—
أوس أشر لثابت الي كان جالس جنبه وهمس : تشوف الي اشوفه؟
ثابت اومئ : Full HD بعد .
أوس : صدقني لو ناظرت عيون أحد هالكثر، بضحك من اول دقيقتين
وهذول لهم نص ساعة ماتحركوا؟
ثابت ضحك : حتى انا .
كانوا يناظرون الزاوية الثانية من الطيارة، باهـي جالس
و قباله عبدالرحمن والإثنين يناظرون بعض بصمت .
علي ناظرهم : حتى الكابتن بقُمرة القيادة سمع صوتكم.
ثابت التفت عليهم : أوه شيت .
أوس ناظر باهـي : باهـي؟ تسمعني؟
باهـي ألتفت عليه : صدقني حتى الي بالأرض سمعوك.
أوس اومئ : انا قايل لازم انتبه لصوتي لما أحش بالناس .
ثابت هز راسه بالموافقة : وخصوصاً لو كانوا جنبك.
علي كمل معه : ولو كان واحد منهم اعلى رتبة منك .
أوس استوعب وناظر عبدالرحمن الي كان يناظره هو الثاني
لكن ماتكلم : سيدي؟ اعتذر صدق والله يعني، مانتبهت..نسيت
عبدالرحمن بجدية : لازم ابلغ عنك قيادتك ، ماينفع اعتذار .
باهـي عقد حواجبه والباقي انصدموا لكن سكتوا.
باهـي : تتكلم منجدك انت؟
عبدالرحمن : عندك شك ؟
باهـي : عن حركات البزران هذي ، تراه ماقال شي .
علي بسرعة مسك باهـي من كتفه : لا تزيدها ، واحد يكفي مو ناقص
انت بعد!.
باهـي عيونه كانت تناظر عيون الي قدامه لكن كلامه موجه لـ علي
: ماعليكم، مابيسوي شي .
عبدالرحمن : واثق من نفسك ؟.
باهـي : كـثـيـــر ، حضرة الرائد .
عبدالرحمن آبتسم : دامك تقول كذا، خلص مثل ماتقول .
أوس قاطعهم : يعني مابيصير عليَّ شي؟!
عبدالرحمن ضحك : لا طبعاً ،ماقد وصلت لذي المرحلة للحين، امزح بس.
بـراء وثابت تنهدوا براحة : الحمدلله.
باهـي ابتسم على جنب ، كأنه يقولهم "انا الي اعرفه "
عبدالرحمن ما شال عيونه من على باهـي وإبتسامة لعوبة
كانت مرسومه على وجهه ، بالمقابل الثاني حاول مايعبره لكن
ماينكر ان طول الطريق عيونه تدور وترجع لنفس الاتجاه.
أنت تقرأ
تـخطـى الحـدود .
Romanceوإننـي لمّـا مِـلْـتُ إلـيكَ , أتّـزنـتُ وفـي مِـيلي إليـكَ , حُــسْـنُ إعتـدالـي. . . . . . . - فـريق من القـوات الخاصـة واعدائــهم ، مابين الحقيقة و الكذب ، الصدق والخداع ، يبقـى السؤال، فــي الحــرب ، هل يتّولَدُ الحُب...؟ - مثليّة (BxB) -ما...
