تـخطـى الحـدود .

Part | Fourteen

—

وصَل إيليا لبيت سِـراج وراح للغرفة الي جهزها له ، ارتاح شوي
بعدها طلع يتمشى بالمكان ، كان كبير كثير وكان يبي يوصل
للقبو ، لأن كان متوقع انه ممكن يلاقي شي هناك .

لكن بطريقه لَفت انتباهه ، بآب وقدامه حراس اثنين ، ماكان
فيه ايّ حراس الا خارج البيت والخدم داخله .

صار يناظرهم من بعيد ، لين راح واحد منهم بإتجاه المطبخ ،
راح بسرعة بأتجاه الشخص الي بقى .

إيليا : هـيه انت .

الحارس وقت بأحترام بسرعة : نعم سيد إيليا.

إيليا : تعرف كيف تفكك بندقية ؟

الحارس : اكيد !.

إيليا : راح تلقى وحدة بغرفتي ، احتاجها قطعة فوق قطعة .

الحارس ناظر الباب : ب..بس

إيليا بعدم اهتمام : زميلك بيرجع الحين ، انا واقف هنا لين يجي.

الحارس عارف ان سِـراج ممكن يقتله بمكانه لو سمع عنه شي
: حاضر..

لما ابتعد ، إيليا فتح الباب ودخل بحذر ، يده على السلاح الي
في خصره .

وقف مكانه لما شاف الشخص الي نايم بهدوء على السرير الكبير،
كأنه صاحب البيت لو لا السلسلة الفضية الي ملتفة حول يده .

إيليا كان عارف انه ماراح يقدر يطول بسبب الحراس،
ولا يقدر يخلي ريبال يشوفه ، لأن ممكن يقول شي لسِراج
و يطيح بمشكلة كبيرة معه .

طلع جواله واخذ له صورة و بعدها طلع من الغرفة
ومشى بأتجاه غرفته.

ابتسم بداخله ، عارف انه هالخبر بيسعد علي كثير، لكن
حس ببعض الشك بداخله ... ليه سِـراج يحط رهينه له
بغرفة فيها احدث واجمل الاثاث ، ماكان فيه أثر واحد على وجهه،
لو لا انه شاف السلسلة بنفسه ، بيشك انه هو رهينة اساساً .

مع ذلك قرر يحتفظ بشكوكه لنفسه ، الحين الاهم هو انه لازم
يخطط للخطوة الجاية .

—

طارق ركض بسرعة و رمى الكرة بأتجاه السلة، مَسجل فيها نقاط
التعادل .

زيد ضحك وأخذ الكرة منه ، كان دوره بالهجوم و طارق وراه يحاول
ياخذها منه ، لكن زيد كان اسرع منه وتعداه وهو يسجل نقاط الفوز .

طارق بتذمر : غششش .

زيد ضحك وجلس على أرضية الملعب وهو يتنفس بسرعة
: خل عنك ، لوما كنت أتساهل معك ماقدرت حتى تتعادل معي.