ نرفزه : ياليل طيب
[ دورة المياة ]
تجمدت بمكانها وهي تشوف أنعكاسه بالمرايا يقرب منها!
قرب عبدالعزيز من أذنـها بـ همس : يازين الـ زين بس
جمان برجفه واضحه عليها : وربـ ـي لأصـ ـ ـرخ! بـ ـعد
عبدالعزيز وهو يشد جسمها أكثر له : إذا صرختي بتشوفين شيء ما يسرك
جمان غمضت عيـونها و جفنها يرتجف و بدأت شهقـاتها تطلع لا إرادياً ، أنتبه عليها عبدالعزيز و بلحظة ضعف دفهـا
عبدالعزيز صد عنها : روحي لأكفر فيك
جمان مسحت دمعتها إللي طلعت منها لا شعورياً
و ركضت برا بسرعـة و وقفت من شافت دلال تناظرها بعصبية
جمان ببحة : دلال؟
دلال بـ غضب : الحريم ينتظرونك يلا!!
جمان بهـدوء : طيب
[ مجلس الرِجال ]
دخل عبدالعزيز و سلم على أخوان جده أبوفـالح
عبدالعزيز بـ هيبته : عساك بخير يا عم ناهد؟
الجد نـاهد « أخو الجد فالح » : الحمدلله أنت كيفك ومبروك يا عبدالعزيز عساه زواج خير
عبدالعزيز : الله يبارك فيك
أبو قصي « ولد الجد ناهد » : منك المـال ومنها العيال
ضحكو كلهم من ضمنهم عبدالعزيز
فيصل : أمين أمين
الجد ناهد : عقبالك يا فيصل واضح تبي الزواج
فيصل : نصيبي جاي ماني مستعجل عليه
الجد ناهد : الله يكتب لكم الخير
غسان ناظر بـ قصي بأستغراب : قصي شفيك ساكت؟
قصـي بـ ضيـق : مافيني شيء
غسان : قولي وأنا أخوك وش مزعلك؟
قصـي : شـادن
غسان : شفيها شادن؟
قصـي : بتـروح لأهلها الأسبوع الجاي
غسان : يعني عشانهـا بتروح لأهلها متضايق؟
قـصي : بيـضايقونها ما تعرفهم هم ناس مره متشددين عشانهـا لها سنة متزوجه ولا حملت
غسان : معليه وأنـا أخوك إذا ما جبتو هالسنة تجيبون السنة الجاية لا تستعجلون
قصي : خلها على ربك يا غسان
غسان ربت على كـتفه بـ مواساة : معليك أنت بس أصبر و ربك بيفرجها .
أمجـد : يا عيال مشينا بيت الشعر
فيصل بحماس : تم ونبي غسان يدق لنا بالعود
عبدالعزيز : وقتك أنت وياه!
فيصل : يا رجال لا تسوي فيها أمش عشان بالمرة يشوفون عروستك بدون ما نزعجهم
الجد فالح : صحيح قومو أطلعو بخلي بناتي يجون يسلمون على خالهم
فيصل : شفت!
عبدالعزيز وهو يناظر فيصل متوعد فيه : طيب .