تـخطـى الحـدود .

Part | Twenty Five

—

كل شي بهذي اللحظة كان مثل الخيال بالنسبة لريبـال ،
وقف مكانه ، رغم الهدوء كان صوت نبضات قلبه مرتفع بالنسبة له.

عيونه ناظرته بثبات ، كيف واقف .. شعره الي صار اطول عن
اخر مرة شافه فيها ، السيجارة الي بين اصابعه.. هذا هو ،
فعلاً هذا سِـراج، محد يقدر يشبهه او يكون مثله ..

كيف رجع ؟ هو صدق قدامه ولا جالس يتخيل؟ لو كان خيال
فـ عقله جالس يلعب عليه بشكل مؤلم..لأن الدموع الي ملّت عيونه
ماكان حاس فيها ..

تمتم بداخله
" ياربي لا يكون هذا مجرد حلم وبصحى منه ، ماعاد فيني أتحمل "

بالمقابل عيون سِـراج تعلّقت بالي قدامه ، كأنه ملاك طلع له
من وسط الظلام...يشبه الي في الصورة لكن أجمل بألف مرة ومرة..
نبضات قلبه تسارعت ، وهو يشوف عيونه الخضراء كيف إمتلت
دموع وكأنها بأقرب فرصة بتنزل ..

في داخله كان يهمس
" ليه الدموع بعيونك متجمعة ؟ ليه تناظرني بهالنظرات ؟
لا أدري اذا هي كُره ولا عتب او خوف، وش هي ؟
صوتي مو راضي يرتفع ويسألك عنك وعني ،
خايف انك سراب لو كلمتك بتختفي .."

إيليا قطع صمت المكان لما شاف ريبـال : تبي اروح ولا انتظرك؟

ريبـال هز راسه ولف عليه يناظره : تقدر..تروح..شكراً لك.

إيليا ناظر سِـراج بعدها ناظره مرة ثانية : متأكد؟

ريبـال اومئ وهو ماسك نفسه : ايوا.

إيليا ابتسم بخفة و اومئ لسِراج و مشى من عندهم ، متأمل
انه ساعدهم ولا تسبب لهم بأذى .

" ما فيني حيل اتحمل مسؤولية مشاكل ثانية ، يارب تمّر بينهم
على خير"

سِـراج حس باللسعة النار على اصابعه بعد مانسى سيجارته،رمى
الباقي منها و ارتفعت عيونه ، كان عيونه عليه .

سِـراج: انا...

ريبـال قاطعه : انت بخير؟ كيف صار جرحك؟

سِـراج : بخير ..مافيني شي بس ..

ريبـال ناظره : بس وش ؟ نظراتك فيها شي... نسيتني صح؟

ابتسم وهو حاس بسكاكين تنغرس بقلبه : بشهر واحد تخطيت؟
طيب وش الي رجعك ؟ كان تركتني بحالي ولا....

قاطعه سِـراج وهو يمشي لين وقف قدامه : انا فعلاً نسيت.

ريبـال ناظره والألم بعيونه ، بس ماتكلم والثاني كمل..