[Zawgyi]
15
"နင့်ကြည့်ရတာ ခုရက်ပိုင်းတက်ကြွလာတယ်နော် နှင်းပန်း"
သူငယ်ချင်း၂ယောက် snacks တူတူစားရင်းသဲဆုက စကားစလာသဖြင့် နှင်းပန်း ကော်ဖီတစ်ငုံသောက်လိုက်ကာပြုံး၏။
"သိသာနေလို့လား"
"အင်း နင်လွန်ခဲ့တဲ့၁၉နှစ်လုံးလုံးမှိုင်တွေနေတာလေ"
နှစ်ခြိုက်စွာပြုံးသောအပြုံးလေးမှသည် နှင်းပန်း၏မျက်နှာလှလှလေးတွင်ဝမ်းနည်းရိပ်ကလေးအနည်းငယ်သမ်းလာသည်။
ဘဝ၍နုနှယ်ပျိုမျစ်ဆုံးအချိန်ဖြစ်သည့်အသက်၂၀ဝန်းကျင်မှသည် ၁၉နှစ်ဆိုသောအချိန်ကြာသည့်တိုင်နှင်းပန်းဟာ မမမွန်စိတ်ဖြင့် ဘဝကိုဖြတ်သန်းခဲ့ရကာတစ်ရက်မှမပျော်ခဲ့ရ။
"အတိတ်ကိုပြန်မတွေးချင်ဘူး"
"နင် မမမွန်ကိုချစ်နေတုန်းမလား"
သဲဆု၏အမေးကြောင့် နှင်းပန်းမျက်နှာမှအပြုံးလေးသည်ခပ်ယဲ့ယဲ့သာရှိတော့သည်။ နှင်းပန်းဟာ ထိုအဖြေကိုချက်ချင်းမဖြေ။ စက္ကန့်ပိုင်းမျှသူမလက်ခလယ်မှ လက်စွက်ကလေးကိုငေးကြည့်ပြီးနောက်
"ကျိန်းသေပေါက်ချစ်တာပေါ့ ဒါပေမဲ့ ငါကြောက်တယ်"
"ငါကိုယ်ချင်းစာပါတယ်"
"မမမွန်ကိုချစ်ရမှာကိုကြောက်တာမဟုတ်ဘူး မမမွန်ကိုထပ်ဆုံးရှုံးရမှာကိုကြောက်မိတာ"
သဲဆုသည်ပြန်တုံ့ပြန်ဖို့ရန်အဖြေမရှိပုံဖြင့်နှင်းပန်းကိုကြည့်၏။ အချို့သောသူတွေပြောကြသည် move on လိုက်တဲ့။ အပြောလွယ်သလောက်အလုပ်ကတော့သိပ်ခက်ပုံပင်။ အထူးသဖြင့်နှင်းပန်းအတွက်ပေါ့။
နှင်းပန်း၏ နှလုံးသားဆိုသော ခန္ဓာကိုယ်အစိတ်အပိုင်းသည် မမမွန်ဟူသည့်နာမ်စားကိုအထူးပြုကာရှင်သန်နေရသည်ထင်ပါ၏။ မမမွန် မှလွဲဘယ်သူ့ကိုမှထိုနှလုံးသားကလက်မခံနိုင်။
"နင့်သစ္စာတရားကိုတော့ငါချီးကျူးတယ်ဟယ် နှစ်တွေလည်းဒီလောက်ကြာပြီကို နင်အပျိုကြီးလုပ်နေတာ မမမွန်ကြောင့်ဆိုတာငါသိပေမဲ့ ဒီလောက်စွဲလမ်းနေမယ်ငါမထင်ထားဘူး"
