« الديــــرة » « المســـاء » أنتهى داوم ظفـر في البقـالة وكان متوعد يلتقى مع متعب في بـيـتـه ، مهي إلا لحظات ويدق باب البيت وكان [ متعب ] ظفر : حياك أخوي متعب متعب : الله يحييك ظفر وهو يآشر على المجلس : تفضل [ دخل متعب وخلفه ظفر ] متعب وهو يجلس : أبيك تقولي كل شيء بدون ما تنقص ولا حرف ظفر : أنت وش تبي تعرف بالضبط؟ متعب نطق بالقوة : أبي أعرف أختي إذا صانت شرفها هذاك اليوم أو لا ظفر : طيب يا متعب بس هل أنت جاهز تسمع الحقيقة؟ [ متعب هز رأسه بصعوبة ] ظفر : يا طويل العمر هذاك اليوم .. كانت أختك جمان جاية تشتري أغراض إلا فجأة .. يدخل الخسيس إبراهيم متعب عقد حاجبه : إبراهيم عمي ما غيره؟ ظفر : أي هو [ متعب أنصدم ] ظفر : دخل البقالة وهو مسلح! وجمان وقتها كانت طالعة من بقالتي وإلا وإبراهيم السلح داخل علينا ويرفع سلاحه بإتجاه أختك! وسحب ستر أختك! خلاها كاشفه قدامنا وقدام رائد وعلي متعب : رائد وعلي كانو بالبقالة بعددد؟؟؟ ظفر : أي كانو فيه بس متخبين ، وفجأة يدخل علينا شخص الله يسعده ويوفقه فعلاً أن رجال شهم و ذيب متعب بأستغراب : منهو الرجال؟ ظفر : ما أعرفه بس هو إللي أنقذ أختك من الخسيس إبراهيم متعب : أنقذها؟ لييييه وش كان ناوي يسوي الكلب؟؟ ظفر : كان ناوي يتحرش فيها يا متعب بس لولا هالرجال إللي طيح إبراهيم على الأرض كان .. متعب قاطعه : لا تقولها! كمل وش صار بعدين ظفر : أختك أغمى عليها وشالها هالرجال المستشفى بعدين رائد وعلي راحو ينشرون الموضوع بالحي بس إللي أنتشر كان عكس إللي صار تماماً! أتهموها بالرخيصة وهي أشرف منها مافي متعب : مين إللي نشر هالشائعات؟ بس لو تعطيني أسم ظفر : الصدق أنا سمعت حمد يتكلم مع واحد ويقول له عكس إللي صار تماماً وكان واضح أنه حاقد على أخوك ناصر لأنه كان يتكلم عن وجهه لمن عرف منه أن أخته رخيصه متعب : يعني ذا طلع من رأس الزفت حمد؟ ظفر : أي بس تكفى لا تورطني أنا رجال أترزق الله و والله لو ما أغليك كان سكت عشان لقمة عيشي متعب وهو يقـوم : تمام يا ظفر ما قصرت الله يسعدك ثمان الله [ ثم غادر من بـيت ظفر و الحقيقة بيده ] . ' - « القصـــر » « الصـــالة » دخلو يكملون سوالفهم مع القهاوي إللي محضرينها أم غيث : يا حي الله من جانا أبو راكان : الله يحييك يا أختي أم عبدالعزيز : أحسبي حسابك يا أم راكان أنكم مو رايحين إلا بعد شهر على طول الغياب ذا أم راكان ضحكت : تم ما أردك يا أم عبدالعزيز أم غيث وهي تلتفت بعد ما فقدت جمان : جمان وين هي و زوجة راكان؟ رغد : مدري بسم الله وين أختفو! جيان : سمعتهم يقولون أن جمان بتخلي الهنوف تستقر بالجناح أم عبدالعزيز : زين يا بنات وحدة تطلع تناديهم جيان : أنا بشوفهم [ قبل ما تطلع تناديهم فجأة دخلو عليهم الهنوف وجمان ] جمان : معليش يارب ما طولنا جيان بإبتسامة : لا ياروحي بس تونا فقدانكم جمان أستوعبت أنها ما سلمت على خوات راكان وسلمت على جيان خدادي ، والهنوف راحت تسلم على أعمام و عمات راكان أم غيث : ما عرف يختار زين غير عبدالعزيز و راكان ماشاءالله أم راكان : تزوجو من ورانا وشوفي أختياراتهم فيصل : شفيكم تحكمون كذا! ترا لسع باقي أنا وباقي أمجد وغيث وغسان وبندر ما تزوجنا والله لو سمعتكم زوجتي المستقبليه أنها لاتزعل! أم غيث : يالله العافيه أنتو أم راكان وهي تضحك : فيصل تغيرت مره وصرت واعي وفاهم هـهـهـهـهـهـهـهـة أم عبدالعزيز : ذا نفسه إللي كنا نغير له يا أم راكان شوفي كيف كان وكيف صار قـاطعهم دخول عبدالعزيز مع راكان بهيبه وهم لابسين شماغاتهم والجد فالح قدامهم فيصل من دخلو راكان وعبدالعزيز : جو كبار العائلة الجد فالح : دامت أفراحنا ومثل ما سوينا حفل إستقبال لـ جمان بنسوي للهنوف الهنوف توترت وهي تنهز رأسها بالرفض : والله ماله داعي يا خال الجد فالح إلتفت عليها يناظرها : وشوله ماله داعي يا بنتي؟ أكيد نبي أقاربنا يتعرفون عليك جمان وهي تتقدم من الهنوف تمسك يدها تمنعها تعارض الجد فالح : أسكتي يا هنوف لا تعترضين! الهنوف بنفس همس جمان : تكفين يا جمان ماااابي جمان : هالشيء عندهم إجباري بس معليك بكون معك [ الهنوف ضيقت وجها بقلة حيله ] راكان وهو يجلس على يمين الجد فالح : كيفك يا طويل العمر؟ الجد فالح : الحمدلله يا راكان أنت شخبارك علمنا راكان : الحمدلله يارب الجد فالح : كيف أمور الشغل والكوفي؟ راكان : زي الحلاوة شغال عبدالعزيز جلس على يسار الجد فالح : جدي تبي شيء؟ الجد فالح : على وين إن شاء الله؟ عبدالعزيز : بنطلع أنا والعيال برا نتمشى الجد فالح : أستودعتكم الله أنتبهوا لنفسكم [ ثم قامو راكان ، فيصل ، عبدالعزيز ، غسان ، أمجد ، بندر ] . رغد قامت : وحنا بعد عندنا سهرة مع البنات في الحوش أم عبدالعزيز : زين أنتبهو من البرد رغد : تمام يا قلبي [ ثم قامو رغد ، جمان ، الهنوف ، جيان ، وتين ، وداد ، دلال ، نجلاء ] . [ حـــوش القصـــر ] كانو مجهزين جلسة جداً جميلة وقبل ما يجلسون صوروا وأرسلوها على قروب [ عائلة فالح ]
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
[ قروب عائلة فالح ] أم غسان : ما شاء الله وش الجلسة الحلوة ذي 😍. أم عبدالعزيز : المرة الجاية أعزمونا 😋 رغد : أن شاء الله 🥲 عبدالعزيز : جمان معكم؟ رغد : أيوا معنا فيصل : أهم شيء عنده يسأل عن حرمه 🤣🤣 رغد : أحسن أجل تبيه يصير متبلد! يا حظهم ببعض بس فيصل : أجل لا أشوف أحد ناقد علي إذا تزوجت أم غيث : أنت تزوج بالأول بعدين يصير خير أم بندر علقت على أم غيث : 😂😂😂 . - [ نرجع للواقع ، جلســة البنات ] رغد قفلت جوالها : نجلاء أخوك غثيث كل شوي بتزوج بتزوج وللأن ما شفنا شيء نجلاء : حتى أنا غثني مره وتين : بنات اليوم نبي ننبسط مانبي شيء يعكر علينا مفهوووم؟ البنات : تمم جيان : بنات في ترند حلو شرأيكم نسويه؟ كلهم قامو بـ حماس إلا الهنوف و جمان ، ناظروهم وهم ينتظرونهم يقومون رغد : بنات شفيكم يلا جمان : أنا مابي أنتو لوحدكم أفضل دلال : أحسن يلا بنات رغد ناظرت دلال بـ حقد جيان : هنوف يلا مو ناويه تقومين! الهنوف ناظرت بـ جمان ثم ناظرت بـ جيان : على قولت جيان أنتو صوروا بلاها نحنا وداد : بنصور عليكم ترند كلنا بنات خال إلا هم حريم عيال خالي نايف وخالتي حميدة [ ضحكوا البنات ثم صوروا الترند ] . [ أخر الليل ١:٣٠ ] البنات بدؤوا يدخلون ببعض وكانو يرقصون مصري ويضحكون على بعض [ جمان من جاءت القصر هذي أول مره لها تستمع ، الهنوف كانت تصفق للبنات وتبتسم ، أما جيان و رغد كانو يرقصون ] نجلاء تحمست وقامت معهم : علموووني تكفون رغد ميلت خصرها يمين و يسار : سوي زي كذا نجـلاء قلدتها بسرعة : شرأيكم؟ رغد ميلت بوزها بـ غباء من نجلاء : مو بسرعة يا غبية بهدوء عشان تجي الرقصه حلوه نجلاء هزت رأسها بالإيجاب وبدأت تقلد رغد إللين ما أتقنتها جيـان أثناء رقصها ناظرت بـ الهنوف وجمان إللي بس يعززون و قربت منهم تسحبهم من أياديهم : يلا أنتِ وياها كأنكم العجايز إللي بس يصفقون جمان برفض شديد : تكفين ماعرف كيف الهنوف : حتى أنا والله ماعرف! جيان : بعلمكم ثم بدأت ترقص وهم يقلدونها بطريقة غبية و وداد و نجلاء ميتين ضحك . رجعو العيال من التمشيه [ راكان ، عبدالعزيز ، فيصل ، غيث ] أما الباقيين راحو بيوتهم ومن دخلو وصوت المسجل لمدخل القصر! فيصل : يا عيال شذا الصوت غيث : الظاهر أنهم البنات بس خير للحين سهرانين! راكان : أقول أنا بموت نوم طالع فوق يلا سلمولي على الأهل فيصل شاته برجله : أنقلع هذا إللي فالح فيه عبدالعزيز : ياويل أحد فيكم يناظر ترا زوجتي معهم فيصل : أمش أمش نخاف ربنا حنا مو نخاف منك [ دخلو جوى وكل واحد في جناحه ] .
![[ حـــوش القصـــر ] كانو مجهزين جلسة جداً جميلة وقبل ما يجلسون صوروا وأرسلوها على قروب [ عائلة فالح ]](https://img.wattpad.com/3a146a0d0719cdc6512cad081b959d8cc4906eda/68747470733a2f2f73332e616d617a6f6e6177732e636f6d2f776174747061642d6d656469612d736572766963652f53746f7279496d6167652f59504a7757584a4c5967524555673d3d2d313430313938313134382e3137396338653237363865306136656339373938323035363037352e6a7067?s=fit&w=720&h=720)
