« القصـــــر »
« العصـــرية »
وصل نايف الرياض وعلى طول توجهة للقصر ، و وصلت مواكب نايف لبوابة القصر مع أهله
[ الجد فالح كان بإستقبالهم عند الباب مع عائلته جميعهم من ضمنهم جمان بعد ما خربت مفاجاة أبو راكان وأنزلق لسانه وقالهم عن موعد رحلته ]
نايف نزل من السيارة بأبتسامة شاقه وجهه : يـبـه!
الجد فالح أخذ ولده نايف بالأحضان من فرحته بشوفته بعدها نزل راكان من السيارة الثانية و الهنوف وراه مع أخته جيان
جيان تمسكت بذراع الهنوف تطمنها : لا تتوترين هذول أهل أبوي وصدقيني بتحبينهم
الهنوف : مدري أحس مكاني غلط!
جيان : شدعوة غلط بنهاية أنتِ زوجة راكان يلا تعالي معليك
[ ثم تشجعت وصارت تسلم مع جيان وأم راكان و وتين ]
الجد فالح وعينه على الهنوف : شذا يا أم راكان خلفتي بنت ثانية من ورانا؟
أم راكـان ضحكت بخفة : أي بنت يا عمي ذي زوجة راكان
الجد فالح : هاااااه؟؟
أبو راكان : زي ما سمعت يا يـبـه
فيصل : يلعن أبليسك حتى أنت متزوج!!!!!
راكان : ليه مين حطكم بالأمر الواقع وتزوج قبلي؟
فيصل وهو يأشر على عبدالعزيز : المهبول ذا
عبدالعزيز ضحك وهو يحضن بـ ولد خاله وصديقه وأعز الناس له [ راكان ] : نورت الرياض بوجودك يا ولد الخال وألف مبروك
راكان : الله يبارك فيك ومبروك لك يا ولد العمة
أم غيث : أخخ منكم ما خليتونا نفرح فيكم ونسوي لكم عرس مغير تتزوجون وتجيبون زوجاتكم معكم هبلتم في بنات الناس!
أم عبدالعزيز لأم راكان : يبغالهم قرص صح ولا لا؟
أم راكان : كبروا عاد شنقول لهم بعد وبعدين ما بستغرب لو جو ومعهم عيالهم
بندر وهو يضرب كفه بـ كف راكان : مبروك والحمدلله على السلامة
راكان : الله يسلمك يا بعدي وعقبالك
غسان : مبروووك يا رك
راكان : الله يبارك فيك
أمجد : ياويلك ما تسمي ولدكم الجاي على أسمي
راكان : أخر واحد أفكر أسمي ولدي بأسمك
الهنوف أنحرجت وكعادتها جلست تضغط على يدها تسيطر على نفسها ثم تقدمت لها جمان تسلم عليها
جمان : كيفك؟ أنا جمان
الهنوف رفعت رأسها لجمان بتوتر شديد : أنا الهنوف الحمـ ـدلله أنتِ؟
جمان لاحظت توترها : لا تتوترين مع الأيام بتتعودين
الهنوف بضيـق : ما ظنتي!
جمان مسكت يدها تطمنها : صدقيني بتتعودين
[ ثم لاحظت من لمستها ليد الهنوف أنها مجروحة ]
جمان بدون ما تحس على نفسها : وششش ذااا؟؟
[ الكُل إلتفت على صوت جمان ]
أم غيث : حبيبتي جمان شفيه شصاير؟
الهنوف وهي تمسك يد جمان بقوة وبصوت خافت : تكفين أصصص لا تقولين شيءءء تكككفين
جمان ناظرت بـ الهنوف بتردد ثم ناظرت بـ أم غيث : ولا شـ ـيء أنـا والهنوف طالعين فوق وأنا بساعدها تستقر
أم عبدالعزيز : زين بس لا تطولون وأنزلو عشان حريم أخواني جايين
جمان بإستعجال وهي تسحب الهنوف معها لداخل القصر : طيبببب
وتين من وصلو على طول أرتمت بحضن نجلاء وجيان بحضن رغد وبعدها سلموا على وداد و دلال
وداد بحماس : مسويين جلسة حلوووة بالحوش وراء
وتين : الله تذكرت أيـام الشتاء العام
جيان : كان أحلى شتاء معكككم يا بنات
رغد : مرة وحشتونا طولتو علينا لكم ٦ شهور ما جيتو
جيان : أبوي طول في الأمارات وكان وقتها مدرسة وتين ما قدرنا
رغد : يلا مو مشكلة أهم شيء جيتوووو لنااا
[ من بعد ما طلعوا جمان والهنوف سوى ، راكان ما تطمن ولا أرتاح خايف أن الهنوف تفضحه وتتكلم بشيء مع جمان ]
راكان لعبدالعزيز : هي ورع شلون تزوجت أنت؟
عبدالعزيز : بظروف غامضة
راكان : مثلك وأنا أخوك
عبدالعزيز : بعدين يبغالنا جلسة شاهي وتحكيني وين لقيتها وشلون تزوجتو
راكان : تم على الله
فيصل : هذول الأثنين طلعوهم من قائمة العزابين خلاص
أمجد : بنحذفهم ونحط عيالهم بدالهم
عبدالعزيز : وراكم مستعجلين على عيالنا أنت وياه! تونا حتى ما جاء لنا ٤ شهور!
