[Zawgyi]
20
"အရေးပေါ်"
ရုတ်ရုတ်သဲသဲဖြစ်သွားသောဆရာဝန်များ။
ဦးလွင်မောင်သစ် သူ့အသ်ိဆရာဝန်ကြီးကိုအပ်နှံနေမိသည်။ နှင်းပန်းသည် လုံးဝခေါ်မရတော့သလို အသက်ရှူနှုန်းလေးပါကျလာသဖြင့်အခြေအနေကစိုးရိမ်ရ၏။
"ငါ့သမီးလေးကိုရအောင်ကယ်ပေးပါကွာ"
သူငယ်ချင်းကိုအကူအညီတောင်းပြီးနောက် ဦးလွင်မောင်သစ် ဇနီးဖြစ်သူ၏ပုခုံးကိုနှစ်သိမ့်ပေးဟန်ဖြင့်ကိုင်ကာ အရေးပေါ်ဌာနရှေ့စောင့်ပေးနေရသည်။
ဒေါ်နှင်းနှင်းရီမှာအတော်လေးမျက်နှာမကောင်း။ စိတ်ပူတာပေါ့။ နှင်းပန်းက ပုစွန်နဲ့သာမက ငရုတ်ကောင်းမှုန့်နဲ့လည်းမတည့်။ နှစ်မျိုးလုံးကိုတစ်ခါတည်းစားမိတာမို့ ပိုစိတ်ပူနေရသည်။
မတည့်တာသိရဲ့သားနဲ့ နှင်းပန်းဘာလို့စားသလဲဆိုတာကိုလည်းသိချင်နေမိသည်။လက်ရှိတော့ထိုအကြောင်းများထက်နှင်းပန်းလေးအန္တရာယ်ကင်းဖို့ကိုပဲပိုတွေးရပါမည်။
"မငိုနဲ့တော့လေ မင်းလည်းတမင်ရည်ရွယ်တာမှမဟုတ်တာ"
အင်ကြင်းကားမောင်းနေရင်း အထွဋ်ကိုချော့နေရသည်။ အထွဋ်မှာ ကလေးတစ်ယောက်လိုတစ်လမ်းလုံးငိုနေ၏။
"မဟုတ်ဘူး အထွဋ်ကြောင့် အထွဋ်ကြောင့်ပါ တီတီ တစ်ခုခုဖြစ်သွားရင်"
"ပါးစပ်ပုတ်ကြီးနဲ့ကွယ် ဘာမှမဖြစ်လောက်ပါဘူး
ဘဘတို့ ကြီးကြီးတို့ကလည်းဆရာဝန်တွေပါ"
အထွဋ်ကိုချော့နေရသော်ငြားအင်ကြင်းကိုယ်တိုင်လည်းစိတ်ပူနေမိပါသည်။
"မဟုတ်ဘူး အထွဋ်သာ မေမေ့နာမည်သုံးပြီးအတင်ရမကျွေးရင် တီတီခုလ်ိုဖြစ်မှာမဟုတ်ဘူး"
အထွဋ်၏အဖြေကြောင့် အင်ကြင်းသက်ပြင်းအသာချရပြန်သည်။ အထွဋ်က နှင်းပန်းကိုလိုတာထက်ပိုတွယ်တာနေမှန်း အင်ကြင်းရိပ်မိသည်။ ထိုမျှမက နှင်းပန်းသည် မွန် နှင့်ပတ်သက်လျှင်အတိမ်းအစောင်းမခံခြင်းကိုလည်းကိုလည်း အင်ကြင်း သတိထားနေမိပေမဲ့ သွေးရိုးသားရိုးခင်မင်ခြင်းလို့သာမှတ်ယူထား၏။
