—
إيليا : الي عندي اني أبي انهي المنظمة على آخرها.
سِـراج ابتسم : كنت أحسبك ذكي ، وش غيرك؟.
إيليا : مافي شي يقدر يغيّرني ، وصدقني مثل كل الي طيحتهم
من مكانتهم، بكمل على الباقي .
سِـراج رفع حاجبه : والحين دوري ولا كيف؟.
إيليا هز راسه : أبيك تكون معي ، اعرف انك ماتهتم لأي منصب
كبير او صغير .
سِـراج : انت تتكلم بجدية الحين؟ بكامل قواك العقلية؟.
إيليا ضرب على الطاولة : انا وأنت مادخلنا هالزق كله برضانا
وانت عارف هالشي ، انا اخذوني اجباراً عني وانت استلمت
هالشغل بسبب ابوك ، بعمر بدل مانلعب ونجلس في بيوتنا
كنا ماسكين سلاح ونتعلم بالمعسكرات كل آنواع القرف !.
انا وش اخرتي ؟ قاتل مأجور أعقد صفقاتهم واجمع لهم فلوسهم
الي متنعمين فيها وانت تشتغل النهار حتى تكون سمعة شركاتك
بالسوق نظيفة و بالليل تخدم مصالحهم وتنهي اشغالهم بسبب عقود
ابوك الي وقعها وألزمك انت فيها !!
سِـراج ماقدر يتكلم ، ماضيه الي كان ناسيه او متناسيه بالأحرى
انسرد له خلال ثواني زي الصفعة الي تبيه يصحى من الي هو
فيه .
إيليا اخذ نفس ورجع ناظر سِراج : اعرف ان محد فينا بريء الحين،
كبرنا واحنا نتعلم الغلط بالطيب والغصب بس مايعني اننا نتجاهل
الحياة كلها ونبقى متمسكين بالماضي !
الشياب الي مسوين حالهم رؤساء منظمة و سرقوا مننا حياتنا ،
إحنا قادرين نتخلص منهم ، فـ ليه نصبر عليهم اكثر ؟
سِـراج : وكيف تبي تتخلص منهم ؟ تراك ماوصلت لنصف الهرم
وكلما تصعد اكثر بيكون الوضع اخطر واصعب ، الشياب
الي تتكلم عنهم مالهم يوم ويومين بعالم الاجرام، هذول هم بنفسهم
الي أسّسوه وخلوه يستمر عقود طويلة.
إيليا : بتعرف كل شي بوقته ، لو قررت تكون معاي بهالشي .
سِـراج : إيليا ..انت تحاول تقنعتي أغير كل شي ماكنت مخطط
بيوم اني أغيره وأعرف إن كلامك صح بس انت جالس تتكلم
بشي خطر كثير مافي رجوع منه.
إيليا ناظره : انت راضي عن حياتك هذي ؟ مين فيه جنبك ؟
بسببهم ماتقدر تعيش مع اي شخص براحة ..وما استغرب لو كنت تنام
وسلاحك تحت مخدتك زي ما كنا نحتفظ بالسكاكين في المعسكرات
لما كنا صغار لأننا مب عارفين مين ممكن يغدر فينا .
سِـراج مرّت على عقله ذكرى لقاءه بـ ريبـال ،كلامهم مع بعض وضحكته.
فعلاً انعدام الثقة بالي حوله يخليه دايماً في أبعد البعد عن الناس.
أنت تقرأ
تـخطـى الحـدود .
Romanceوإننـي لمّـا مِـلْـتُ إلـيكَ , أتّـزنـتُ وفـي مِـيلي إليـكَ , حُــسْـنُ إعتـدالـي. . . . . . . - فـريق من القـوات الخاصـة واعدائــهم ، مابين الحقيقة و الكذب ، الصدق والخداع ، يبقـى السؤال، فــي الحــرب ، هل يتّولَدُ الحُب...؟ - مثليّة (BxB) -ما...