راكان : يا رجال أنا ما كملت أسبوع!
فيصل : أستعجلو نبي نسختين منكم وأحسن منكم
غسـان : أنا وبندر ناوين نربي عيالكم
راكان لـزق لسانه : لا يا شيخ و أم نايف وش وضعها؟
غسان : ما شاء الله قررت أسم ولدك هـهـهـهـهـهـة
فيصل : وأنت يا عبدالعزيز وش بتسمي ولدك أو بنتك؟
عبدالعزيز : أن جاء ولد بسميه على أسم أبوي الله يرحمه وأن جات بنت بسميها على أسم أم جمان الجوهرة
فيصل : الله يرحمهم سبقونا الجنة
عبدالعزيز : أمين أمين .
'
-
« الديـــــــرة »
تمُر الأيام مثل السكاكين عليـهم و ولا واحد منهم قادر يكمل حياته بشكل طبيعي!
فقدان الأم شيء موجع جداً خاصاً أنهم ما تخطو فعايل أختهم فجأة ينصدمون بوفاة أغلى شيءٍ لهم [ الأم ]
ماتت الجوهرة وهي تردد بـ : بنتي بريئة يا أبـ ـ ـو ناصر
وظل هالشيء في بال أبو ناصر ماقدر ينسى كلمة زوجته الحبيبة وهي على فراش الموت ، طلع من الغـرفة وهو ينادي بـ متعب ، راح له متعب
متعب : هلا يبه؟
أبـو ناصر : في شيءٍ أنا تأخرت أسويه يا ولدي
متعب : وشو هو علمني أنا أسويه
أبو ناصر : ما راح تقدر يا متعب
متعب : يبه قولي وأبشري معليك
أبو ناصر : أبيك تكتشف الحقيقة وتريحنا
متعب : أي حقيقه؟
أبو ناصر : حقيقة أختك يا متعب أبيك تعرف إذا هي صانت تربيتي لها ولا ما صانتها!
متعب أندهش من طلب أبوه الغريب : حاضر .
بدأ متعب يحقق من يــوم السالفة تحديداً بقالة ظفر
[ بقـــــالة ظفر ]
دخل البقالة وهو يلقي السلام على ظفر
[ ظفر من الجنسية اليمانية ]
متعب : ظفر كم لك هنا عايش بالسعودية وبهالديرة تحديداً؟
ظفر : أنا يمكن لي ٢٠ سنة هنا ماشاءالله
متعب : ما شاء الله ما شاء الله ، طيب أنت تتذكر هذاك اليوم إللي أختي جاءت فيه؟
ظفر : هذاك اليوم كان نحس نحس على البقالة من فتحتها لذا اليوم
متعب : تقدر تقولي التفاصيل كاملة؟
ظفر : طيب بس أنا الحين مو فاضي
متعب : بعد ما تخلص دوامك بقابلك في بيتك
ظفر : طيب .
'
-
« القصــــر »
« جناح الضيـوف »
دخلو وجمان ساحبه الهنوف من يدها وعلى طول سكرت باب الجناح وإلتفتت عليها
جمان : هذا أنتِ مسويته؟؟
الهنوف صدت عنها : مين أنتِ وليه تسوين كذا بغيتي تفضحيني تحت
جمان قربت منها : لا تهربين وجاوبيني!
الهنوف وهي تتراجع وراء : مـ ـ ـالك دخل
جمان : قلت لك قوليلي هو مسوي فيك كذا؟
الهنوف بسرعة : لا لااا
جمان ناظرتها بشك : أجل أنتِ مسويه كذا في نفسك!
الهنوف بلعت ريقها : أيـ ـي
جمان : صاحيه أنتِ؟ شلووون تأذين نفسك وش السبب؟
الهنوف : هذا الشيء خاص فيني ليش مسويه أنك مهتمة؟
جمان : أنتِ ما تباعديني من جيت القصر كنت زيك زعلانة وما تقبلت العيشه! بس مع الأيام بديت أتعود
الهنوف : أنا مستحيل أتعود وهو معي [ تقصد راكان ]
جمان : مين معك؟
الهنوف بتهرب : محد!
جمان : أنا بعد حاولت أموت نفسي! بس بعدها تبت لربي وتذكرت أن محد يستاهل أنك ترهقين الروح إللي أعطاك ياها ربي بسبب شخص أو أشخاص!
الهنوف : أنتِ كنتي تبين ..
جمان قاطعتها : أي كنت بنتحر! شوفي صح تونا إلتقينا بس تذكري أن محد يستاهل ترهقين الروح إللي عطاك ياها ربك
الهنوف بقلة صبر : شسوووي طيب تعبت تعبت!
جمان : تقربي لربك!
الهنوف تنهدت بصوت عالي وهي تهز رأسها بالإيجاب : شكراً
جمان مسكت يدها : إذا أحتجتي شيء بتلاقيني دايم
[ الهنوف أبتسمت لـ جمان وحضنتها ] .
أنت تقرأ
يا سجون الدار أفتحي أبوابك مثل ما فتحتي قلبي لـ جمان .
Teen Fictionبعد سوء فهم يحصل بينهم في بقالة صغيرة! ينقلب مجرى حياتها ويصير ما لم يكن بالحسبان!
