[Zawgyi]
31
အခန်းတံခါးကိုဖွင့်လိုက်သည်နှင့်ရရှိလိုက်သောအငွေ့အသက်မှာတိတ်ဆိတ်အေးစက်လွန်းလှ၏။ အခန်းတစ်ခုလုံးမှာလည်းပြတင်းပေါက်များကိုပိတ်ထားရုံမကလိုက်ကာများပါချထားသလိုမီးလည်းဖွင့်မထား၍ မှောင်မဲနေသည်။
သို့ရာ အင်ကြင်း သက်ပြင်းကြမ်းကြမ်းတစ်ချက်ကိုချလိုက်ပြီး မီးခလုပ်ကိုဖွင့်လိုက်ကာ လိုက်ကာများကိုလည်းလိုက်ဖွင့်နေ၏။
ထို့နောက် ခုတင်စောင်းကိုမှီလျက်အသက်မပါသောအကြည့်ဖြင့်လက်ချောင်းများကိုပွတ်သပ်နေသည့်အထွဋ်ရှေ့တည့်တည့်တွင် အင်ကြင်း ထိုင်ချလိုက်ကာ
"အထွဋ်"
ပထမတစ်ခွန်းတွင်အထွဋ်သည်သူမကိုတစ်စက်ကလေးမှမကြည့်။ လက်ချောင်းများကိုသာအာရုံပြုနေလေသည်။
"အထွဋ် တီအင်ကြင်း ကိုကြည့်"
ဒုတိယအကြိမ်တွင်လည်းအထွဋ်သည်ကြည့်မလာခဲ့ပြန်ရာ အင်ကြင်း အထွဋ်၏လက်ကိုလှမ်းကိုင်လိုက်ပြီး
"ဘဝကိုဒီလိုပဲအရှုံးပေးတော့မှာလား အထွဋ်ဒီလိုဖြစ်နေတာကို လူကြီးတွေကစိတ်ချမ်းသာမယ်ထင်နေတာလား"
အင်ကြင်း၏စကားကြောင့်အထွဋ်၏ဦးခေါင်းမှာမော့လာခဲ့ပြီ။ အထွဋ်သည် ထုံမှိုင်းလှသောအကြည့်တို့ဖြင့်အင်ကြင်းကိုကြည့်လျက်
"မေမေကတော့ဝမ်းသာနေမှာပေါ့"
အသံသည်အက်ကွဲနေသည်။စိတ်ဓာတ်ဒုန်းဒုန်းကျနေသောအသံမျိုးဖြစ်၏။ အင်ကြင်း စိတ်မသက်သာစွာဖြင့်ပင်သက်ပြင်းချမိလိုက်ပြန်သည်။
အထွဋ်ခုလ်ိုပုံစံဖြစ်နေတာ ၂ပတ်ရှိခဲ့ပြီ။ ဒါဟာအတော်သက်သာပြီးပုံမှန်လိုဖြစ်လာတာလို့ပြောလို့ရ၏။ စစချင်းရက်များကဆိုလျှင် ထိန်းမရသည့်နေ့တွေတောင်ရှိကာ လုံးဝရူးနှမ်းသွားသည့်ပုံစံမျိုးမို့ စိတ်ကျန်းမာရေးဆရာဝန်တောင်ခေါ်ပြခဲ့ရသည်။
"အစ်မမွန်ကိုအထင်မလွဲပါနဲ့ အစ်မမွန်ကအထွဋ်ကိုဂရုမစိုက်တာမဟုတ်ဘူး အထွဋ်ကိုစိတ်ဆိုးနေရုံပါ သူဘယ်လောက်စိတ်ပူနေခဲ့လဲအထွဋ်သိလား"
