تـخطـى الحـدود .

Part | Ninteen

—

حس بالغرابة لما وصلته رسالة على الإيميل الخاص فيه لكن من  
المُرسل مجهول ، بس ماطول هالشي لين فهم من محتوى الرسالة من
إلي ارسلها.

" علي ، صار هجوم على سِـراج وهو انصاب ، ما اعرف مات ولا لا،
لكن اخذني واحد كلب عل اساس انه اخوي إينار، وبقولك التفاصيل الي
عرفتها منه ....."

عطاه كل التفاصيل لين اخر كلمة قالها له وختم رسالته بـ

"ماراح اقدر ارسل لك موقعي ، بس صديقك الي بالاستخبارات راح
يقدر يلاقيني ، تتبعوا الموقع لكن لا تتدخلون لين يبدا ينفذ خطته ،
علي...اهتم بنفسك "

علي ضل يناظر الرسالة ، معناها كان موضوع اخ إيليا كله صحيح،
وهالشي تأكد منه مرتين، لما عرف ان فعلاً في شخص مسجون
بذات التاريخ والمواصفات لكن الاسم كان لشخص ثاني،
وكون إيليا التقى بالشخص هذا  ، يعني  لازم يتصرف بشكل اسرع
.. وجود إيليا معاه يعني انه بخطر فعلي .

اخذ مفتاح سيارته و اتجه للمقر ، كان ممتن تقريبا ان الوقت متأخر
والشوارع فاضية .

لما وصل ، كانت وجهته الاولى هي للعقيد ، قال له كل شي صار
وبالتفصيل ومن ضمنها قضية اخ إيليا ، وهالشي خلاهم يتصلوا بـ مُلهم 
وفريق الاستخبارات .

—

كان جالس على الكرسي بس حاط راسه على يديه فوق السرير ونايم،
صحى بسبب وضعيته الغير مريحة، وعيونه ارتفعت مباشرة
للشخص الي نايم على السرير ، وضعه شبه استقر لكن ماصحى للحين.

مسك يده ، رفع نفسه عن الكرسي وجلس على جنب السرير .

: مالك نية تقوم؟ نمت كثير ..سِـراج..
تدري؟ كنت اشوفك مجرد واحد سايكو مجنون، محد يقدر يوقف بوجهه..

آبتسم ورفع يده الثانية لشعره : ولا حتى كان ممكن يخطر ببالي اني
بوصل لنقطة اجلس جنبك واخاف يصير لك شي ، اخاف تتأذى
،أخاف اتركك وأروح..

سمع صوت الباب ينفتح، كان مساعد سراج الي ماهتم انه يعرف
اسمه للحين .

: كلّمت الدكتور ، بنطلع من هنا.

ريبـال التفت عليه : ك..كيف؟ وين؟

: المكان صار خطر بالنسبة لسيد سِـراج مابنعرف اذا بيصير هجوم ثاني
ومن طرف ثاني...

ريبـال ضغط على يد سِـراج الي ماسكها : كمل..

: اذا قدرنا نجهز طائرته الخاصة بنسفره بأسرع وقت لان له اساساً
بيت بأكثر من دولة ، نقدرنستكمل علاجه هناك.