تـخطـى الحـدود .

Part | Twenty Seven

تحديث ثاني جديد يحلوين 💙 لا تنسوا تقروا البارت السابق
اول شي.

—

دخل للشركة ، لا الأمن ولا الرسبشن قدر يقول له كلمة او حتى
يقدر يوقفه، مجرد ايماءة بسيطة احتراماً له ، اتجه
للمصعد و هو عارف بالضبط الرقم الي يبيه ..

كان محتاج يشوفه ، لازم يشوفه.. كان مسافر لشغله وهو
منشغل بمهمته لدرجة ما اشغل نفسه يغير بدلته العسكرية.

انفتح المصعد و راح اتجاه المكتب الي حافظ طريقه مثل اسمه.
لكن شكل السكرتير هناك مب مألوف له وهالشي يمكن
السبب بأنه سمعه يقول : عندك موعد؟

ريبـال قلّب عيونه : لا .

السكرتير رفع حاجبه : ما اقدر ادخلك ، استاذ سِـراج مشغول.

ريبـال : مشغول عنك وعن الباقين لكن مو عني، يا انك تبعد
عن طريقي او تدخل تقوله اني هنا.

السكرتير بعناد : ما اقدر ، تفضل اجلس هنا وببلغك متى تقدر
تدخل.

ريبـال تنهد ، جلس على الكنب وطلع جواله
: اخر مرة بسألك، هذا من شغلك ولا من عنادك؟
لأنو لو جوابك هو الثاني فـ مابضمن لك يوم زيادة هنا.

السكرتير كان مصدوم ، يعني واضح ان الي قدامه
ضابط عسكري لكن مو شخصية هامة لذي الدرجة؟ معقولة
يقدر يطرده ؟ تسائل بنفسه لكن غروره كان اكبر رغم ان ماله
الا اسبوع هنا فـ مارد عليه وهو عارف ان سِـراج مو مشغول
بأجتماع او شي مهم.

ريبـال هز راسه ؛ فهمت .

اتصل على الرقم الي ماكان حافظه الا بقلب ازرق من غير اسم
: هلا فيك ، ايه عارف .. جالس انتظرك برا مكتبك
ايه، سكرتيرك يقول انك مشغول وكذا ، مم طيب .

السكرتير مالحق يقول اي كلمة قبل لا يشوف باب المكتب يفتح
بقوة ، التفت حق مديره بسرعة .

سِـراج قرّب منه وناظره بحِدة : ذا الانسان اذا شفته
قدامك بتنزل راسك اكثر من ماتنزله لي ، تفتح له الباب وماتسأله
حرف ، إن كنت موجود ولا لا ، فاهم ؟

السكرتير بخوف ناظر الارض بسرعة : ح..حاضر.

قبل ماينطق سِـراج اي كلمة ثانية، حس بيد ريبال على ذراعه ..
سِـراج هز راسه و رجع للمكتب ، ريبال عيونه طاحت بعيون
السكرتير وابتسم  له بسخرية.

سِـراج سحبه وسكّر الباب ، قبل محد فيهم يتكلم
ظهر ريـبال كان على الباب و سِـراج ماسك خصره، شفايفهم
اندمجت مع بعض بشغف..