« سيارة عبدالعزيز »
ضغط فرامل بأقوى ما عنده ثم إلتفت على جمان إللي غمضت عيـونها بخوف من وقف السيارة بهالطريقة
عبدالعزيز : عيدي وش قلتي!
جمان فتحت عيـونها ببطء وهي تنتفس بسرعة { لحظة هلع } : منجدددكك أنت بغييييت تموتنيييي!
عبدالعزيز بصوت مرتفع : عيييييدديي وش قلتتتتييي!
جمان حاولت تفتح باب السيارة لأجل تخرج بس عبدالعزيز كان أسرع منها وقفل باب السيارة ثم إلتفتت مقابل وجهه : أفتتتحححح
عبدالعزيز : شصار فيك أنتِ! بس خليتك يومين ترا وتطورتي وصرتي تبين الطلاق الحين؟
جمان : عبدالعزيز أفتتحححح
عبدالعزيز : أحد قايل لك شيء!
جمان بقلة صبر : أفتتححححححح
عبدالعزيز ضرب الدريسكون بقلة حيله من جمان
أحتار أيش يسوي معها ومع عقلها الصلب بينما جمان إلتفتت جهة الشباك بعد ما عم الصمت بينهم ، مهي إلا لحظات وعبدالعزيز يستجمع نفسه ويكمل طريقه للقصر .
'
-
« القصـــر »
دخلت جمان من وصلو بينما عبدالعزيز ظل بسيارته إللي صفها بالكراج يغرق في التفكير!
كانت الهنوف توها نازلة وشافت لحظة دخول جمان وأبتَسمت بحُب
الهنوف : جممان
جمان رفعت رأسها للدرج تناظر الهنوف : عيـونها
الهنوف ركضت بإتجاه جمان وحضنتها : لك فقده مرة!
جمان بادلتها الحضن : يا قلبي
الهنوف أبتعدت عن جمان : تعالي بعرفك على أنفال
جمان بإبتسامة : تمام
-
| الصالة |
بدأت ترتيبات أهل القصر بـ تجهيزات الزواج إللي ما بقى عليه غير نُص يوم
أم غيث : حجزتم أي صالون؟
أم عبدالعزيز : إللي دايم نروح له
أم وداد : شغلهم يهبل ويشرف
ثم دخلت رغد وهي تتبسم مستحية
أم عبدالعزيز : خير يا طير!
رغد ناظرت أمها ثم نزلت رأسها : أتدرب يا مامي شفيك!
أم عبدالعزيز : خليك مثل لا أنتِ لا يهج العريس
رغد بوزت شفايفها وهي تجلس بجنب أمها وخالاتها .
-
| جناح وتين وجيان |
دخلت الهنوف ومعها جمان ومن شافت أنفال أختها قامت تحضنها
الهنوف : يا قلبي أنتِ
أنفال أبتعدت عن أختها وهي تناظر بـ جمان : مين هذي؟
الهنوف : ذي جمان إللي حكيت لك عنها!
أنفال : أهااا
جمان : كيفك ياروحي؟
أنفال : تمام أنتِ كيفك؟
جمان : الحمد لله
جيان بصوت شبه مرتفع : مطوله؟؟
أنفال : جاايه
الهنوف ناظرت بـ جمان : من أمس وهم كذا
جمان : خليهم يستانسون وش وراهم
الهنوف : كيف المستشفى وش قالوا لك؟
جمان : يعني ما قالو شيء نفس العادة
الهنوف : أهم شيء صحتك
جمان : أي الـ ..
قطع كلماتها من جاها هبوط فجاءة وصارت تحس نفسها بتستفرغ ، ثم حطت يدها على فمها بطريقة أرعبت الهنوف
الهنوف بـ خوف عليها : شفيييك؟
جمان وهي تأشر لها بإن مافيها شيء بس لازم تروح الحمام { يكرمكم } ثم طلعت برا جناح البنات ركض لجناحها .
-
| جناح عبدالعزيز |
كان توه داخل الجناح تعبان من التفكير ومهلك من دوامه ، جلس على السرير بيتمدد لأجل ينام بس دخول جمان وهي تركض للحمام أرعبته وقام يركض معها لباب الحمام ينتظرها تطلع ، ومن طلعت جمان
عبدالعزيز : شفيك
جمان بـ تهرب : مافيني شيء!
عبدالعزيز : وش تحسين و وش ماكله؟
جمان : عادي تصير لا تسوي نفسك مهتم!
عبدالعزيز غمض عيونه يجمع صبره : دامك كذا! أنتِ ما تستاهلين لا خوفي عليك ولا أهتمامي لك ودامك على ذا الحال فأقعدي على ذا الحال
{ ثم سحب جواله من السرير ولبس ثوبه وخرج من الجناح }
ناظرت جمان خروجه بإستسلام تحس أنها مقيدة تتجاهله وإذا زعل تحس بالإنكسار و ودها أحياناً تلحقه وتخبره بإنها حامل بطفله بس ما عندها الشجاعه الكافية لهالشيء .
-
| الكراج |
مكان هروبه المعتاد من نقاشاته مع جمان إللي بكل مرة يحاول فيها يصلح علاقتهم تهدمها جمان بكل بساطة!
بدأ يحس بالإختناق من كل شيء حوالينه و وده يهرب لأي مكان بعيد عنها لأن إذا شافها مستحيل ما يتأملها وإن تألمت مستحيل ما يداويها وإن إنزعجت من شيء مستحيل ما يكسر قلب إللي زعلها رغم أنه عارف ومتأكد أنه أكثر شخص أذاها بس من شدة حبه له! حبها من وهي طفله ومن كبر وهو حاط بباله يحقق الحلم إللي رسمه معها
" يضيق قلبي عندما أتلفت حولي ولا أجدك،
وأحتاجك ولا أبصرك،
وأموت آلاف المرات عندما أرى طيفك ولا أراك ".
ميل رأسه لـ مرتبت السيارة وهو يستغفر ربه ، قاطعه طنين رسالة من جواله ثم رفع الجوال يشوف من المرسل ( أجوان : فاضي اليوم؟ ) تأفف من شاف رسالتها وقفل جواله تماماً و رجع بتفكيره لـ جمان .
-
| قهوة العصرية |
دخل غيث بهدوء الصالة وكانو الحريم كلهم داخل يصلون العصر و ولا واحد من العيال موجود وأبتسم بإرتياح وهو يتقدم من خاله نايف
أبو راكان : يا هلا بـ غيث
غيث أثناء جلوسه بـ جانب خاله : يا هلا فيك يا عمي ، عندي شيء بقوله
الجد فالح : وشنهو؟
غيث تنحنح : جاي طالب يد بنتك
خوال غيث ناظروه مصدومين وبنفس الوقت مبسوطين لأنه أول واحد يأخذ من بناتهم
أبو راكان : جيان؟
غيث : أي
الجد فالح : كبروا وصاروا رياجيل
غيث : بنت خالي وأنا أولى فيها من الغريب صح ولا لا؟
أبو راكان : صحيح وأنشهد بأخلاقك و مرجلتك
غيث : تسلم يا خال
أبو راكان : أنا عني موافق بس بنشاور جيان نشوف رأيها بعد زواج رغد
غيث قام على حيله يسلم على خـواله وجده إللي بدؤوا يباركون له من الحين .
'
-
« اليوم الموعود 💍💍 »
« زفاف ماهر بن ثنيان & رغد بنت سعد »
أنت تقرأ
يا سجون الدار أفتحي أبوابك مثل ما فتحتي قلبي لـ جمان .
Novela Juvenilبعد سوء فهم يحصل بينهم في بقالة صغيرة! ينقلب مجرى حياتها ويصير ما لم يكن بالحسبان!
